اخوانا الصهاينة منشغلين تماما بالدوري الممتاز، وهاك يا استعدادات وقفل ملف وفتح ملف وشيل هم .. وبعد ده كله خايفين من سيد البلد يجي ماشي فيهم .. رافعين ايادهم دائما يتمنون خسارة سيد البلد.. سواء كانو لاعبين او اداريين او مشجعين .. ده كله عشان الدوري الممتاز .. وما عارفين كفيلهم بجي بسترد العرش .. ديل نحن كفالتهم عندنا نجددها وقت ما نريد .. نوديهم الكونفدرالية مرة .. ومرة نلعبهم ادوار تمهيدية .. نحن شالغين معاهم شغل الكفيل .. يعني الكفيل يقول لايمن امشي جك .. يجك .. امشي جيب شاي يجيب شاي .. خاصة كفله السعودية شغلهم نظيف .. محمد نور طوالي ملازم الكفيل ..ما بمشي منه إلا يقول ليهو امشي بيتكم .. العجب الجندي المجهول .. تعبان تعب مع كفيله بصورة مبالغه .. الجندي بشجع الفريق البشجعه كفيله .. عشان كده الصهاينة متعودين على الكفالة .. ونحن كفالتنا معاهم بنحددها اخر الموسم .. يلعبوا وين ومع منو ده بنحددها نحن وليس الفيفا ..
عسع في داعي للمعسكر في الاستراحة الداخلية ده .. وتعسكروا لمنو وفي شنو ولشنو .. عشان كادوقلي والنسور .. وكمان معاها تصريحات والغريبة التصريحات كلها من ميدان التحرير .. ناس ابوجريشة بقوا ناس قفيل ساي . العجب الوالي تقول خريج ارشفه .. قافل ملف وفاتح ملف.. قايتو الله يكون في عونهم ..
وفي المقابل معسكر في 6 اكتوبر استعدادا لمباراة الرد مع الافريقي بتونس .. ناس تشوف شوف سمح .. وناس مكتحه بكتاحه .. وعينك ما تشوف الا النور.. ناس شغلاه بالهم الخارجي .. وناس همها كله المحليات الداخلية فرق يا صهاينة
اقول :: بركة الله وبركات شيخ ود مدني السني (يلحقني) ملاريا من ابو كديس لاخواتنا في الجهاز الفني عشان يأمنوا ويشوفوا ميدان التحرير في الخرطوم .. والليل يشوفوه نهار
