السلام عليكم يالحبان
كل سنة وانتم فى اتم صحة وعافيه
الشوق وزاد ...
هذا البوست للعوده للزمن الجميل فى اعضاء جدد واعضاء محاربين قدماء
كدى اخليكم مع عمكم ود المطامير عشان اقود الدفه وانا بمسك النوخذ
عرض للطباعة
السلام عليكم يالحبان
كل سنة وانتم فى اتم صحة وعافيه
الشوق وزاد ...
هذا البوست للعوده للزمن الجميل فى اعضاء جدد واعضاء محاربين قدماء
كدى اخليكم مع عمكم ود المطامير عشان اقود الدفه وانا بمسك النوخذ
والله يا ابوسفروق
دائما بتلمنا فى ضل نيمه مرشوش
ومع ريحة الجبنه تحلو القعده
الغريب
زمان كلما أمشى مدنى تلقانى اليوم كلو فى محلات أبوظبى
أتفرج ساااااى ، فى البضائع وفى السمحات
وأديها ليك قزازة بيبسى وحاتك قولة باااااع تطلع لى فى نخيراتى لما أدمع
فى طرقات مدنى الجميله سكبت أحلى سنين عمرى
اها يا ود المطامير والايسكريم كان من الفرودس ولا حتة تانية
مع تاكيدي التام ان الباسطة كانت من سفنكس (وكان عرفت الاسم دا ليك هدية)
تخريمة : يا اب سفرووووووق فك ود المطامير في السهلة على مسؤوليتك (الشخصية)
هع هع هعاقتباس:
المشاركة الأصلية كتبت بواسطة الجندي المجهول
الجندى المحبوب
يعلم الله مشتاااااقين
وبعدين الحاجات اللى قلت عليها دى يطرشنى ما سمعت بيها
ماتخاف ياجنديا مطامير من يوم اطلق سراحه مع المضامين
بقى زول سبحه ومصليه ساى كمان عمل غرة صلاه وبقى شحمان من اكل الفته
الحبان زمان كن بنشيل الود ندى الود وفى عينينا كان اكبر حنان الكان وفات الحد .
الاعضاء الجدد ازيكم تعالووو عرفونا عنكم ونعرفكم عن اعمامكم الذين فرده للسماحه
ساحات ومع اجواء السودان الخريفيه بتحلى الجلسه والونسات
عمكم ود الصول ما بقصر بجيب لكم ودمدنى هذا الصباح لقايت عندكم
وبقى يوم عيد لو هلا وطله علينا الاعضاء القدامه ..
ياخوانا وين المسافر لى زمن ماشايفه ..
كدى خلونى اشرب القهوة دى وانداح لكم
وحبابكم الف
يا أبو سفروق
المسافر من يوم نزار الصغيرونى عقد وهو متعقد ;)
ومع كل الود باقة ورد
توقيع رائع لحبيب رائع أبورجاء
زمان فى الثقافى
المسافر بنى ليهو حيطة جالوص
وحات الله حبيب القلب بورتوبيل وود عمى المكاشفى
ليسوها فى فرد يوم
نتمنى رؤيتهما يتألقان هنى
الأستاذه أميمه عشريه
لما كنا برالمه كنا نهابها ونعمل لها ألف حساب
ذى مدير المدرسه
سألتها قبل فتره ، مختفيه ليه ؟ قالت لى
يا ولدى لقد هرمنا لقد هرمنا ;)
أبوسفروق
كان سفروقو لو فناهو برمى تلاته تلاته
هسى بقى مدفع دلاقين بس
هع هع هع
لقد هرمنا ..هرمنااقتباس:
المشاركة الأصلية كتبت بواسطة ود المطامير
حليل زمن الصبا
أنا جيت أتونس بي ونستكم ..
أكيد بنفرح بي فرحتكم ..
وهدي قعدة
ومنتظرينكم
اقتباس:
المشاركة الأصلية كتبت بواسطة نزار حسن محمد
والله لسه شباب يا أبوسفروق
أنا لسه بتذكر أيام ما كنا (( نحن )) في سنة سادسة
و إنت الوقت داك في الجامعه ولا ممتحن الجامعه ما عارف
والله بتذكر الشعر (( الخنفس )) و البنطلون الشارلستون ...
