اربعه ايام لم استطع فيها الدخول للمنتدى !! باءت كل محاولاتى بالفشل واتصلت على الاخوان وهاك يا رسائل مره فى e mail ومره على الموبايل ومرات اتصال وبرضو مافى فائده ! وقلت فى نفسى مالك يا ودسمير الجماعه زعلانين منك عشان الكديسه والفيل الفى القزازه ولا شنو ؟!! .
جد كنت مستاء جدا واخر دبرسه لاننى لم استطع التواصل مع احباب ودمدنى والزاد الطين بله هو اننى سافرت الخرطوم وما ادراك ما الخرطوم ! يعنى اصبحت رهين المحبسين مثل ابى العلاء المعرى ، الحبس الاول اننى خارج ودمدنى وخارج المنتدى والحبس الثانى هو الخرطوم ( الحااااااااااااااااااره ) !! على العموم الحمد لله رجعت قبل قليل الى المنتدى وشعرت وكأننى غائب عنه سنين طويله وذلك بمساعدة اخونا ود علقم .
وبأذن الله لن اترك الكديسه حتى لو تم ابعادى الى ( سوق ألأخره ) ..
ولكم تحياتى
