مــابقـيتـو تلاتــة ؟؟؟

أتخيَّل أنك في نهار صااااان ودرجة الحرارة فوق الـ 45 درجة .. وبحسن نيّة تتصل ليك علي واحــد عشان تسلِّم عليه وتسألو عن احواله يقوم يعمل ليك فيها ظريف ولطيف ورشيق ودمُّو خفيف ويجدعك بـ ( مابقيتو تلاتة ) .. المقولة دي طبعاً ( محصْرَنه ) عند السودانيين وبس .. ياخي هسي لزوم العبارة دي شنو وفي الوقت دا بالتحديد .. وبعدين ياخ نحنا ليه بس نبقي تلاتة .. مانبقي أربعـة مالو ماممكن او نبقي خمسة زاتو وكمان ستة فدْ مرّة .. عادي جداً الواحد ربنا يرزقه بستة توائم غير سياميين .. مابقيتو تلاتة , مابقيتو تلاتة ,, مابقينا تلاتة مش في حاجة إسمها التنظيم ,, آآي في حاجة اسمها التنظيم , ونحن مادايرين نبقي تلاتة , أبقي إنت تلاتة ..
مشاققة :
التلاتة دي يعلم الله كرّهنا ليها مازدا لمّا كان مدرباً للمريخ ..
والتلاتة دي كرّهنا ليها نفس ذلك الـ مازدا عندما كان مدرباً للمنتخب الوطني ( الســــوداني ) ..
مشاققة 2 :
عبارة ( مابقيتو تلاتة ) دي عادية آآآناس ولا فيها نوع من الإحراج للشخص المسئول ؟؟؟
المشاققة الاخرانية :
بحكم غيابي المتواصل عن المنتدي لو في موضوع بنفس هذه الفكرة من قبل فأرجو شاكراً ازالة موضوعي او دمجه مع ذلك الموضوع

ود الضو
صاحب القلم المميز

ذكرتني واحد زملينا ربنا يرحمه ويتقبله
كان بيقول
الواحد لما يتخرج
الناس تشبكه
اها مافرزت عيشتك!
يقوم يفرزها
يشبكوه
مابيقتوا تلاتة
يبقوا تلاتة
يشبكوه
اها ولدك دا ما خاويته!!
يخاويه
يواصلوا شبكتهم دي لغاية لما يبقي عنده ستة
اها بعد كدا
يقولوا
والله فلان دا مسكين
زول محمول ياخ ):

اقتباس:

---

المشاركة الأصلية كتبت بواسطة ود الضو

أتخيَّل أنك في نهار صااااان ودرجة الحرارة فوق الـ 45 درجة .. وبحسن نيّة تتصل ليك علي واحــد عشان تسلِّم عليه وتسألو عن احواله يقوم يعمل ليك فيها ظريف ولطيف ورشيق ودمُّو خفيف ويجدعك بـ ( مابقيتو تلاتة ) .. المقولة دي طبعاً ( محصْرَنه ) عند السودانيين وبس .. ياخي هسي لزوم العبارة دي شنو وفي الوقت دا بالتحديد .. وبعدين ياخ نحنا ليه بس نبقي تلاتة .. مانبقي أربعـة مالو ماممكن او نبقي خمسة زاتو وكمان ستة فدْ مرّة .. عادي جداً الواحد ربنا يرزقه بستة توائم غير سياميين .. مابقيتو تلاتة , مابقيتو تلاتة ,, مابقينا تلاتة مش في حاجة إسمها التنظيم ,, آآي في حاجة اسمها التنظيم , ونحن مادايرين نبقي تلاتة , أبقي إنت تلاتة ..
مشاققة :
التلاتة دي يعلم الله كرّهنا ليها مازدا لمّا كان مدرباً للمريخ ..
والتلاتة دي كرّهنا ليها نفس ذلك الـ مازدا عندما كان مدرباً للمنتخب الوطني ( الســــوداني ) ..
مشاققة 2 :
عبارة ( مابقيتو تلاتة ) دي عادية آآآناس ولا فيها نوع من الإحراج للشخص المسئول ؟؟؟
المشاققة الاخرانية :
بحكم غيابي المتواصل عن المنتدي لو في موضوع بنفس هذه الفكرة من قبل فأرجو شاكراً ازالة موضوعي او دمجه مع ذلك الموضوع

---

بادرة موضوع مميز والله وما اظن يكون يكون مكرر

اقتباس:

---

المشاركة الأصلية كتبت بواسطة مدنيّة

ود الضو
صاحب القلم المميز

ذكرتني واحد زملينا ربنا يرحمه ويتقبله
كان بيقول
الواحد لما يتخرج
الناس تشبكه
اها مافرزت عيشتك!
يقوم يفرزها
يشبكوه
مابيقتوا تلاتة
يبقوا تلاتة
يشبكوه
اها ولدك دا ما خاويته!!
يخاويه
يواصلوا شبكتهم دي لغاية لما يبقي عنده ستة
اها بعد كدا
يقولوا
والله فلان دا مسكين
زول محمول ياخ ):

---

والله فعلا ... الناس ما بتريح...