زمن كنت قابض الجو وكان صوتك جميل خلاص
ببراءة كده :
إنت مش كنت بتغني مع ناس عمك (( حسن الباشا ))
لمة جميلة وحصة في التاريخ لازم نحضرا معاكم .... قولوا
كان الردا يمثل قمة الروعة و ينقلك الي عالم الثانوي العام و العالي فتبدأ شعرات أبطك و شنبك بالنموء فتتمني أن تكون الدنيا ملكك
لم نعرف تلك الشنط المصنوعة من الجلد و البلاستيك الفاخرة المتعددة الالوان و الاشكال
ولا كنا نعرف تلك التي تعلق علي الظهر كما تفعل الفلاتيات عند حمل إبنائهن
يأتي بعضنها بالمواصلات العامة حيث كانت البولمنات و البصات و اللواري التي حرفت في المنطقة الصناعية لتكون بصات تنقل الكثير جدا من الركاب ...
كانت التذكرة لاتتعدي القرش الواحد و هو عزيز المنال و محترم ...
الطابور الصباحي الالزامي لايغيب عنه أحد و لا يتأخر و الويل لمن يفعل ... فالعقاب الاكبر في الطابور الصباحي
فهو عظة و عبرة لمن تسول له نفسه ... و الجلد بصوت العنج العجيب الذي ينزل علي الجسم كالبرق
قليلون من يدخنون السجار و يتعاطون التمباك ... وهم دائما يتخفون ... فالويل و الثبور إن رآك المعلم و أنت تدخن أو تسف ...
ننصرف الي الفصول في صمت تام لتبدأ إمبراطورية الالفة ... فهو يحفظ النظام بكتابة أسماء المهرجلين علي السبورة
ويعطيك الالفة الخيار بين ان يعاقبك هو او الاستاذ فتختاره هو ...
كانت حصتين ثم فسحة الفطور ... و كنا نذهب الي الكنتين ... فمنا من يفضل الفول ... و منا من يفضل فتته و من يفضل سندوتشات الطحنية
فكانت لا تكلفك أكثر من القرش وتشرب بالباقي إما عصير الليمون أو الشعير و تحلي بالداندرمة و التي أصبح اسمها آيس كريم ...
ما أن تكون الحصة الخامسة قد بدأت حتي تتصاعد أبخرة الفول في الرأس و نقط في نوم عميق
نهاية اليوم الدراسي هي بداية يوم من شكل آخر ... فلعب الكرة حاضرا
و معاكسة بنات المدارس القريبة و اللعب
و نواصل
سادسه ولا سابعه قصدك هههههههاقتباس:
المشاركة الأصلية كتبت بواسطة مصطفى هاتريك
ذكرتني خالد علوني في لقاء الخرطوم قال زمان كان كلو يوم بجلدو في طابور المدرسة عشان بجي متاخر. طيب يا علوني بتتاخر لي قال بكون مساهر بحضر في قناة الجزيرة.
الفرجيخة في السهلة
او الصّقيعة ..
يانزار مالك علينا ياخ ؟؟؟؟
كم هو جميل ( الماضي ) ..
ذكريات .... ننظر مواصلتهااقتباس:
المشاركة الأصلية كتبت بواسطة خالد أحمد الصول
بس يا ود الصول انت من زمن الثانوي العام والعالي وللا الوسطى والثانوي
ياسلام عليكم وعلى ونستكم التى ترد الروح ..
بجيكم برواقه
كدي في الاول ياابوهااقتباس:
المشاركة الأصلية كتبت بواسطة نزار حسن محمد
اشرح العنوان دا
عشان نقدر ندخل معاكم
طبعآ يا أبو سفروق ود المنيرة ناس مارنجان السودان بعرفوا ناس بركات ذي جوع بطنهم وناس بركات بعرفوا ناس مارنجان ذي عطشم ونشاف ريقم مش؟بالجنبة كدي حليل باص عمك السنجك وعم أدم وعمك الرباع والباصات المحننة ومكحلة حقات مدني بنات عبد الستار وحقات الدرفونات بنات العام والله أيام يا زمان
طيب أنا عارف حاجات كدي بديك ليها بالسيسي بث أنت أوعك تزوغ من الأجابة.
السعال الأول ( أجباري)
يا أبو سفروق أنت والمرحوم طه يوسف عبيد وبقية الشلة كان عندكم هواية تفوتوا باص المدرسة وتجوا راكبين كارو القصة دي بتعني ليك زمان وهسع شنو؟
سلامات
تسجيل حضور
انت تعالي النسألكاقتباس:
المشاركة الأصلية كتبت بواسطة مدنيّة
الككر ما بتعرفيهو والفرجيخة برضو -
كدي اتذكري ايام المدرسة لمن تقعدي في الواطة (وتتفني) كدا بتسميها شنو كنت