اتـمنـــــــــي ان اكـــــــــــــــــــــــــــــــون

بسم الله الرحمن الرحيم
(مليارديره )

السودان به شبكه خط سكه حديد طويله يربط السودان ببعضه البعض . اتمني من الله ان املك مليارات من المال مثل ،، مثل ،،(،،،،) عشان اطورها واعيد كيانها . واشتري قطارات سياحيه وسريعه للسفريات . وقطارات لحمل البضائع بجميع انواعها . حتي نقلل من زحمه الطريق من الشاحنات والباصات التي تسير بسرعه البرق . وتقليل الحواداث . ونترك الطريق للعربات التجاريه الصغيره مثل الحافلات وغيرها للسفريات القريبه . والعربات الخاصه اي الملاكي . واطلب من اداره المرور من تقيد سرعه المرور ووضع جزاءت صارمه للسرعه . حتي تقلل الحوادث اليوميه ونطمئن علي سلامه الركاب والاسر .

ياااااااااريت ...

يا ايمان تبقى مليارديره ( بس ما تعملى نائمه )!!
حقيقى السكك حديد فى السودان لو اهتمو بيها ح يستفيد منها المواطن والدوله كمااان خاصه وان السودان بلد مترامى الاطراف حتى بعد الانفصال .

نسأل الله السلامه للغاشى والماشى

الأخت ايمان الهادى
أتمنى كمان أن تكونى مليارديرة
والسكة حديد فى السودان زمان
كانت من المعالم الخدمية البارزة
وبيظبطوا الساعة على مواعيد القطر
الله يجازى الكان السبب فى دمارها

حليل السكه حديد
وزمن الركوب المجانى للموظفين
سكه حديد مدنى بقوا يفكوا فيها
شالوا منها جزء لتوسعة الشارع
والباقى ممكن يعملوهو اسكان فاخر

ياريت
والله فكرة حلوه والزول بكون عندو افكار كتيرة بس ياتري الافكار دي لي مابتجي للمسؤلين؟؟؟؟؟؟؟

معليش يا ايمان لكن السكه حديد اغلبها فكفكوها .. الا تبدئ من اول جديد ..

ربنا يحقق امانيــــــك