كل أجزائه لنا وطن

اذا رضينا بالواقع (بانفصال الجنوب )

ماذا عن القادم !!!

إلا تدرون ما هو القادم ....

طيب بكرة بنقعد في الحيطة وبنسمع الزيطة ؟

اتمنى ان يكتمل سلام دارفور !!!

ما لا اتمناه هو ان يكون بداخل (المسودة) نفس شروط نيفاشا ( حق تقرير المصير)

مع ان الجميع يعلم ان (اهل دافور) فكرةالدولة ليست ببعيدة عن اذهانهم وعندهم منذ القدم لأنهم في (الاصل دولة) ....

هل اذا كان من ضمن مسودة اهل دارفور ( حق تقرير المصير) ماذا سيكون الرد

غايتو انا شامي (ريحة المرارة)

والله يكضب الشينة

والتاريخ سيسجل
وسيكتب

اما (تاريخ ) كتاريخ الازهري والمحجوب والنجومي ودقنة وترهاقا

او المزبلة

اللهم هل بلغت فاشهد ،،،،،

شكلنا حنكون الولايات السودانية المنفصلة
ربك يسترها

اذا مشينا بنفس الطريقه الكسيحة فى تعاملنا مع مشاكل دارفور وكردفان والشرق حينها ما حيكون فضل فى السودان جزء راغب فى البقاء ضمن الوطن السودان.والله يستر اخى الجندى المجهول.

لو اتصافت النفوس الســــــــــــودان بخير ... وبكرة نشوف

تخريمة :ـ
نتمنى ألا يكون ثمن اختلاف الرأي والتوجه هــو
الســــــودان

[QUOTE=الجندي المجهول;615947][B][SIZE="6"][COLOR="blue"]اذا رضينا بالواقع (بانفصال الجنوب )

ماذا عن القادم !!!

إلا تدرون ما هو القادم ....

طيب بكرة بنقعد في الحيطة وبنسمع الزيطة ؟

اتمنى ان يكتمل سلام دارفور !!!

ما لا اتمناه هو ان يكون بداخل (المسودة) نفس شروط نيفاشا ( حق تقرير المصير)

---------------------
ماتستغرب ياحبيبنا دا يحصل
فمن يجلسون للتفاوض من اهل الحكومة
عندما يدخلون تلك القاعات عالية الكندشة
يتركون شيئ اسمه الوطن خارجاً ويدخلون بما يحملون من اخلاق لاتشبهنا
ويفعلون مايشاؤون
هو في زول في الحيكومة بسألوهو ياخ ..
يعوسوا ويسوطوا زي ماعايزين
ونحن نقعد نبكي الوطن ..
أسفي ..

فلننتظر ...
قد يكون القادم أدهى و أمٌر ..
و ..
قلبى عليك يا وطنى

صباحك زين كرمبو
نتمنى ان يعم السلام ولا يكون هنالك حق لتقرير المصير مرة اخر
كم هو مؤلم ان تفقد ولوشبراً واحدا من بيتك

السلام عليكم
تم الانفصال وربنا يستر يعني السودان من غير جنوب

لكن اصبحت مدني الجنوب الجديد لدي النظام الجزء المكروه اكثر من الجنوب الذي انفصل

لكن لعل النظام يفهم خطاب السيد/ عمر الحاج موسي من مدني: لك الرحمة بكل حرف مما قلت في خطابك هذا:
والحمدالله فى الاعالى وعلى الارض السلام وفى الناس المسره
سيدى الرئيس
الانحاءوالتحية للوفد التنزاني
الانحاءوالتحية للوفد الاثيوبى
الانحاءوالتحية للوفد الالماني
الانحاءوالتحية لوفد الإتحاد الاشتراكى العربى من جمهورية مصر
الانحاءوالتحية لوفد الإمارات العربيه المتحده
الانحاءوالتحية لوفد الجاليه السودانيه بجبوتي
الانحاءوالتحية للسيد المحافظ
الانحاءوالتحية لاعضاء السلك الدبلوماسى
الانحاءوالتحية للصحافة الاجنبيه
الانحاءوالتحية لكم انتم سيداتى وسادتى

