البنت البايرة....(على من تقع المسؤلية)....؟

السلام يا حبان.....
البنت البايرة مسؤلية من....؟
سؤال لا بد من طرحه...فلكل منا نساء سواء اكن اخوات او زوجات او امهات او ...او...
نعم ما اعظم ان نرى تلك الظاهرة ونجد لها حلول ..وحتى ان لم نجد لها حلول فلن نقف ونصمت...
نعم لن نصمت....لانه العار بعينه...
المرأة ضعيفة ووجدنا نحن لكى نقف من خلفها.....
هى ظاهرة تلك البنات الذى غلب عليهن سن اليأس(وسن اليأس لا يقاس بالعمر).....
من هو السبب....
المجتمع...؟
الاخلاق...؟
التدهور الاقتصادى....؟
الاغتراب.....؟
هذه قد تكون مجمل الاسباب التى تجدها عند طرح هذا السؤال.....
ولكن .....
لا اجدنى مقتنع لانها اسباب قد تعالج ..(فلكل مشكلة حل)....
ولى عودة

العزيز الغالي ركشة لك ودي وتحياتي

موضوعك جميل لكن لك الاسباب الانتا ذكرتها دي في اسباب البوره ما اعتقد ليها اى اساس من الصحة

لو اخدنا انو المجتمع هو السبب ما حتلقى ثغرة تقولا في المجتمع السوداني ولو لفيت العالم ما حا تلقى ليك مجتمع زي المجتمع السوداني

لو قلنا الاخلاق ما اعتقد انو الاخلاق تلعب دور كبير في البوره لكن كثير من الناس بتزوج بدون انو يشوف العروس حتى ودي حصلت كتير


ولو قلنا انو التدهور الاقتصادي برضو ما اعتقد ليه علاقة وكم وكم من زيجة تمت بالبسيط وكم كم من زيجة تمت جماعية بالقليل البسيط


لو قلنا الاغتراب بنقول انو كل مغترب اغترب لي اهداف معينة على رأسها بكون الزواج وسرعان ما تجد المغترب عمل حق العرس وجرا جري على البلد عشان يتزوج والكلام ده اسالو منو مشوكشي شهر 7 و 8 :D:


الزواج ده بلعب فيه نصيب الفتاة دور كبير وكلو مقسوم طبعا والرضا بالمقسوم عبادة


كلو قسمة ونصيب

البوره ممكن تكون قسمه ونصيب وهنالك بنات مسيخات بجيبن البوره لانفسهن وهنالك الشينات برضو والحكايه كلها قسمه من الله