[QUOTE=مدنيّة;613615][COLOR="red"]ود الضو
صاحب القلم المميز

ذكرتني واحد زملينا ربنا يرحمه ويتقبله
كان بيقول
الواحد لما يتخرج
الناس تشبكه
اها مافرزت عيشتك!
يقوم يفرزها
يشبكوه
مابيقتوا تلاتة
يبقوا تلاتة
يشبكوه
اها ولدك دا ما خاويته!!
يخاويه
يواصلوا شبكتهم دي لغاية لما يبقي عنده ستة
اها بعد كدا
يقولوا
والله فلان دا مسكين
زول محمول ياخ ):
------------------
فعلاً يامدنية دا الحاصل
غايتو جنس تحِشِّر
واسئلة محرجة بجد ..
دمتِ بخير يامدنية ..

اخونا بدر الدين
شاكر لك مرورك ومشاركتك
اقعد عافية آآآآالحبيب ..

واحد سأل صاحبوا نفس السؤال :

أها ما بقيتو تلاته ؟

فرد عليه : عشان السؤال ده انا طلقتها بالتلاته !!

هسع انتو ما بقيتوا تلاته؟

صراحة سوال انا بشوفو ماحلو وماف داعي ليو الناس تخلي الزول ف حالو
^_^

اقتباس:

---

المشاركة الأصلية كتبت بواسطة مدنيّة

ود الضو
صاحب القلم المميز

ذكرتني واحد زملينا ربنا يرحمه ويتقبله
كان بيقول
الواحد لما يتخرج
الناس تشبكه
اها مافرزت عيشتك!
يقوم يفرزها
يشبكوه
مابيقتوا تلاتة
يبقوا تلاتة
يشبكوه
اها ولدك دا ما خاويته!!
يخاويه
يواصلوا شبكتهم دي لغاية لما يبقي عنده ستة
اها بعد كدا
يقولوا
والله فلان دا مسكين
زول محمول ياخ ):

---

انا كنت قبل مااتخرج اظن من ف سنة 3 كل مايلاقيك زول اها لسة مااتخرجتي
وبعد الزول يتخرج اها مااشتغلتي
اها اها اها
يلا هم ماحيسكتو وكل مرة بطلعو بحاجة جديدة

هو فعلا سؤال محرج وعادة بيكون من باب الفضول.بس اظن والله اعلم ما بيكون فيه حرج لو صدر من انسان لانسان مساحات الود والاخوه بينهم ممتده.خاصة وانو السودانيين معروفين بالعفوية وعدم التكلف مع البعزوهم.

اقتباس:

---

المشاركة الأصلية كتبت بواسطة ياسر عمر

هو فعلا سؤال محرج وعادة بيكون من باب الفضول.بس اظن والله اعلم ما بيكون فيه حرج لو صدر من انسان لانسان مساحات الود والاخوه بينهم ممتده.خاصة وانو السودانيين معروفين بالعفوية وعدم التكلف مع البعزوهم.

---

والله اعتقد ف السؤال ده بالذات ماف داعي الناس تسال
مجرد وجهة نظر

اقتباس:

---

المشاركة الأصلية كتبت بواسطة ودسمير

واحد سأل صاحبوا نفس السؤال :

أها ما بقيتو تلاته ؟

فرد عليه : عشان السؤال ده انا طلقتها بالتلاته !!

---

---------------------
ياود سمير دي ياها زاتها
لما سألوه عن مابقيتوا تلاتة
قال ليه بقينا واااااااااااااااااحد بس ..

اقتباس:

---

المشاركة الأصلية كتبت بواسطة mahagoub

هسع انتو ما بقيتوا تلاته؟

---

--------------------------
اربعة ياخ انت من زمن بقينا 3
يديك العافية ياخ ..

هاهاهاهاهاهاهاها ....
ود الضو ....
شكراً على تناول هذا الموضوع الجميل والثقيل فى نفس الوقت ...
وبمناسبة بقيتو تلاته ذكرتنى صاحبى الثقيل جبره ....
جبره ده الناس عذبوهوا .... اكلوا لحمو عدييييييييييل كده ...
ياخى شدة ما عذبوهو ... واحد يوم الدخله قال ليهو ما بقيتو تلاته ...
جبره عيشتو تطير ...
جاء من شهر العسل بالله ولا شهدوهو ....
اول زول لاقاهو قاليهو ما بقيتو تلاته ...
ها نااااااس ....... هو التالت ده بدوهو هديه مع المرأه ولا شنو ....!!
اها ... جبره ده عذبوه لمان العذاب ذاتو فتر ....
يوم جبره ده زهجان ومارق من البيت .... مرسلنوا الدكان ...
المرأه قالت ليهو جيب لى حنه ومحلبيه ....
عليكم الله المرأه دى ما ثقيله ...
اها ...
اشترى الحاجات ... وهو راجع على البيت بطنطن .... لاقاهو واحد ثقيل ...
قال ليهو ... هازول جبره ..... خبارك شايل الحنه والمحلبيه ....المرأه تقيله ....ولا بقيتو تلاته ....؟!!!
هنا جبره فقد آخر ذرة صبر وايمان ....
وجدع الحنه والحاجات فى الواطه ومسك ليك فى الزول الثقيل ده ....
قال ليهو ... بقينا حداشر .....!!!!
الزول استغرب .... كيفن يعنى بقيتو حداشر ....؟؟!!
لانى بقيت اشوفها عشره عشره .....!!!!!