سيدى الرئيس
دام لنا ولاؤك واد لك ولاؤنا ودمنا نحن وأنت وشعبنا الجبار نهز جزع نخلة السودان تساقط علينا رطب الخير والمحبه والسلام
أهل مدنى..
عيوننا.. أروحنا.. شفاهنا.. أيدينا .. سرنا.. جهرنا.. كلها عشاق.
أحيكم وأسلم عليكم وأتمنى ان لو كان فمى فى يدى.
الاخوه الزملاء.. السيدات والساده..
من مدنى حسناء الجزيره وغادتها أحييكم من مدنى السنى الراقده على شاطى النيل ا لأ زرق مستحمه من مائـه على رماله مستدفئه بحبابه مستكنة فى رحابه متوسده تربه وترابه حرفه وجرفه.
منها من مدنى أحيكم ويحيكم معى المشاهدون لحفلنا الحفيل هذا . إخوانكم وأخواتكم وبناتكم وعماتكم وبنات عماتكم أراهم هناك صامتين مطرقين حامدين شاكرين ..هناك بدءاً بحنتوب التى تجلس بجانب مدنى كالهمزة على سطرها وصدرها جنوباً الى سنار فكوستى ثم شمالاً لتحتضن المنطقة الرابطة بين زراعى النيل الخالد أبيضه وأزرقه.
سيدى الرئيس
هى الجزيره هى المنطقة التى كان وسيظل لها فى السودان دور الرياده والزياده
انجبت وما برحت
أعطت وما نفكت
جادت وما فتئت
أنجبت وما برحت
..السرى..أهل التقابه والمسيد..
محمد ودمدنى دشين قاضى العدالة- الشيخ الجنيد- الشيخ أبووداعة- الشيخ بانقا- الضرير-الشيخ حلاوى-الشيخ عمر- الشيخ أبوقرون- الشيخ أبوشيبة- الجمرى-بطران-شمو-القدال-سنتبار-عبد الباقى-عوض السيد- عوض الجيد- عوج الدرب- المسلمى- الكشيف- المشمر- تمساح الترك- ودعيسى- ودكنان-ودمضوى-ودنقيع-ود الترابى-ود الشافعى-ود بساطي- ود ضيف الله- وداب ادريس-عبدالله ودام مريوم-
برير ود الحسين-هجو ود البتول-قرشىود الزين-المسلمى ودأب ونيسة- الشاذليه-
السمانية- القادرية-الهندية-الأنصار-شيوخ الدباسين-اليعقوباب-الحسانيه-الركابية-الحلاوين- والمسلمية والاعتذار لمن فاتنى ذكرهم فهو العالم بعددهم
أعطت وما نفكت ..
الفنانين والشعراء والادباء..
الهادي احمد يوسف-أبوعركى- ثنائى الجزيرة- الكاشف-أحمد الطيب-حسين الزهراء-المساح-محجوب عثمان-محمد الامين-الخير-عوض الجاك- البنا-أحمد يوسف نعمة- البوشى-أحمد طه الفكى- أحمد على طة-جقود-ابراهيم عمر الأمين-رمضان زائد- رمضان حسن-حميدة أبوعشر-عمر محمد سمباي-توفيق البكرى-عمران-الطيب بابكر-عشامه-مسكين-محمد الامين-القرشى-حسن عبد الطيف-محمد عثمان عبد الرحيم-حامد العربي-ابراهيم مدنى-بابكرصديق-بابكربدري-أحمد سالم-عبدالحليم على طه-والشريفةبت بلال
ومن شعراء النومسوه: ابوكساى- ودتميم-القلع-ود عبد الملك-الشيخ حياتي-ودسعد-الجمعيه الأدبيه- المهرجان الثقافي-الدعوة لمؤتمر الخريجين-حنتوب-بخت الرضا-الأبحاث وبركات
جادت ومافتئت..الثوار
الأرباب دفع الله-احمد ودعامر المكاشفى-ود الصليحابى-ودبرجوب-المهدي-ودحبوبة-القرشى –المزارعين-العمال-والطلاب.
وحضنت أجمل الناس..
الشنابلة-الحضور-السناهير-العوضيه-العايداب-الجعافرة-الدباسيين-وناس ود اللدر.
وأهلي فى الجزيره سيدى الرئيس..
نايرين وزنينين ..وطيبين وسمحين ومتسامحين
حمالين شيل
وحلالين شبك
واخوان بنات
يبشرون بمايو..ويبشرون بمايو
يتحزمون لها ويغيرون عليها
فهى لهم

