عرض للطباعة
كل المؤشرات تقول بأن كفة الانفصال هي المرجحة
نقطة صفحة جديدة وليس سطر جديد
ما الذي سيحل بنا نحن مواطني الشمال؟
علي الصعيد الاقتصادي نحن في تدهور مستمر
علي الصعيد الاجتماعي فلن يقبل أحدنا الاخر
وسيظهر ألف صوت إنفصالي آخر (شرق -غرب وحتي الوسط*)
* نحنا طبعاً ناس الوسط ولو ديلك طالبو بتقرير مصير
ياني الخاشي لي في غابة عشر وما سك سلوكتي :mad:
ياخ حتي شبكة الانترنت نحنا عندنا في الجزيرة كعبة
تقول لي ما مهمشين؟
قمت من الصباح وكالعادة شلت ألف جنيهي( بالقديم)
قاصد الدكان عشان أجيب صندوقين بسكويت بي تمنمية*
واحد للشافع والتاني المدام وسجارة من أبو مية وخمسين حسب قدرتي لي براي
مقنعاً نفسي بأنه تمييز إجابي كونو نصيبهم أكبر مني!
فما كان من سيد الدكان إلا وأن صفعني بخبر مفاده أن السيد بسكويت (بركة)
أصبح بخمسمية وبالتالي راحت علي سيجارة الصباح
* القمح بنزعو عندنا في مشروع الجزيرة
ومصنع البسكويت علي بعد كيلو من بيتنا
وبرضو صندوق البسكويت بي 400؟
الحاجة الوحيدة الطمنتني إنو المواصلات زادت بقت تمنمية
يعني في متين مرتجع حق سيجارة
جيت الشغل وبعد وريت وشي للمدير نزلت تحت
قلت أشرب كباية جبنة بي مزاج عند خالاتك تحت النيمة
بعد ضربت كبايتي ديك وحبست بالسيجارة القبيل
جاء وقت الحساب لأتلقي صفعة أخري بأن كباية القهوة بقت بي ألفين!
والخالة شبكتني ليك ياولدي السكر زاد والفحم بقي نار من شوالو وكلام كتيير
قلت ليها والله يا خالة مافرقت أي حاجة طلعت السماء أشمعني إنتو؟
ونقدتها عدد إتنين جنيه بالجديد بعد أن ودعتهما وداع الاخوة الجنوبيين
تنويه:
دي نماذج خاصة بي أنا براااي بالنسبة للتدهور الاقتصادي
الحيجي علي راس الفرد
يعني المرتبو أكتر من ستمية جنية بالجديد وما متأثر بالزيادات
ما يجي داخل البوست دا
دا بوست فقراء زي حالتي دي
اكيد لو تم الانفصال ح نرجع 100 سنة لي وراء والتاريخ لن يرحم الحكومة الحالية ولا المعارضة ولا الجيل الحالي بأكمله لانه ساكت والساكت عن الحق شيطان اخرس ..
اقتباس:
المشاركة الأصلية كتبت بواسطة ايمن عبد الله
هو حصل وإنتهي يا أيمن ياخوي
بس كيف نحافظ علي الباقي من بلدنا دا؟
أها يازول لملمت طرف حسرتي ديك ورجعت المكتب
ودورت ليك نقاش مع بعض الزملا/ت عن الاوضاع والنفصال والكلام الكتيير داك
وبالجد أحبطت أكتر من إحباطي بتاع ضياع سيجارة الصباح
اللمستو من بعض الزملاء تجاه قضية الاستفتاء والانفصال برغم إنو ما معيار
زاد يقيني بأننا شعب لايمكن نتعايش بإختلافاتنا العرقية والدينية دي
وزاد يقيني بأنو الجنوبيين أحسن ليهم ينفصلو ...
علي الاقل يحاولو يعيشو حياتم من غير وصاية ولا إقصاء
نشوف برضو لغاية نهاية الاسبوع امكن تحصل مصيبة ولا مفاجأة من مفاجأت اخوان نافع تطرشق الموضوع في طاقية سلفقا ما معروفاقتباس:
المشاركة الأصلية كتبت بواسطة ممدوح أبّارو
لكن ما تخاف مافي جزء تاني ح يطالب بإنفصال او تقرير مصير فالشرق مععظمهم مؤتمر وطني ولهم قيادات كثيرة ومهمة في الحكومة كوزير الداخلية ومستشار الرئيس والولاة ناس ايلا وغيره اطمن من ناحية الشرق لانه ما في اختلاف كبير في الثقافة والتقاليد والعادات ولا يوجداختلاف دينياً بين بقية الولايات السودانية عامة حتى الغرب لا يوجد معه اختلاف لا دينياً ولا عرقياً ولا في العادات والتقاليد فلا اعتقد ان ما حدث للجنوب يمكن ان يحدث لأي جزء من اجزاء السودان أللهم الا ناس مدني يتمردو ويخشو حنتوب
الخوف من رجوع الحرب خاصه انو هنالك مناوشات بين المسيريه والدينكا
يعنى كبايه القهوه والسجاره تانى ما فى ولا شنو ؟؟
وربك يستر
ممدوح سلامااات
-------
ياخ انظر للنصف الممتلئ من الكوب
ح تخلي السجائر الضارة بالصحة دي
وح تخلي المنبهات "شاي وقهوة"
وح تتمشي برجولك بدل ما تركب المواصلات " ممارسة اجبارية للرياضة"
-------
اها المكاسب دي كيف معك!
----------
تحاياي
من المؤسف نجلس نتحسر ونسب ونلعن على الوضع
فكان علينا أن نتحسر ونسب ونلعن من وضعنا فيه
وما زال مستمر على أن يجعلنا فيه ويعدنا بالمزيد
من العذاب حتى ينعم هو بالسلطة.
