اعتادن التلاته دايما يلفن على نسوان الحله:cool: ..
وخصوصا بيحبن يزازن بعد الفطور
لانه دايما الرجال بيكونو دايشين في اشغالهم ولقمة العيش
يسوطو ويجوطو في خبارات الناس .. لايخلن فلانه ولا علانه
.. قطيعه وشمارات;)
اعتادن التلاته دايما يلفن على نسوان الحله:cool: ..
وخصوصا بيحبن يزازن بعد الفطور
لانه دايما الرجال بيكونو دايشين في اشغالهم ولقمة العيش
يسوطو ويجوطو في خبارات الناس .. لايخلن فلانه ولا علانه
.. قطيعه وشمارات;)
الله يكفينا شر
زهرة وفطينة وعشة
اها هببن شنو
الله يستر
زهره الدلاليه ما دلاليه
لكن اخدت شهرة الاسم من فصاحتها وشدة اقناعها للناس الحوليها
فزهره الدلاليه ممكن تقنع نسوان الحله بكل بساطه
باي شي عاوزاهو:)
ليها اسلوبها الخاص في الاقناع كان حقيقي ولا كذب ..
اما فطينه بت التايه تشوفها تقول لا بتعرف طظ من سبحان الله
تلقاها ساااااكته تعاين وتتابع لكن وقت تفتح خشيمها
تقول ناس القبـور وقفـو طابـور ..
اما عشه شمارات
مره لهلوبه:) لكـن خفيفه ولفيفه واللسان عليها بس ريشه:p
معاكم معاكم عليكم عليكم:cool:
لابيهمها الراجل لا المره ونستها في أي مجال البجي في لسانها بتمرقو ليك:o ..
لا بتخلي العرسوها لابتسيب الطلقوها:rolleyes:
تجيب خبر التايهه;) ..
اقتباس:
المشاركة الأصلية كتبت بواسطة بت أم درمان
تابعي وبتشوفي الهبــــاب:)
اجتمعن التلاته كالعاده في قعدة الجبنه بعد الفطور
في بيت زهره الدلاليه:rolleyes:
كل واحده شايلالها كوم شمارات:)
يتبادلن ويتشمشرن في حال الحله واهلها
عشه شمارات :- اسمعي يا فطينه .. سمعتي بالعريس الجا لسعاد بت التومه:rolleyes:
فطينـه بت التايه :- ماله :confused::confused:؟؟
عشه شمارات :- اسكتي من الجابو ليهم ما خلى شي كده ماجابو ليها .. خمج شديد:cool:
زهره الدلاليه :- بختها والله العقبال لبنياتنا
عشه شمارات :- نبرى نبرى يختي
فطينـه بت التايه :- ليــــــــــــــــه بس:eek:
عشه شمارات :- يايمه سمعت انه معرس اتنيـــــــن وعنده سته شفع:eek:
زهره الدلاليه :- وهي رضت بيهو ليه العــــولاق:mad:
عشه شمارات :- عماها السجمانه بالقرش والدهب .. ماعارفاها شرفانه:rolleyes:
فطينـه بت التايه :- هي يايمـه هي زاااتها تشبه روحها.. معرسا لشنو الاّ كان هو زااااته فيهو إنّ :cool::cool:
فطينـه بت التايه :- سيبكـن من بت التومه.. ما سمعتن براجل انتصـار الزرقا:confused: ؟
عشه شمارات :- ماله يافطينه !!
فطينه بت التايه :- هي يايمه شافوهو في البتاعه العلى البحر ديك الفي شارع النيل
البقعدن فيها البنيات يحبن ويتجكسن ويدقسـن من الاولاد
زهره الدلاليه :- ياتها دي يا فطينه:confused::confused: ؟؟
فطينه بت التايه :- يايمه البيتلمو فيها ولاد المنتدى بتاع مدني
عشه شمارات :- أي أي عرفتها:p:p
فطينه بت التايه :- قالو شافوهو بيحب ليهو في وحده هناك ويأكل فيها البورقيــر كمان:D:D..