مع تحياتي ليك اخي رقشة ..
البورة كلمة رهيبة لاي فتاة خاصة لاي فتاة تجاوزة سن الثلاثين وارى من اسبابها :
1- مشيئة الله وما اراده الله لا بد ان يكون ( ونعم بالله )
2- البنت نفسها قد تكون سبب في هذه المشكلة بان ترفض الزواج وحينها يكون الموضوع قد حل نفسه ولا توجد مشكلة لطالما البنت هي التي ترغب في ذلك.
3- خوف الخطاب من التقدم لفتاة معينة وذلك بسبب المستوى الاجتماعي او التعليمي او بسبب خلل في اسرة الفتاة أي خلل لا اقصد الخلل الأخلاقي فقط بل مثل ان تكون هناك اسرة مشهورة بالشراسة سواء الوالد او الوالدة وكذلك الطمع او المغالاة وهذا اخطر الاسباب
4- خوف الشباب من المستقبل والعزوف عن الزواج وتضريب الاخماس في الاسداس الحسابات يعني ودي مشكلة كبيرة ؟
5- عدم ارجاع الامور الى الله ونسيان قول المصطفى صلى الله عليه وسلم ( تزوجوا فقراء يغنيكم الله من فضله ) فقد شكى رجل الى الرسول صلى الله عليه وسلم ضيق زات اليد فامره الرسول بالزواج فتزوجل الرجل وعادة مرة اخرى الى الرسول يشتكي له حاله فامره بالزواج الى ان وصل به الحال زواج الرابعة بعدها فتح الله عليه واتسع رزقه واصبحوا يحملوا فتات الخبز ويلقوا به الى الطير فزاد الرزق بركة فسبحان الله، مر ابراهيم عليه السلام على ابنه اسماعيل وهو في طريق سفر فلم يجده ووجد زوجتها فقال لها كيف العيشة وكيف اموركم فاشتكت شكية مرة من الضيق والضنك وضيق العيش عندها قال لها ابونا ابراهيم بلغي زوجك من السلام وقولي ليه يغير عتبة الباب ..؟ وعندما عاد اسماعيل عليه السلام اخبرته بانه مر عليها رجل وقور تظهر عليه علامات الصلاح وقال لها كذا وكذا .. فقال لها انه ابي ابراهيم عليه السلام ويامرني ان اتزوج .. فتزوج اسماعيل من اخرى وتكرر نفس الحدث السابق وقال للزوجة الثانية بغلي زوجك من السلام وقولي له أن يغير عبتة الباب .. فكان ان تزوج اسماعيل من اخرى الى ان مر عليه ابراهيم عليه السلام ودار الحوار السابق فقالت له نحن الحمد لله في نعمة وخير كثير فقال لها بلغي زوجك من السلام وقولي له ان يثبت عبتة الباب .. فالله قد يتفح عليه برزق زوجتك او رزق عليالك ومن كان رزقه على الله فلا يحزن.
6- خوف الرجال من الزواج بالثانية وعدم قبول المرأة السودانية للضرة سبق ان كتبت في موضوع قصدي منه المزاح ان عدد النساء في اي جزء من العالم يساوي ثلاثة اضعاف الرجال يعني انت يا رقشة الله يعينك قصادك ثلاثة هل عند واحدة من الثلاثة ولا لسع
7- اتجاه النساء الى العمل والتضيق على الشباب فاوظيفة نادرة هذا الزمان الا بوساطة قوية بدلا من ان ياخذ الوظيفة رجل يغطي بها مصاريف لزوجته المتقترح جلس الولد عاطل في البيت والبنت تعمل الا اذا مات قبل الرجال وقبلوا بان تخطبهم النساء وتدفع لهم المهر وتجهز البيت وتتكلف بالمعيشة والرجل يقنب دلدول في البيت لا يهش ولا ينش وحسبنا الله ونعم الوكيل
8- كثرة رد الخطاب من البنت يؤدي الى البورة لخوف الناس من تكرار المقلب واخذ الشاكوش
9- دراسة البنت لها دورة فعال يجيها الخاطب وتقول عايزة تكملة دراستها وما عايزة عرس الآن وما بتعرف ان الحياة فرصة والفرص الضائعة تحسب على البنت .. خد النكتة دي في واحد زول شين شنة مرة كل ما راح يخطب واحدة للعرس البنت تقول عايز تقرأ لما تشوفه شين .. المهم في مرة من المرات اختارت له اخته واحدة وارحو يشوفوها لقاها اشنة منه قال لأهلها أنا عايز اقرأ ..
10- اهل الفتاة لهم دور في بورتها بانتظارهم العريس اللقطة وعدم توزيجها للزوج الكفء المسئول ذو الدين والاخلاق بس مفلس وعدم المواخذة للكلمة .. والمغالاة في المهور.

مع تحياتي ابو احمد

الاغتراب والتدهور الاقتصادي والمجتمع والاخلاق ...

كل هذه عوامل مساعدة للبورة ولكنها ليست اساسية

فالزواج كما تقدم الاخوة بالحديث (قسمة ونصيب)

اتفق معاك يا بابكر في انه المساخة تجلب البورة
لكن شينة دي بس شينة شوية الشناة ذاتا خشوم بيوت
الكلام الاخلاق:D

اقتباس:

---

كاتب الرسالة الأصلية ابراهيم
الاغتراب والتدهور الاقتصادي والمجتمع والاخلاق ...

