شــــــــــرعية الحيكـــومــــة

الايام دي المعارضة بكل فئاتها وعلى رأسهم الشعبي ورأسه الترابي يقولون ان الحكومة ستفقد شرعيتها بعد الاستفتاء !!! (كلام عجيب)



هي الحكومة دي عمرها كان عندها شرعية ؟

ناس استولوا على السلطة بقوة السلاح (إنقلاب عسكري)

ثم .. قاموا بإجراء انتخابات (أولى) وزوروها وكسبوها (وكان الترابي معاهم) عصرئذٍ

ثم قاموا بإجراء انتخابات اخرى لا تخلو من تزوير (وكان الترابي ما معاهم) وقتئذٍ

طيب الشرعية الحا تفقدها الحكومة بعد الاستفتاء دي جات من وين ؟

الناس ديل شرعيتهم البندقية
http://i53.tinypic.com/r1mla1.jpg
.. فهل بعد الاستفتاء ستسقط البندقية ؟

حبيبنا ،،،
كلامك سمح بالحيل ....
وبجيك راجع باذن الله ,,,

اقتباس:

---

المشاركة الأصلية كتبت بواسطة الجندي المجهول

حبيبنا ،،،
كلامك سمح بالحيل ....
وبجيك راجع باذن الله ,,,

---

عارفك يا الجندي جنس الكلام ده بعجبك عديل كده ..

أها انا جبت لي بنبرين و2 شاي ومستنيك .. والليلة يا اعتقلونا يا اعتقلونا

هسة طبعاً المرتزقة قاعدين يكوركو ساااي لانه لو الجنوب انفصل وده شي متوقع بنسبة 99.9 % (ده ماكلامي ده كلام الحكومة والحركة)

لو انفصل .. ح تتقلص الوزارات الكثيرة دي .. وما ح نسمع تاني بوزير دولة بوزارة كذا وح تندمج وزارات مع بعض .. وفي ناس ح تمشي الشارع او يتجهون لأعمال حرة مستعينين بما نهبوه من الحكومة عندما كانوا وزراء ..

والبكاء من هسة حصل .. قبل الفلم يبدأ..

والمواطن الله يعينه بس .. هسة طبعاً المناظر بدت بزيادة السكر والغاز والبنزين والجاز .. (الله يخلي لينا عوض الجاز)

الفلم طبعاً ح يبدأ قريب .. بلو رأسكم بس ايها الشعب السوداني الصبور

اليوم اخي يبدا هذا الفيلم
وتبدا هذه المهزله الدوليه

اقتباس:

---

المشاركة الأصلية كتبت بواسطة همسات

اليوم اخي يبدا هذا الفيلم
وتبدا هذه المهزله الدوليه

---

مشكور همسات على المشاركة ..

الفلم بدأ في جوبـــا منــذ السابعة والنصف وبدأ الإقتراع عند الثامنة صباحاً

وكان أول المتقدمين للإدلاء بصوته هو سلفاكير .. وكان فرحان فرح ما عادي ضامنه في يده وخلاص ح يبقى رئيس دولة

كان الله في عونك يا بلادي

ابو يمن حبيبنا ،،،

باقي ليك حتى كان دمجوا الوزارات خلاص القصة اتحلت ( بيشوفوا ليهم ) مخارجة كان بي هنا ولا بي هنا

غايتو الله في ( شيل الصبر )

وقول معااااي
وظن ان له علامات ولما علا مات ،،،،،،
علامات دي الجمع بتاع راغب علامة
بس هنا من ( غير) رغبة

اقتباس:

---

المشاركة الأصلية كتبت بواسطة الجندي المجهول

ابو يمن حبيبنا ،،،

باقي ليك حتى كان دمجوا الوزارات خلاص القصة اتحلت ( بيشوفوا ليهم ) مخارجة كان بي هنا ولا بي هنا

غايتو الله في ( شيل الصبر )

وقول معااااي
وظن ان له علامات ولما علا مات ،،،،،،
علامات دي الجمع بتاع راغب علامة
بس هنا من ( غير) رغبة

---

مشكور حبيبنا ورفيقنا الاحمر .. الجندي المعروف

والله يا الجندي الداير يسرق ده من جيبك بسرق .. وكل ما كثرت احتياطات الامان كثرت الحيل والطرق .. والداير ينهب بنهب .. لكن بعدين بمشي وين يوم لا ينفع مال ولا بنون الا من اتى الله بقلب سليم .. عندها سنأخذ حقنا جميعاً من كل من ظلم ..


والله زلم ألينا زلم يا ناس القوز ألينا زلم (دي سمعتها في قناة قون) :o:o:p:p