الفوت والعشم والعشي
وهي الرجاء والأمان
وهى النجدة والفزعه والنديهة
لأطفالها..
هى اللبن وهى اللبا
هى الحفيضه وهى الجلادة
هى الحجا وهى الحجاب
هى "لم يكن" " عم" وهى"يس" هى الشرافة
لزراعها وعمالها
هى التاتيبه وهى القسيبه وهى السويبة
هى التخا وهى الرخا
هى الدخرى وهى البكرى
هى المطمورة وهى الشونة
هى العد السرف هى الجمام هى المترة هى التساب
هى أم رويق هى العبادى هى الدعاش
هى الحملة هى الشرايه هى اللبنة
هى السقدة هى اللقدة هى الشاية وهى التاية
هى القمح هى القطن هى المقد هى الشمشم
وهى مايو
لشبانها وشاباتها
هى النم هى الدوباى هى الشاشاى
هى الشوف وهى الشاف
هى الحق وهى الحقو
هى العديله وهى العديلة
وهى الجبيرة وهى الحريرة وهى الضريرة
وهــــــــــى الوزيرة
ولشيبها
هى العمار وهى العمار
هى الودعة وهى الية
هى القبلة وهى الصلاة
وهى العافية
وأحباؤها سيدى الرئيس هنا فى الجزيره
يكيلون فريك حبهم لمايو بالأردب
وخضرة أملهم فى مايو بالحواشة
وعينة خريف رجائهم من مايو بالجبهة والطرفة والخيرصان
لابتاب فى حب حبهم لمايو
لابور فى خضار أملهم فى مايو
لارهاب فى حقيقة رجائهم من مايو
وهم لخير السودان
يحرثون الارض
يحلبون الضرع
ويجمعون الزرع
ويفرعون الفرع
ويلملمون الماء فى أب سته والعشرين فهو الحبيب القادم عبر الوهاد والنهاد والنهود خلاصة دموع عيون عيون المكادة
الشكر سيدى الرئيس
لجمهورية المانيا الاتحاديه وللبروفسير زوث ونائب وزير التعاون والاقتصاد بها
ولوفد الصداقة منها على كل ماقدمت لنا وما ستقدم فنحن مدينون لها بتلفزيون ام درمان والجزيره ونريد ان نكون مدينين لها بتلفزيون كسلا وعطبرة –وهم فاعلون
والشكر لرجال وزارة الاعلام والثقافه الذين ما أدخروا جهداً ولامجهوداً ولا جهاداً ليجعلوا ليالى الجزيرة طويلة الامد حلوة الارق وللاشغال التى بنت وشيدت ولرجالها ليت المهندس كمال محمد يوسف كان معنا .. وللمواصلات التى بنت وشيدت ولرجالها ..وللرى التى أعطت واوفت ولرجالها .. ولادارة المشروع ورجاله الشكر كله زهرة ونوارة ولوزة وللمحافظ ورجال المحافظة المعذرة فانى لاأجد كلاماً أعبر به عن مبلغ شكرى لأب أحمد وأصحابه والشكر لأهل مدنى ..ولأهل مدنى فقد بردت ظلال ذرهم لنا وأحلولى جنى نعماهم لنا ..وصفا جمام نداهم لنا وموضع السجدة والسندة فى الشكر سيدى الرئيس لك أنت فلة لاك لما كان كل هذا ممكناً رجاؤنا ان تكون المحطة خيراً وبركة للجزيرة وان تكون انساً للياليها مثقفاً لبنيها معلماً لعمالها ومزارعيها منبراً لادبائها وقيثارة لشعرائها
السيد الرئيس السادة المدعون..
لنفرح بهذا اليوم فهو يوم تجمعت فية الرجال والنساء والأطفال حضنوا الطنبور ودقوا الدنقر ونقروا الشتم واستافوا طيب المسك والجلاد .يوم يهنئ فيه الكبار الصغار ويهنى فيه الصغار الكبار ويهنأ فية الكبار الضغار
وفية تناغم العذارى العذارى ، ويستنفر الشباب الشباب
وفية يخرج البشر بشيشة، ويهز العطف عطفة ، ويذرذر الفرح عطره
وفيه يشدو الصفاء ويصفق الهناء ترقص البهجة ويبشر البشر
وفية تزغرد السعادة للحاضر الاخضر والغد المعطاء
ودمت الافراح
عمر الحاج موسي

ملحوظة:
ما في زول يحلف بالطلاق بالذات يا الجعليين علشان ..................؟؟؟؟

الانفصال كان مخطط له منذ 9يوليو 2006
الدليل علي ذلك كل واحد يرفع الجنيه السوداني يشوف الحمامه التي بالجنيه وهي حدود السودان بعد الانفصال.
مقارنه بسيطه بين الحدود سودان البشير وسودان الحكام السابقين