عشه شمارات :- خلوكن انتن من راجل التومه اصلو مرتو قنعانه منه وراميه طوبته;)
عارفاهو بتاع بنات لكن هي مكملاهو بالولاده والمصاريف عشان كده مابيمشي بعيد:p:p
خلونا في المصيبه الفي البلد دي.. يايمه قالو امس زادو سعر المواصلات عشان زادو سعر البنزين وبقوهو بـ12ج الجالون
فطينه بت التايه :- لالا يا عشه قالو بقى بـ8ج ونص
زهره الدلاليه :- لالا كلام عشه صاح 12ج لانه دي مدني ما الخرتوم:rolleyes:
وعندنا أي شي بيكيف الناس البيبيعو ما بكيف الحيكومه كل زول شغال بطريقته:(:(
فطينه بت التايه :- لكن يا عشه سبب الزياده دي شنو :confused::confused: ..
ماكفانا سجيم ورميد الرغيف زاد و السكر زايد اللحمه زايده الخدار زايد :mad:
الاّ الرجال يايمه حالهم ماشي في الناقص;):p;)
عشه شمارات :- سببها قالو بكره في البتاع البنبحوبو ليهم سنين الاسمه الاستفتا
زهره الدلاليه :- ده شنو ده كمان؟؟
فطينه بت التايه :- آآآآآي ده بتاع الجنوبيين
عشه شمارات :- أي بكره يايمه بلدنا حتبقى بلدين والرماد كال حمـاد:(
قالو زي الانتخابات يشيلو ورق يرموهو في صناديق
بعد داك يعدوهو ويقسمونا نصين
زهره الدلاليه :- يقسم شوفهم يايمه .. النصيبه دي قالو وراها امريكيا بتاعت البوش:cool:
لكن كيفن دحين يعني الجنوبيين يفوتونا؟؟
فطينه بت التايه :- ههههههه انت من زمن البوش دحين في الاسمه بوما يختي ..
بعدين مايفوتو مش هم الماشين يختـارو.. الماعايزنا نحن زاتنا مابندورو
زهره الدلاليه :- اها هسه ميري السمحه تمشي على وين:confused:؟؟
معانا ولا معاهم ..
عشه شمارات :- آآآآآآآي والله دي مع منو حتكون؟؟
فطينه بت التايه :- ليه دخلها شنو دي كمان؟؟
عشه شمارات :- انت ماعارفه انه امها جنوبيه وابوها شمالي .. ماشايفاها سمحه كيف:rolleyes:
من سماحتها يايمه مكسره رضا ود حسن
فطينه بت التايه :- اتاريها سمحتا طويله ومبرومه .. مخلووووطه الشي
زهره الدلاليه :- مسيكينه وحات الله دي باقي لي هي الحتبقى زي سوداننا
مقسومه نصيــــــن ضايعه بين اتنين لا لمة في وطن امها لا لمة في وطن ابوها
ونحن بقينا خسرانين بلدا كانو بيقولولو بلد المليون ميــــــل
لكني ظنيته بقى بلد القسمه والتهجيـــــر ..
عشه شمارات :- أجـي:confused: .. مالك يا فطينه صنيتي كده ودميعاتك بقت في عويناتك:(
فطينه بت التايه :- وأولادنا الماتو في الجنــوب مصيرهم شنو:confused: ؟؟
عشه شمارات :- ديل يختي مافي زول اتذكرهم
الله يرحمهم راحو عشان تراب وطننا لكن للأسف جو بعد ده كللللللـه باعوهو بورقه تترمي في صندوق
الله يصبر اهاليهم .. ويرحمهم برحمته
فطينه بت التايه :- عشـان كده بقول لوليداتناالباقيــــــن ابقـوعشـره على باقي وطننــا
لانه الفات ماهيــّــن والبروح ماااااابيـرجع..
وطننا غالي مهما قسى علينا مابنلقى زيه ولا بنلقى غيره
ويامدنيـّـه بتي خلاص غيري صورتك الرمزيه لانها بقت من المـاضي ..
