البنطلون والكارينا تانى يا اولادنا يا اولاد ميكى
يعنى ياجماعه بالنسبه للبنطلون الضيق ده يعنى الناس تقلب بنات مثلا؟
ياجماعه والله الموضوع ده واجعنى بى الحيل يعنى البنطلون الضيق شدييييييييييييييد
ده لى متين يعنى الواحد بالله زى جراب البندقيه اانا ماعارف بلبسو بى زيت ولا بى شنو ياخ
ده كلام شين والله ومابشبهنا يعنى دى الحضاره طظ فى الحضاره لو كانت كده ياخ خلونا فى
جهلنا ده ياخ وشينه مننا الواحد بالله غالبو المشى والبنطلون نازل منو ومطلعو البوكسر والقوشر ده كمان موضه الموضه ويتنافسو على ياجماعه ده كلام والله من الزعل يقرب يلبس القوشر ده فى راسو كيتن عليهم ويوريهم بلبسو كيف؟؟
اها كمان الكارينا هى الفنيله الضيقه الكم الطويل بلبسوها البنات الايام دى لازم تكون لابسا بى جووووووووووه مع فلفله الشعر ...والله تلقاهم فى دكاكين البنات اكتر ممن البنات وبشيلو كمان الالوان البناتيه ده كلام شين ياخ
ااااااااااخ الحمد لله بس
الما عندو ولى تبقى مصييييييبه
الموضوع مهم والشارع السودانى والسودانيين فى الخارج لبسهم بقى يخجل !
ولى الامر ورب الاسره هو المسئول الاول والاخير عن ابنائه وماذا يلبسون واتمنى ان لا يقع علينا القول : اذا كان رب البيت بالدف ضارب فشيمت اهل البيت الرقص والطرب !
لكم التقدير يا شباب
