نجم الشمال (قصيدة)

يوم ظهر نجم الشمال

البريق عبادي بشّر

في سمانا القبلي شال

الجفاف في الارض عدى

والشجر بالفرحة طال

والسنابل ليها مدة

صابرة لازمة الانتظار

والجميع حسّب وعدى

يا للا بكرة الاحتفال



***

يوم ظهر نجم الشمال

في طوابير المدارس

في النوادي وفي المجالس

كل زول شايلّو فال

***

المساهر الليل يذاكر

النجاح بلقاهو باكر

وبكرة يبقى الاحتفال

***

الصبي الطول يكافح

بيتو مليان بالرجال

اسكتو الماذون بصافح

يا للا عقبال العيال

***

يوم ظهر نجم الشمال

المسافر لهو مدة

لا سأل لامرة ردّ

لا جواب لا اتصال

قام رجع خلاها جدة

ياللا بالاحضان تعال

***

يوم ظهر نجم الشمال

القلوب طابت براها

والجروح شبعت نقاهة

والمريض البيهو زال

جمعت بين اناقة الريشة

وجمال الكلمة يا أستاذ بدر الدين

فمع كل مشاركاتك دوما تهدينا باقة من الأبداع

ننتظر جديدك دوما بكل لهفة

وابدا لم تخذلنا بوستاتك

لك كل لشكر والود والاحترام

لك كل لشكر والود والاحترام

تغريد

والشكــــــــــــــــــــــــر