المضيفـــــــــــــــــة الظـــــــــــــريفة ( أو سمـــــــــــك يأكل سمـــــــــك )
من ما طلعت سلّم الطائرة وعيني وقعت في عينها. ولا عينها
وقعت في عيني ما عارف . المهم وقعت . وتلاقت العينان . والبسمتان
عرفت روحي أنا الليلة ما ليلتي . الليلة يوم سجمي ورمادي
والله يعدي الرحلة دي على خير .
داير أقول كلمتين قبل ما أخش للغريق .
والغريق شهيد . والشهيد يا هو أنا زاتي
عارفين أهلنا العرب لمن قالوا البياض نص الحسن ما كضبوا وحاة
الله جد . ولمن قال القون . أمسكي عليك عيونك ديل امسكيهم عيونك
ديل امسكيهم برضوا ما كضب . ويا ريت لو سمعت كلام الفنان
ومسكتم . ما كان ده حصل لي . أنا مالي ومال الطائرة . الباخرة دي
ما أحسن حاجة . عيبوها لي . في كلمتين . وب300ريال بس . ولا فيها
عيون ولا فيها بياض ولا فيها أزية وجع قلب ....
نواصل رحلة العيون بعد ما آخد لي نفس وشوية جمة ..
أعـــرش على كـــده يا زنـقــــــو ...
اقتباس:
المشاركة الأصلية كتبت بواسطة ابو عبد الرحمن
انت الله يخليك لجنس ده ... انا لمن انسرقت ( يا قلب ) قلت انسرقت . وقلت جاني
حرامي وشال قلبي على حين غفلة . ولسه ما رجعوا . آه يا أبو حمزه . انت قلبك ده
مسروق كم مرة وما مشيت قسم الشرطة .. هههههههههه أنا غايتو العارفين أربعة ..
اتنين قبل الزواج وأتنين بعد الزواج . والبتاعت بعد الزواج ديل وحاة الله .. نفضوك الريشة ... وزي ما بقولوا ممكون وصابر ... خليك قريب يا حبة نكمل الرحلة . رحلة بين طيأت السحاب ............رحلة العيون . العاجبه سيدا نحن برضوا بنشتهيها ....
نرجع نقول . الله يجازي اللكان السبب ....................
أعـــرش على كـــده يا زنـقــــــو ... والله إنت معلم
لكن المعلومة دي أدفع فيها كل رصيــد الجندي ده
بعــد ده يا أبوحمــزة إلاّ تــرقـــرق لي كمان
هــو بالله الجندي ده كده وأنا ما عارف ..!
هيع هيع .. أمانة ما وقع رااجل