كل هذه عوامل مساعدة للبورة ولكنها ليست اساسية

فالزواج كما تقدم الاخوة بالحديث (قسمة ونصيب)

اتفق معاك يا بابكر في انه المساخة تجلب البورة
لكن شينة دي بس شينة شوية الشناة ذاتا خشوم بيوت
الكلام الاخلاق:D

---

اقتباس:

---

المشاركة الأصلية كتبت بواسطة بابكر

البوره ممكن تكون قسمه ونصيب وهنالك بنات مسيخات بجيبن البوره لانفسهن وهنالك الشينات برضو والحكايه كلها قسمه من الله

---

ههههههههههههههههههههههه
ودي يحلوها كيف ؟؟؟؟؟؟:D

بختلف معاكم شويه فى قصة الاغتراب ،فى الزمن ده بالذات الاغتراب عامل مساعد للزواج
لكن زي ماقال ابوبكر المساخة ،والمساخةدى اساس البورة ذااااتها،
وفى النهاية كل شى قسمة ونصيب :p

يديكم العافيه على الموضوع الحساس دا لاكن انا من راي انو في عوامل عديده بتتحكم في البوره القسمه والنصيب ودي طبعا لاخلاف عليها تاني شي العولمه والتطور الحاصل والمقصود بيها التعليم خاصه انو البنت مثلا بتقول ليك انا ماعندي الرغبه في الزواج الا بعد ماانتهي ونحنا لو رجعنا ورا بتلاقي انو ناس زمان البنت كانوا بعرسوها وعمرا صغير جدا وبرضوا الحاله الاقتصاديه ليها اثار برضوا.....

دا من وجهة نظري الخاصه وليكم عاطر التحايا والمنى ودمتم

و انا من وجهة نظري و مع احترامي للجميع ومافي زول ياخد من كلامي موقف انو الشباب زات نفسهم فرجاء ما تختوا العائق فينا احنا البنات

اخي ركشه البنت البايرة دى عادية هسع الاولاد بايرين وانا واحد منهم البورة مسئولية مجتمع كامل وكل شى قسم ونصيب

البــورة يا ركشـه أطلقتوها على الشابات 00 وذي ما قال الاخ سفيان
كما في شبـان برضو بايريــن 00 عشان كده أنا بختلف معاكم !! يعنى
البايرات والبايرين موجوديــن ومافي داعى لنقاش هذه المسألة من
أصلها وماهي الاسباب وراء البورة أو يستحسن نقول (العونســة)
أنا بعتقد أنو رأي أو تحليل للاسباب ما عايزنو أنا بعتقد ما دام الموضوع
ضرح في هذا المنتدى يجب أن تناقش الناس الحــــلول لهذه المسـألة !!!
لازم نجـد الحلول لهذه القضيـة التى تمس أي منا ! لانو ده هو الشىء المهم

وأنا شخصياً لو سألتوني 00 بقـول الحـل الوحيـد لمشكل العونسـة

" الــزواج الجماعـــــــــــي "
بتضافر جهود الحكومة مع اهل الخير والمحسنيــن 00 وما أكثرهم
وأنا بعقتد أنو في مدنـي لازم سنويـاً يقام ( زواج لجماعـي)
على الاقل لمأئة شاب وشابة 0 والناس تبدأ وربنا بتمما !!

رأيكم يا شبـاب !!

يا جماعه البوره بوره مجتمع كامل لاشخص ولا فرد و الكل مسؤل عنه فمافي داعي نعتب شخص معين

يا اخوانا في بنات بحبوالنجاح والشهره
لكن للاسف اغلبيه الرجال برفضو المرأه الناجحه
عشان ما احسو انهم اقل منها
ووجهه نظرهم في المرأه الوجه التقليدي المرير
الاحنا كلنا عارفنو (المرأه لبيتها, زوجها و اطفالها)
لماذا?
هي انسانه و لها حقوقها في الحياه

و للاسف لسا بسمع الواحد اقول والله عايز لي واحدا سغيرونه عشان اربيها و هو اكون قدر ابوها
و اي راجل لما افكر في الزواج بجيب البنت الصغيره البريئه الماعارفه ف الدنيا حاجه طب ما بفكر دي حتربي لي اطفالي كيف و هي طفله
هل يعجبه سكوتها و سماع كلمه حاضر?
اقدمها لاصحابه وهي لا تعرف الكلام ولا المشاركه
الى يخجل?????????