سلام أمبارو و الجميع ..
يا أخوى أنا بطالب بحق الفينو بإنو البوست يكون للمفلسين و المغتربين سمح ؟؟..
تعال بقى النحدسك .. معظمنا أى المغتربين قال ليك يا عم خلى البترول دا ينقط تش و اللقاطة تدور فى البلد و كم سنة نتلب بهناك مع الخمارة الواحد البقدر عليها " عشرة سنين و أم الخمارة ما خمرت " .. أها حصل جب جرب سحبو منى .. بترولى البنقط سحبو منى .. ما حيخلو لي نقطة سحبو منى .. فشكلنا حنعمل حمد لبد بجاى و لا حنمر حتى بخالاتك ستات الشاى و لا حندخل فى مناقشات مع الزملا /ت و حننسى زااتو شكل بسكويت بركة ..
صحى الريال بقى ب 900 ؟؟.. مشان ننقص من المصاريف البنرسلا .. شفت كيف الناس كلها بتزود و انحنا بنقص ما حقو يعينو مغترب وزير مالية ؟؟..
أبشـــرك يا أشـــرف الريـــال بقى بي 8.10 وماشــي نازل .. وان شاء الله يرجع 680 زي ماكان بعد الاسـتفتاء ينتهى وكل مديانكي ونويراوي وشلكاوي يرجع بلد بتاعوا ::
لانــه زيــادته مافيـها مصلحــة ليـنا كمغتربين مســاكين ..
وصفت بعض الصحف العالمية الصادرة أمس، الاستفتاء على انفصال جنوب السودان بأنه الأغرب في التاريخ، لا سيما مع افتقاد جنوب السودان لمقومات الدولة الحديث، ما يجعل فكرة الانفصال باطلة من الأساس.
وأكدت صحيفة «الإندبندنت» البريطانية أن الاستفتاء على انفصال جنوب السودان يعد الأغرب في التاريخ، خاصة أن جنوب السودان الذي يطالب قياداته بالانفصال يفتقر إلى أيٍّ من مقومات الدولة الحديثة.
وقالت إن أوراق الاستفتاء لا تشتمل على كلمات، وإنما على رموز فقط نظراً للأمية والجهل المنتشرين في الجنوب، مضيفةً أن كل المؤشرات تشير إلى أن هناك مواجهة حتماً ستحدث بين الجنوب والشمال في حال تم إقرار الانفصال.
وأوضحت الصحيفة أن جنوب السودان لا يمكنه أن يصبح دولة تعتمد على نفسها مع غياب مقومات الحياة كافة هناك، من مياه نقية أو كهرباء أو رعاية صحية أو تعليم؛ حيث إن (15) فقط من سكان الجنوب يعرفون القراءة والكتابة، و(2%) فقط ينهون تعليمهم عند المرحلة الابتدائية، وتوجد بها منطقة من (38) ميلاً فقط فيها معبَّدة للسير.
واعتبرت صحيفة «ديلي تليغراف» البريطانية أن انفصال جنوب السودان سينشئ أحدث دولة في العالم وأفقر دولة فيه أيضاً نظراً لعدم وجود مقومات الدولة بالجنوب الذي يضم (8.5) ملايين نسمة، ونسبة الفقر فيه تصل إلى (90%)، ويفتقر إلى الطرق الممهدة والمستشفيات وغيرها من المؤسسات التي تلزم أية دولة.
وحذرت صحيفة «النيويورك تايمز» الأمريكية من اندلاع حرب بين الشمال والجنوب في السودان إذا صوت الجنوبيون لصالح الانفصال عن السودان.
الخوف من رجوع الحرب وضياع شباب الامه السودانيه في حرب لافائده منها
كدي يا أيمن براحة كدا وقع لي حكاية إنو ما إختلاف عرقي وتقاليدي بين القبائل السودانيةاقتباس:
المشاركة الأصلية كتبت بواسطة ايمن عبد الله
لأنو صراحة غلبني أهضمها:confused:
عمنا محجوب نعلك طيباقتباس:
المشاركة الأصلية كتبت بواسطة mahagoub
الحرب قائمة لا محالة طالما ترسيم الحدود معلقاً حتي الآن إلا أن الخوف من مروجيها وتجارها
من المنادين بعودة ساحات الفداء :mad:
وأطفالنا حقو ما يشربو لبن عشان ما وزنهم يزيد وحقو نعمل الملاح بدون لحمة عشان القاوت وبدون زيت عشان الكرسترول لا لا ياخ حقو نحنا زاتو ما ناكل الماكلنلها شنو؟اقتباس:
المشاركة الأصلية كتبت بواسطة مدنيّة
علي الاقل لمن نجوع صحة برضو وأهو الجماعة أبان كروش يلقو حاجة ياكلوها ولا كيف؟
حبابك يا مدنية
المسافر هل من إنجمامة؟اقتباس:
المشاركة الأصلية كتبت بواسطة المسافر
ومن قال إننا نسبح بمجده أونتسوله كي يجعل عيشنا ممكناً ؟؟؟
سلمت ياصاحب الوجعة
كلِ يغتي علي ليلاهاقتباس:
المشاركة الأصلية كتبت بواسطة أشرف صلاح السعيد
ركشة يا عمك البوست حقك أنا هديتو ليك أها شنو ليك ما أنفع وزير خارجية؟:p
أم يحي ومين سمعك؟اقتباس:
المشاركة الأصلية كتبت بواسطة أم يحيي
بس باقيلك تاني في زول بمش يكاتل أخوه؟
دا بحكم إنو الجنوبيين أصبحو جيران وقامت الحرب في الغرب أو الشرق
الحرب تقوم بين الشمال والجنوب بعد الإنفصال لي شنو؟! :confused: