الليله جيت شايل الفرح قصدك تعوضنى الفات
***
سبعه كلمات لو حاولت اغوص فيها حاحتاج مجلدات ... لكن اكتفى بان اقول ما اروعك يا كاتب هذه الكلمات
عرض للطباعة
الليله جيت شايل الفرح قصدك تعوضنى الفات
***
سبعه كلمات لو حاولت اغوص فيها حاحتاج مجلدات ... لكن اكتفى بان اقول ما اروعك يا كاتب هذه الكلمات
اتمني ان تعوضك الفات وتثري حياتك الجاية
تحياتي
جــوايا ليـــــــــــــك
اقتباس:
المشاركة الأصلية كتبت بواسطة ساريه
اديتني حنية عيون
ما لقيتها في اقرب صلات
اديتني احساس بعمر
حاضنو الربيع ونسايمو جات
يوم كنا في جلستنا ديك
نحكي ونعيد الزكريات
عبد الرحمن مكاوى
شاعر الحب والجمال
هو القائل
....
صباحك بالفرح نعسان ... عيون طفلة وصباح عيدين
حلاتك فايتة كل الناس ...
وفاتت طيبتك الطيبين ....
بحبك وانت عنى بعيد ....
لانك ما بتفارق العين ....
كفاية يحس بيك قلبى ....
ويطراك فى خطى العايدين
كلمات ليست كالكلمات
مليانه حنية وفرح
شكرا ساريه على عمق الإختيار
اقتباس:
المشاركة الأصلية كتبت بواسطة محمد الجزولى
دائماً هي سطور الشكر تكون في غاية الصعوبة
ربما لأنها تشعرنا دوماً ، بقصورها وعدم إيفائها حق من نهديه هذه الأسطر ..
فشكراً كتير على المرور والاضافه الرقيقه
إني لا أدري .. الله أعلم
ولكنني أظن ما فات لا يعوّض .. و إن كبر حجم ذاك الفرح الذي سيق إليك بقصد التعويض .. هذا يقودنا لمفهوم جدلي فلسفي عن مفهوم التعويض لا أريد الولوج لعرصاته .. و لكني أختاه أرى أن ما فات بحلوه و مره له مكانة لا يدانيها ما هو آت .. حتى لو كان الآت عظيما .. فما فات كبصمة إصبعك .. هو هو ..
تقبلي تحياتي
عندما تتقاطع المصفوفات المكونه للعقل البشري حقيقة لا خيالا كما جاء في السينما الأمريكيه من خلال فيلم المصفوفة (( matrix)) الشهير , يحدث حينها ترددات حسية غريبه غير قابلة للتفسير بحساب المنطق و الرياضيات القديمة .
إرتبكت مصفوفتي و أنا أقرأ هذه الكلمات فغربت فكرا و شرقت وجدا حتى تداخلت مفاصلي و ترنحت دواخلي .
خليتني ليه عشت الشقى قبال أعرفك من زمان
كم مرة لاقيتك أنا و لمحت ليك بالريد كمان
من بدري ليه ما قلت لي أنا قلبي ليك ديار حنان
وبالريد كمان صارحتني يوم كان متوهني الزمان
السهل الممتنع عند (عبد الرحمن مكاوي )) قصيد ينساب إلى الدواخل حرفا حرفا ...
الليله جيت شايل الفرح قصدك تعوضني الفات
أديتني حنية عيون ما لقيتها في أقرب صلات
أديتني إحساس بعمر شايلو الربيع و نسايمو جات
يوم كنا في جلستنا نديك نحكي و نعيد الذكريات
شعر عبد الرحمن مكاوي بطعم الونسه يتغلغل في أعماقك حتى لتشعرن أنك أنت المقصود بهذا الكلام أو ربما أنت القائل ..
ما تشيل مع الحنيه هم ما تخاف من الأيام تدور
ما تخاف يغيرني الزمن و اعبر بدون عينيك بحور
أنا روح بتعرف عزتك و زيك تمام صادق شعور
وانا بيك منور دنيتي زي ليله هالي عليها نور
ساريه
هبشتي في محل الهبش
تذكرت أمير دقاش وشلة الداوديات و عاصم و العزف على الجيتار النورمال بعد دوزنته خماسيا ,
تذكرت يوم سقوط (جعفر نميري ) في السادس من أبريل ونحن نحتفل حينها ( كيزانا و جبهه ديمقراطية ) , نغني أغاني للوطن ثم نعرج بالغناء
الليلة جيت شايل الفرح قصدك تعوضني الفات
فيسكر أمير صائحا
هي للوطن .. هي للوطن
فيصبح للأغنية مدلول آخر بطعم الوطن
الاخ احمد الغالى ومصطفى هاتريك سعيده جداً بتفاعلكم مع ما كتبت ..... وفرحت جدا بردودكم ........
الغناء السودانى ملئ بالروائع التى تسكر الروح وتدغدغ الدواخل ................ وشكرا كتير
كلمات جميلة ورائعة اختي سارية
وتحمل في طياتها الكثير من المعاني
شكراً لدعوتك لنا للتأمل في كلمات تلك الاغنية ...
اقتباس:
المشاركة الأصلية كتبت بواسطة mohd saeed magazoub
اخونا محمد سعيد
وشكراً للطله
ما تشيل مع الحنيه هم ما تخاف من الأيام تدور
ما تخاف يغيرني الزمن و اعبر بدون عينيك بحور
أنا روح بتعرف عزتك و زيك تمام صادق شعور
وانا بيك منور دنيتي زي ليله هالي عليها نور
قراءه ثانيه
***
تسلم يا هاتريك
اقتباس:
المشاركة الأصلية كتبت بواسطة ساريه
بالمناسبة يا ساريه
شال هم فرقتك قلبي ...
