عرض للطباعة
أنت في دقسه من تعب النهار هلكان
ويادوب بين نايم ونعسان
تجيك ريحت زربية الحملان وكمان ترسي الصخلان
يشيل النعسه وتقعد حيران لصباح الرحمان
ويافتاح تسمع صياح كفيلك الحفيان أنت لسع نايم ياكسلان
قوووم اطلع واسرح ياتعبان ولاشاي ولافطور ولاحتى جقمت قبشان
وأهيم بين فيافي ووديان في حرا ووسط خيران
وبين شجرا من الورق عدمان ومره يجيك صياح ذئبا ومره يجيك ثعبان
ولسع النهار ماغيلت شربت صفيحة مويه ولازال عطشان
وغدا باقي الحكاية ياحبان
سرحت اتذكر ناس فريق قدام وناس منى وتومه واخوي حران
وقعدت بخيته تكشكش في الويديعات وجنبها امحمد محنان
وتومه شاده ليها شاي فوق منقدن تعبان
وكوراك صالح الغرغان فوق الجنى عدنان
انزل ماتكسر التيبار خلي كان اعدي لينا رمضان
وشايف رحمه هناك يعلق لحماره المكادى السجمان
وكمان ابوي جاي من الخلا وراه كليبو ودحشو الشحمان
ماانسا صوت الياس الجالس في الديوان بقرا في القرآن
وباكر نواصل ياخلان 0
هاهاهاها .. حلوة شديد يا عبدالرحيم والى الامام
والله ابداع رائع يا ابو عبده
كلامك فوقو شجن وحنان
واصل الغربة والحملان
ونحن منتظرين على احر من النيران
لك تحية وود بالكيمان