ورطــــــــــــــــــات + ذكريـــــــــــــــــات

الورطة رقم 1) :

فرضنا إنك فى المواصلات ولمّا فيك واحد قال ليك إزيك يافلان وإنتا ماعرفتو وقام قاليك ياخى ماعرفتنى أنا فلان ودفلان جاركم زمان وإنتا لسه مسطح بتعمل شنو ؟


الورطة رقم 2) :

إنتا راكب فى المواصلات وبعدين مفلس مافى جيبك إلا حقك إنتا فقط وركبت جنبك مره كبيره فى السن وقفلت عليك السكة ومافى طريقة تنزل تخليها وقالت ليك (( هيّ إزيك ياود فلانه النبى أمك كويسه وأخوانك وناس حبوبتك كويسين )) وبعدين الكمسارى من النوع اللئيم جداً وفضيحة .
كيف الدبارة ؟

الورطة رقم 3) :

معاك شله من البنات وماشين شارع النيل فى آخر طق حنك وجكس نضيف وإنتا الشكة حدها البنكرياس وبدون صفارة إنزار كبس عليك كانتر الالزامية بتعمل شنو ياظريف ؟

من الذاكره :

طبعًا دخلنا الجيش سنة 97 عزة السودان الاولى وكان المعسكر فى كليةالتربية حنتوب وكان من المواقف الظريفة المرت بينا إنو أنا حلقت صلعة 9مرات فى شهر ونص وكان عندنا ..( الباسطة ) بس للاسف ماكنا بنحبهاكثير وأكثر شيء كرهناها فى المشروع الخلوى فى الفاو طبعا الكل بيسأل ليه كنا بنكره الباسطة .

أولا الباسطة ماكانت زى ماأنتو فاكرنها كانت :

الباسطة هى طلوع أعلى جبل والنزول منو لعشرات المرات والظريف كان الضابط بقول لينا إنتو ماقدرين تطلعو الجبل الصغير ده شوفو الغنم طلعت إنتو غالبكم وفعلا كنا نشوف الغنم أعلى مننا بكثير ونستغرب كيف تمكنت من الطلوع الى هذا المكان وكان اليوم داك جابو لينا العشاء رز بى لبن مع شوربة لحم وكلهن فى صحن واحد مع خبز .

كانت أيام من العزاب بس كانت جميلة والواحد إستفاد منها كثير فى حياتو .

مع تحيات

أخوكم الزول الشين

زنقات دى تعمل اضان الحامل طرشه مش كده؟؟؟؟؟؟؟؟؟

الورطة رقم 1) :

فرضنا إنك فى المواصلات ولمّا فيك واحد قال ليك إزيك يافلان وإنتا ماعرفتو وقام قاليك ياخى ماعرفتنى أنا فلان ودفلان جاركم زمان وإنتا لسه مسطح بتعمل شنو ؟

يا ابن العم معليش انتا باين شبهتا علي ولو قال لي ياابوروان اقول ليه ابوران مين ما قلت ليك انك مشبه على


الورطة رقم 2) :

إنتا راكب فى المواصلات وبعدين مفلس مافى جيبك إلا حقك إنتا فقط وركبت جنبك مره كبيره فى السن وقفلت عليك السكة ومافى طريقة تنزل تخليها وقالت ليك (( هيّ إزيك ياود فلانه النبى أمك كويسه وأخوانك وناس حبوبتك كويسين )) وبعدين الكمسارى من النوع اللئيم جداً وفضيحة .
كيف الدبارة ؟

ياحاجة ولد فلانة دي منو بعدين انا زاتي ما ولد فلانة انا امي اسما فلانة يعني برضو بعمل انا ما انا

الورطة رقم 3) :

معاك شله من البنات وماشين شارع النيل فى آخر طق حنك وجكس نضيف وإنتا الشكة حدها البنكرياس وبدون صفارة إنزار كبس عليك كانتر الالزامية بتعمل شنو ياظريف ؟

والله ياخوي لا حا اجوعل ولا اصندد قدام البنات دي مسالة جري ولا عكشة عشان كده والله افتح جنس فتح اسكت ساي بس :):)