معاك ياريتو كااااان يرحل ....
وانا الخايف من الاقدار ...
اتوه في دروبا ماااا اوصل ...
و جنبك ...
ومشتهيك ياعيون ...
وكيف لما الفراق يحصل ...
ان شاء الله ماااااا يحصل...
وكيف كيف ...كيف كيف ...
لما الفراااااق يحصل ...
ان شاءالله ماااااااا يحصل ....
بريدك ياشقا الايام ....
كان بيك الحبيب يسعد ...
واسهر نجمي عز الليل....
بعد روح صباحك جد ...
وابكي معاي عيون احباب ....
عشان اسف الدموع يشهد ...
ماكان الفراق منيه ....
ولافرقة عيونك وعد ...
وكيف كيف ...كيف كيف ...
لما الفراااااق يحصل ...
ان شاءالله ماااااااا يحصل ....
مجبور قلبي يتعلم ....
بعد ولف عليك يقسى ....
عشان لو لحظه تنساك ....
عيون ماتعلمت تنسى....
انا الفارقت مرساك....
قبل اشواقي ماترسى....
واصابح بكره كيف العيد ....
وعايش فرقتك هسى ...
معقول قلبي بس يقسى ...
وعايش فرقتك هسى ...
وكيف كيف ...كيف كيف ...
لما الفراااااق يحصل ...
ان شاءالله ماااااااا يحصل
أغنية شقى الأيام من كلمات عبد الرحمن مكاوي ومن ألحان يوسف السماني (( fm104)) وفي الأصل كانت
مملوكه للأستاذ ( مصطفى سيد أحمد ) رحمه الله . .. ولكن بفعل الماده تحولت للأستاذ حمد الريح مقابل خمسمائة
جنيه دفعها حمد الريح ليوسف السماني . سأل يوسف السماني الراحل مصطفى سيد أحمد قائلا : حمد الريح دفع خمسمائه
إنت تدفع كم ... فرفض الأستاذ مصطفى سيد أحمد المبدأ المادي الذي مال إليه يوسف السماني .
خرج مصطفى سيد أحمد من هذه التجربه بفائده كبيرة حيث قرر أن يلحن وحده ... فكان كل ذلك
التراث الراقي للراحل مصطفى سيد أحمد
مصطفى هاتريك حقيقى مشكور على المعلومات القيمه دى ..... وانا دايما بقول انو مصطفى سيداحمد فلته وصعب تتكرر تانى ...........
فقد اثرى الغناء السودانى بروائع الكلمه واللحن والاداء الفريد .... نسأل الله له الرحمه والمغفره ..
كلمـه مـن أربـع أحـرف تحـوي جميـع ذكـريـاتـك
إسأل مـن أردت وأنظـر إلـى جميـع ملامحـه
فتـاره يبتسـم وأخـرى يبكـي
فأنظـر
إلـى مستقبلـك وأعلـم أن مامضـى لـن يع ـود ومـامضـى
قـد مـات مع مـاضيـه وأعمـل لأيـامـك القـادمـه تعلـم رسـم البسمـه
وتعلـم محـو الأحـزان .. ولكـن .. لاتكـن أسيـر المـاضـي الفائت
فقد يتعوض بالأمل
بالحب
بالبسمه
آآآآآآآآآه يابت تعبتينى شديييييييييييييييييييد!!!!
البت وخالتها يبكو
سلامتكم من البكا والدموع
اقتباس:
المشاركة الأصلية كتبت بواسطة بت أم درمان
والله يابت أم در هدى الحاله ديمه مقدده عيون خالتا;););)
تغريد .. احمد الغالى بقول ما فات لا يعوض .. وانتى بتقولى مـامضـى
قـد مـات مع مـاضيـه .....اتفقوا واركزو على راى لانكم جهجهتونى .........................
بس العارفاهو انو الماضى هو الساس للحاضر والمستقبل إن صلح صلح الحاضر والمستقبل وإن .................................. اظن الباقى مفهوم ..
اللي فــــــــات مــــات
مقوله خاطئه
يمكن ان تكون صحيحه في العهد القديم
اما هذا الزمن
فالماضي يصبح فيه خنجر مغروز في ضهرنا
ساريه
تحيـــاتي؛؛؛
المميز سلام
ما فات مات مقوله خاطئه بدون شك .... لكن لا تجعل الماضى حجر عثره .. فالحاضر دائما اجمل بكل المقايس .. فقط لانه حاضر وليس ماضى ..
سعيده جداً بمرورك
الماضي يصبح اروع رغم مرارته عندما نجعل منه اساسا سليما لبدايات اجمل واقوي .. تكمن المشكلة في الزاوية البعييييييدة .. حيث بقايا الزكريات ..
اقتباس:
المشاركة الأصلية كتبت بواسطة ريمون
الماضي يصبح اروع رغم مرارته عندما نجعل منه اساسا سليما لبدايات اجمل واقوي .. قد اصبت الهدف بكلماتك هذه اخى ريمون ....
ليه افتراض ريمون مذكر .. ريمون هي ريم .. انثي واعتز بذلك ..
منورة يا ريموناقتباس:
المشاركة الأصلية كتبت بواسطة ريمون
و نحن نعتز بتواجدك يا عسل
شكرا ليك .. بس فس سؤال واقف في حلقي من قريت اسمك اول مرة زمااان .. انتي مدناوية منتسبة امدرمان ولا العكس ؟؟اقتباس:
المشاركة الأصلية كتبت بواسطة بت أم درمان
شماري عالي ..صاح ؟؟
اقتباس:
المشاركة الأصلية كتبت بواسطة ريمون
اعتزار بحجم اعتزازنا بانوثتنا ومعليش تانى ... نورتى البوست والمنتدى قبلو