حنانه ونسي اهلو ما نسانا-- خربشه دواخل --
كدي ياجماعه داير اكتب الموضوع وانشاء الله افوز بيهو في نحم الشهر
انتو بس قولو بسم الله ربنا يوفقني واكتبو صح بي اللغه العربيه الفصحه وكلمات ظريفه ..
بسم الله نتوكل علي الله
احبتي اعضاء المنتدي دعوني اخرج لكم بما في جعبتي (بضم الجيم ) من زكريات لي في هذا المنتدي العريق الذي كانت بدايته علي يد الادمن ابوبكر .. كنت حينها اتشوق لي كتابت حرف في المنتدي فقمت بالتسجيل وكان المنتدي في غايه السهوله وتم تفعيلي اتوماتيكيا بدون رقابه او اداره بل برحابه فايقه من المنتدي وهذا ان دل يدل علي حب الاداره للاعضاء الجدد فكان المنتدي زات ترابط اخوي وحب للناس فكانت اول مشاركه لي في العام ماعندي من زمان تاعبو تعب شديد وقمت بانزال اول بوست ترحيبي فكان اول رد من عضوه تدعي سالي فمن شلاقتي رديت في نفس البوست بالترحيب وابداء اعجبابي بها طوالي نطيت للتعرف .. فكان لابد من انقاذ الموقف عمنا ابو المهتدي بتعديل المشاركه وبادرني برساله خاصه (الاخوه التيمان هذه رساله تكتب في الخاص وشكرا عمكم ابو المهتدي ) فقمت بفتح الرساله فعلمت ان الحنك انكشف للجميع فكانت هذه اول ضحكه لنا في المنتدي فقمت برد الرساله وتم التعارف بيننا وبين ابو المهتدي وتم التعارف وقد اتي لي زيارتنا في المنزل واننا الان نفتقده بشده في المنتدي وفي السوريبه .. وبعدها تم تجريب الرسائل الخاصه للاخت سالي وتم التعارف وعلمنا انها اكبر مننا بكتير وكان اول تعارف لي خالتنا سالي وهي الان نفتقدها بشده .. ثم بعد ذلك عودنا الي جوء المنتدي شمالا ويميننا فوجدنا قسم الالعاب اللي هو النفاج الان (زي مابقولو لقينا ضالتنا ) فوجدنا لعبه اسجن العضو فقمنا بفك جميع المسجونين وسجن جميع الشباب ماعدا الشابات (الجكس ) فقام بعض من الشباب بالاضراب علينا في جميع الالعاب فازكر منهم كبك .. الشايقي ..مكتول مدني .. سامبا .. ود النور بجي مره مره ..فقام الجكس بتاعطف معنا ..وازكر منهم سوار الياسمين .. سالي .. صدقوني تخونني الزاكره
دعونا ناخد فاصل ثم نواصل .... يتبع
