حباب الحبان حباب اهلى

ياخوانا هووووى السلام يخشاكم محل ما قاعدين

اشهد الله ورسوله كم انا مبسوط وكم انا سعيد وذلك لرؤية اقلام اخوانى واخواتى اقول شنوا ولا شنوا
اقبل جاى اشوف عبد المنعم فتحى اعاين بجاى اشوف حاتم مرزوق اعاين هناك اشوف ياسر ود النعمه
وهناك تلقى المه فى حلقة vivid وهناك المه فى حلقة حاتم عمر ..ومن بعيد اشوفه جاى صاحب القلب المرهف مرتضى الحلامابى ..وجنبه صاحب الابتسامه العذبه حبيبنا ود الماذون..وصاحب القلب الكبير ود دفعتى عاطف ود عولى..يشهد الله انا سعيد بوجودكم انشاءالله دائما ملمومين فى الخير يا اهل الخير

حباب ود بركات والمنيرة

حباب عم دهب

متيين دفعتك؟:p;);)

أنت عجوز

وكنا بنخاف منكم

أنتوا كنتو بتفتوا بص المدرسة

وتركبوا الكاروا مش؟

أحلي لمة ياابوها
لما تجمع كل ناس مدني
علي مختلف الوانهم واشكالهم


--------
مافي أحلي من مدني وناسها

----------
تسلم يانزار

اخي نزار لك التحية والتقدير نعم عودة هولاء الاخوه اثلجت صدورنا والتحية ايضاء للاخ عباس الدسيس ذاك القلم الموهوب والتحية لحبيبنا حاتم فتحي ذاك الرجل الذي حمل هم المنتدى وكلما اتصل علي يريد رفعة المنتدى وكم استفدت من افكره النيرة من اجل تطوير جميع منتديات ودمدني والتحية للاخ المقاتل الجسور عبدالمنعم فتحي والاخ الاكبر ود العركي ابو يوسف وعبره نسأل من اخينا الاكبر اسامه يوسف (ادمون) ومن خالنا العزيز بكري الخال والتحية لحبوبتي ودالماذون وللاخ ياسر ودالنعمة واملي في عودة بقية الاقلام الاخ ابوجودي وبكري كسلا وجدي الخواجه عزيز عيسي وجدي ودالماحي واخو الاخوان ابوكريم الخواض وصاحب كلام السر الخواض الكبير وذاك القلم اللذي لايشق له غبار الدرديري وعمنا النور محمد يوسف واستاذنا المعز ودام تريبات وصديقنا برتبيل والمكاشفي حبيب الكل وهشام دوم ومصطفي دعوب والقائمه تطول واخواتنا الكريمات مهيره وبت مرنجان وعشوشه واميمه عشرية وحبيبة ودمدني وكل الاخوات الفضليات ولانسى ذاك الجبل الشامخ استاذنا وحبيبنا عمر سعيد النور ونسأل الله ان يظلنا في ظله يوم لاظل الاظله

يا سلام يا نزار لما تطلع علينا بأعماق المرهف الفنان .. وتجعل لهذه اللمة أبعادها المنتمية لدواخل صافية صفاء اللبن .. نتمنى أن نصل إلى أن نشكل كيان أمنا مدني بمثالية وإتقان يحتوينا ويحتوي جميع الغائبين فاتحين الأيادي معمرين العقول بأدوات تستوعب المحافظة على هذه اللمة .. ربنا يحفظ الكل ..

حباب العمده ودعولى وام جمال وحباب ود الطاهر وحباب عصام ودحسين
ياكم الاهل وياكم الحبان وذى ماقال ود الطاهر والله فى شوق شديد لكل الاحباب
بجيكم برواقه عشان نطق الحنك