عرض للطباعة
السيد / مشرف النفاج المحترم
تحيه طيبه وبعد
أطالبك بفك تثبيت ( نواعم منتديات ود مدنى )
وأرجو أن تطالب الإداره بإسمنا بأن تنقله لأيّة جهه أخرى
وذلك ، لوقوفهن ضد الزواج مرتين وتلاته وأربعه فى بوست الضره فى العام
وبعدين تعال هنى ، هو إنت هين ولأ هين علشان الحكومه تبنى طابق ليهن فوق العماره
حقتك ؟ هسى لو عملتو لينا كافتيريا نسترزق منها ما أحسن ؟
وبعدين هو ما جايب حق الحبر ، إنت كدى فك التثبيت وشوفو ح يدردق النجيله كيف ؟
التوقيع / زميل غوانتانامو
مطاميرووو تحياتي ،،،
لو البوست دا كتبوا ابو عبد الرحمن ( عدو النساء) لوجدت له العذر !!!!!!
وبس
تخريمة : دا تضامن مع (عدو النساء) ولا انت كترت القهوة الليلة من الصباح (....)
على كل حل انحنا في عصر الحريات واصل (الكفاح) يا ضباح
غايتو ابو عبد الرحمن (وداك محل ما عاوز )
والله يكضب الشينة !!!!!
اتمنى ان يسرع (الحكيم ) عم محجوب بتفسير هذا (الانقلاب ) السريع
اعضاء النفاج يريدون الاصلاح (بفك تثبيت ) بوست كلام نواعم
تخريمة : الشرطة في الطريق بقيادة العقيد ( مدناوية) والرائد لواء (خالد المسافر)
اقتباس:
المشاركة الأصلية كتبت بواسطة ود المطامير
والله يا زميل ما عارف أقول ليك شنو ، ياخ ( الحنان ) برضو مهم
في حياة الناس على ما أعتقد وله دور مؤثر ( مؤثر كيف ما عارف )
وبعدين للجكس ده حاجات فوائد كتيرة ياخ مثلاً لا الحضر
1- الجكس ملح الحياة لأنو برفع الضغط .
2- الجكس سكر الحياة لأنو بجيب السكري .
3- الجكس نعمة الحياة لأنو بخلي الواحد يقرب يسب للدنيا زاتو .
ياخ أنا لو قعدت أعدد ليك محاسن الجكس ( بنجلط عديل كده ) عشان كده أحسن أسكت
وخلي ( مدناوية ) تجي تفك ليك التثبيت .
اقتباس:
المشاركة الأصلية كتبت بواسطة الجندي المجهول
الرائد لواء خالد المسافر بقى بتاع مرور
عايزين نعرس ياخ
ود المطامير ده شنووو
انا ماجيت في بوست الضرة بس انا برضو بعااارض وبشده ^_^
كدا انت بقيت تعرف الطريق إلى النجاح (باسهل وسيلة)اقتباس:
المشاركة الأصلية كتبت بواسطة المسافر
ود المطامير الدايمن سباق لفعل الخير .... مـــــــطاميرو اخو الجنيات سواق الحميراقتباس:
المشاركة الأصلية كتبت بواسطة الجندي المجهول
ود المطامير اسد اسود حلة المطامير .... مــــــــــطاميرور من مسكنتو التقول عوير
ود المطامير تعال نفرتق نواعم بره....... مطاميروا من امس ما اكل ولا شرب سجاره
والمطامير امووت واعيش معاك شهيد .مطاميروا نفسي اشوف يوم في المسافر العنيد
مطاميروا فرتقك النواعم بلا سجائم .........مــــــطاميروا فرتق سراقات قلوب الحمائم
بجيك تاني اسي الكتاحات تعاين ......... بجيك آخــــــر الليل انا وانت وشوقي باين
خلاص ضاقت بيك الوسيعة عينك مرقت على الخمسة امتار القاعدات فيها النواعم؟؟؟؟اقتباس:
المشاركة الأصلية كتبت بواسطة ود المطامير
الحياة من غير ملح وسكر مسييييييييييييييييييييخةاقتباس:
المشاركة الأصلية كتبت بواسطة المسافر
افسحو المجال لشاعر النفاج خزاعة بن ابى سراقةاقتباس:
المشاركة الأصلية كتبت بواسطة ابو عبد الرحمن
الحبيباقتباس:
المشاركة الأصلية كتبت بواسطة الجندي المجهول
سلامى وأشواقى
البوست دا ممكن تقول توارد خواطر بينى وبين أبوعبدالرحمن ;)
وبعدين أنا مع أبوعبدالرحمن يلف بلستك واحد طوالى ألف معاهو بلستك الحديد
ياخ هو كاسر فينى ضلعتين هع هع
وبعدين المسافر دا زميل وهو بيحترم دا تمام
وأم رقبه بقت ذى ناس الإنتخابات شهر يقولو لينا رشحو مرشحكم فلان
ح يجيب ليكم الكهربه والمويه وشارع الظلط ومن يفوز عيييييييييييييك تانى شوفتو
تبقى ذى هلال رمضان فى الخريف
يا زميل الغرفه 114اقتباس:
المشاركة الأصلية كتبت بواسطة المسافر
تتذكر زمان لما عملو ليهن منتدى نواعم مدنى ؟
اللون بنفسجى والموسيقى تقابلك من خشم الباب
لكن هن عملنها كلها مسيح وكريمات وموضه ولهط بالطريقه الصاح
قامو ناس الإداره قالو دا صرف كهربه ساااى وطوالى جابوهن وعملو ليهن
راكوبه فوق راس النفاج
فك التثبيت وخليك أسد ;)
وأنا بعارض كلامك دااقتباس:
المشاركة الأصلية كتبت بواسطة آلاء عبد الرحمن
وأستنكر وأدين وأحتج كمان ;)
أبو عبدالرحمن الزول السمح بالحيلاقتباس:
المشاركة الأصلية كتبت بواسطة ابو عبد الرحمن
شد اللجام وخلينا نسرج الخيل
ونغير على قبيلة البسوس بالنهار والليل
نفرتق قسم النواعم فرتقة أبوالضليل
أى يا حبيب قلبى تعال لى آخر الليل
نتكتك كيفن المثبت نهدمو ونشيل ؟
ولما يجن الصباح يلقن دارو خلا عديل
أى واللهاقتباس:
المشاركة الأصلية كتبت بواسطة ام رغد
هع هع هع
;);););););););)اقتباس:
المشاركة الأصلية كتبت بواسطة ام رغد
انا بمشي اشوف ام عمرو علي وووين واجيك راجعة
:-)
هههههههههههههههههههههههههههههههههههههههاقتباس:
المشاركة الأصلية كتبت بواسطة ود المطامير
شقيت مصاريني ؟ اها الليل ما جاء
دقيقه دقيقهاقتباس:
المشاركة الأصلية كتبت بواسطة آلاء عبد الرحمن
خلينا نتفاهم ياخ ;)
جا ومن قبيل منتظركاقتباس:
المشاركة الأصلية كتبت بواسطة ابو عبد الرحمن
أهااا .. الليله نردم منو ;)
مااااااااااااااااااااااف ليك
نادي لينا ام عمرو بث
هع هع هع هعاقتباس:
المشاركة الأصلية كتبت بواسطة آلاء عبد الرحمن
أم عمرو معاها جارتها
وشغالات نتل فى جارتهن التالته ;)
نردم النواعم بدون فرز لا بنعرف مدناوية ولا مدنية ولا ام رغديةاقتباس:
المشاركة الأصلية كتبت بواسطة ود المطامير
ولا تغريدية كلهم صواحب يوسف ...............
أهااا ... نبدأ بأم رغد
وردودها الموجعه والحاله دى ردودها مسكولات بس
هى لو بتكتب كم سطر واطاتنا ما بتصبح هع هع هع
ود المطامير ام رغد دي مالك عليها البت دي هديه ورضية ورايقة وفي حالها وماقاعدة تسال ليها زول لكن مرات مرات بتقلب السفنجات وفي مقولة اخري النعال لانو السفنجة في اللغة الفصحي اللوري. فك دربها عشان مايكروك بالارض.