خساره...........

عشان كدا نحن الجيل الجديد لازم نغير العادات التقليديه المتخلفه
و نحتفظ بافضلها


اشكرك يا اخ ركشة
لطرح موضوع المناقشه دا

الله يديك العافيه يا لميس
صدقت و الله

المشله اولا اقتصاديه بدون اى شك لاكن لو فى تفاهم وتراضى بين الطرفين

رغم الصعوبات بتمشى با البركه والاخلاص والرضى با الواقع المعاش

يعنى لو اتقدم واحد تعبان مانرفض او ما نطمع فى التطلع الى البنت الثريه

اعتبر نفسك لاتملك شى ستجد نفسك تملك كل شى.

عندى حل اكيد بس حايخد منى وقت فى الكتابه

انتظر ردى فى ما بعد
شكرا

alakh /ragsh....alsalam alika wala mn fee almontda...rayak aih kan shofta lina hal leport alpnat dee..emken takon fatht kheir lihom.....atmna men allah an yfek borthom...alf shokr....haroun ..USA

الزواج قسمة ونصيب
والعوامل السابقة مجرد ا سباب يمكن ان تزيد او تضعف فرص الزواج ولكن في النهاية القسمة هي التي تطلق الكلمة الاخيرة ونتمني للجميع الزواج اولاد وبنات عشان ما يكون في بايرين وبايرات ودي سنة الحياة ودمتم

بسم الله الرحمن الرحبم
اول شي سلام عليكم
تاني شي دا موضوع مطروح بس كان في طريقه افضل من كدا(ياأخونا نحاول نبردها شويه عليهم)
ممكن نقول عزوف الشباب (كانوا شباب والان شياب) عن الزواج.
او نحاول نشوف طريقه نحل بيها الموضوع دا(يعني نعمل فيها عندنا كلمه بين الناس(الحكومه)
طيب ممكن نعرض الموضوع علي المجل الوطني (شايف الايام دي في موضه دبل لو البشير او غيره)
وسلامتكم

موضوع هام جداً ياشباب ..
وأنا بعترض على الأسم الذي يطلق على الفتاة بعدم زواجها .. (بالبايره ).. يعني ممكن نقول تأخرة في الزواج لأن الزواج في الأول والأخر .. قسمه ونصيب .. ومن أهم العوامل التي تؤدي لتأخر البنت في الزواج ...
1 - الشاب نفسه ... أسألوني ليه ؟ طيب ياشباب عندنا ظاهره توجد فقط في السودان أنه الشاب عندنا بتزوج وهو على اعتاب سن الـ 40 .. وهو بيتزوج في هذا العمر وعينه على بنت الـ 20 .. يعني 90% من البنات بين الغاب دا تعرضو للظلم ....
2- السبب الذي يقود الشاب لأن يتزوج وهو أقترب من سن الـ 40 .. الحالة الإقتصادية ... وما يتبعها من ظروف مادية قاهرة جداً .. أو أسباب أسرية تلح على الشاب بأن يقف مع أسرته في ظروفها المادية+ خوف الشاب من تحمل المسئولية .
3 - البنت تكون في كثير من الأحيان سبب في تأخر زواجها .. ( سوء التقدير للزوج الذي يتقدم لها ) أو فلسفتها في أمر الزواج .. .
4 - المجتمع والأسرة لهم دور بارز جداً فت تأخر كلا الجنسين في الزواج .
5 - تعليم البنت .. عندنا مشكلة فهم غبي جداً في السودان أنو البنت المتعلمه أو المثقفة أو الحققت درجة علمية متقدمة خلاص مافي حد حا يتقدم ليها ...
6 - ودي اهم نقطة ... القسمة والنصيب ... وربنا ما جعل ليها نصيب في الزواج في الدنيا دي اها تعمل شنو .. نقوم نحطم معنوياتها ونطلق عليها ... بايره .. بالله دا كلام ياجماعه ... إستوصوا بالنساء خيراً .
والمثل بيقول ... الجمل ما بيشوف عوجة رقبته ....