-------------تحيـــ:)ـــاتي-----------
رائع جدا يامميز
كفيت ووفيت
وتحدثت عن مايدور بين عامة الشعب
من حوار حول موضوع الانفصال
المميز يا مميز
قمة الحزن على وطن...كان
قمة السخريه على ساسه وطن
قمة الشمارات من وطنين بسطاءاقتباس:
فطينه بت التايه :- وأولادنا الماتو في الجنــوب مصيرهم شنو ؟؟
تعبير شماري جوه الهدفاقتباس:
الله يرحمهم راحو عشان تراب وطننا لكن للأسف جو بعد ده كللللللـه باعوهو بورقه تترمي في صندوق
انت قصدك اي شي على كيف الناس البتبيعو مش على كيف الحكومه.....مش كدهاقتباس:
وعندنا أي شي بيكيف الناس البيبيعو ما بكيف الحيكومه كل زول شغال بطريقته
رضا قلب يا سيد بقى بتاع لبنانيات من يوم سفره السجم السافرها بليل ديكاقتباس:
عشه شمارات :- انت ماعارفه انه امها جنوبيه وابوها شمالي .. ماشايفاها سمحه كيف
من سماحتها يايمه مكسره رضا ود حسن
انت حاتقول لي ياما مسكنا فيها ناس بالثابتهاقتباس:
فطينه بت التايه :- يايمه البيتلمو فيها ولاد المنتدى بتاع مدني
انشاء الله العدو يا اخوي مالك علينااقتباس:
ماكفانا سجيم ورميد الرغيف زاد و السكر زايد اللحمه زايده الخدار زايد
الاّ الرجال يايمه حالهم ماشي في الناقص
اقتباس:
المشاركة الأصلية كتبت بواسطة ahmed algam
تسلم يابوحميــد
ونتمنى من الله ان يستر اهلنا وشعبنا ويحفظ ارضنا
اقتباس:
المشاركة الأصلية كتبت بواسطة محمد عبد الله عبدالقادر
مشرفنا المشرفنــا
تسلم كتيــــر على المرور
وربنا يكفينا شر الويكيليكس:eek:
أقصد شر الشمارات:p
غايتو جنس غايتو ، الخلا عادتو قلت سعادتواقتباس:
المشاركة الأصلية كتبت بواسطة محمد حسين (المميز)
يعني برضو مواضيعك ما طالعة من الدلالية الدلالة و السمسرة :p
كسرة : الإشراف كان مقيدك ولا الفهم شنو يا حبيب ؟ :rolleyes:
قلم جميل وتعبير بسيط يصل بكل سهولة
الكرفتة كانت رابطة الرقبة جنس ربطة ،،،،
واصل من غير فواصل ،،،
تخريمة : القهوة في السلك مشكلتها الوحيدة انها جنب بيتكم ( ....)
حريم كريم
حاجاتك عينه
المهم انهن متابعات احداث الفريق والسودان
اقتباس:
المشاركة الأصلية كتبت بواسطة moh_alnour
p
هسه لو قالو ليك محمد حسين ده سمسـاري .. بتصــدق:
اقتباس:
المشاركة الأصلية كتبت بواسطة moh_alnour
الكرفتــّــه خنـّـــاقه:p
اقتباس:
المشاركة الأصلية كتبت بواسطة الجندي المجهول
دي مواهب مخزنه:p:p
رد التخـ :- لو بقت في القمـر بنجيهـا;);)
اقتباس:
المشاركة الأصلية كتبت بواسطة mahagoub
تسلم ياعمنــا محجــوب
غايتو هفة لينا الكتابه وقلنا نكتب
سئل احد المغبونين ماهو رأيك في الانفصال
قال زي مروق الروح من الكافر
بجيك تاني
سيناريوعجيب
ومميز
سؤال من فطينة بت التايه /قالت : حسي انا لو بقيت مؤيدة الانفصال بكون ما عندي ولاء للسودان ؟