اقتباس:

---

المشاركة الأصلية كتبت بواسطة آلاء عبد الرحمن

صراحة سوال انا بشوفو ماحلو وماف داعي ليو الناس تخلي الزول ف حالو
^_^

---

---------------------
مش كدا بالله يا آلاء
الناس تخلي الناس في حالا
والسعالات المحرجة دي ماكويسة
شكرا آلاء ..

اقتباس:

---

المشاركة الأصلية كتبت بواسطة ياسر عمر

هو فعلا سؤال محرج وعادة بيكون من باب الفضول.بس اظن والله اعلم ما بيكون فيه حرج لو صدر من انسان لانسان مساحات الود والاخوه بينهم ممتده.خاصة وانو السودانيين معروفين بالعفوية وعدم التكلف مع البعزوهم.

---

------------------
حبيبنا ياسر انا بتفق معاك في حتة العفوية والطيبة دي
لكن الصاح تكون في حتات واسعة وبتستحمل
مش في حتات ضيقة ومحرجة في نفس الوقت
مشاققة :
انا بشوف انه سؤال محبط بجد
لان في بعض الناس عندها اسباب مابتخليها تبقي 3
وبحاولوا يتناسوا الشغلانية دي لكن كترة الاسئلة بتحبط بجد
تسلم ياحبوب ..

اقتباس:

---

المشاركة الأصلية كتبت بواسطة بحيرى

هاهاهاهاهاهاهاها ....
ود الضو ....
شكراً على تناول هذا الموضوع الجميل والثقيل فى نفس الوقت ...
وبمناسبة بقيتو تلاته ذكرتنى صاحبى الثقيل جبره ....
جبره ده الناس عذبوهوا .... اكلوا لحمو عدييييييييييل كده ...
ياخى شدة ما عذبوهو ... واحد يوم الدخله قال ليهو ما بقيتو تلاته ...
جبره عيشتو تطير ...
جاء من شهر العسل بالله ولا شهدوهو ....
اول زول لاقاهو قاليهو ما بقيتو تلاته ...
ها نااااااس ....... هو التالت ده بدوهو هديه مع المرأه ولا شنو ....!!
اها ... جبره ده عذبوه لمان العذاب ذاتو فتر ....
يوم جبره ده زهجان ومارق من البيت .... مرسلنوا الدكان ...
المرأه قالت ليهو جيب لى حنه ومحلبيه ....
عليكم الله المرأه دى ما ثقيله ...
اها ...
اشترى الحاجات ... وهو راجع على البيت بطنطن .... لاقاهو واحد ثقيل ...
قال ليهو ... هازول جبره ..... خبارك شايل الحنه والمحلبيه ....المرأه تقيله ....ولا بقيتو تلاته ....؟!!!
هنا جبره فقد آخر ذرة صبر وايمان ....
وجدع الحنه والحاجات فى الواطه ومسك ليك فى الزول الثقيل ده ....
قال ليهو ... بقينا حداشر .....!!!!
الزول استغرب .... كيفن يعنى بقيتو حداشر ....؟؟!!
لانى بقيت اشوفها عشره عشره .....!!!!!

---

---------------------------
الضحكة مامخلياني ارد عليك يابحيري
ماقلت ليكم ياخ السؤال دا فقري عديل
اقعد عافية آآآآالحبيب

ههههههههههههههههههه
والله الناس بتحب تتموضع بس عشان كده بتسال الاسئلة الماعندها داعى دى
واكيد لما يسالك ما بكون منتظر الرد المهم يسال وبس
ياخى الشعب السودانى ده سئااااااااااااااااااااااااااااااااااااااال جنس سوئالات وسلام سلام.
ازيك وناس بيتكم واهلك والجيران والشجرة والازيار الجنب بيتكم ان شاء الله كويسين و و و و و و
لما روحك تطلع وتزهج من السلام

[quote=ريم النقيح;614251]ههههههههههههههههههه
والله الناس بتحب تتموضع بس عشان كده بتسال الاسئلة الماعندها داعى دى
واكيد لما يسالك ما بكون منتظر الرد المهم يسال وبس
ياخى الشعب السودانى ده سئااااااااااااااااااااااااااااااااااااااال جنس سوئالات وسلام سلام.
ازيك وناس بيتكم واهلك والجيران والشجرة والازيار الجنب بيتكم ان شاء الله كويسين و و و و و و
لما روحك تطلع وتزهج من السلام
----------------------------
الغريبة ياريم الواحد فينا بكون عارف الحاجات دي بتضايق
لانها بتكون مرّت عليه لكن برضو بنعملها
دمتِ بخير ..

نعملها نسوى شنو؟ كان ما عملناها يقولوا الزول ده سلامو مسيخ ورافع نخرتو ما بسال من اخبار الناس.