الحت الحت الحت الحت.............. قصيدة

http://www.youtube.com/watch?v=JTdLO...eature=related



الحت الحت
بقلم: أحمد عباس المحامي

ليلتنا ذِكِر يا الله مَدَدْ
ده رقيص اسلامي وليهو سَنَدْ
بالكَفَلْ الخصِر السَدُر اليَدْ
النقزي الحت الشد المد

الحَت الحَتْ الحَتْ الحَتْ

العَسَس العَنج الخَبِطْ الحَدْ
لبنات الناس في الساحة جَلدْ
في الغَرْب نعامة علينا أسد
أوباما بسوي الهَرِش الجَدْ

الحَت الحَتْ الحَتْ الحَتْ

قايمين الليل ماسكينلو عَدد
الشيخ سهران للسبحة جَرَد
مبسوط انخجْ ما بهمو أحَدْ
كَيتَنْ في الشعبِ الليهو حَسَدْ
يا شعب انطمَّ كافية نَكدْ
للكوع ألحس في الأَرِض انهَدْ

الحَت الحَتْ الحَتْ الحَتْ

العِيشتو رَغيدة وعيشنا كمد
مشروعو حضاري وليهو لُغَدْ
للشينة فعل بالزينة وَعَد
في الفارغة قدَل في الحارّة لبدْ

الحَت الحَتْ الحَتْ الحَتْ

لجنوبنا فَصَل في ناسو زهد
آمالنا خنق أحلامنا وأد
للسطلة عِشِق للكرسي عَبَدْ
للفتنة زرع للخيبة حَصَدْ

الحَت الحَتْ الحَتْ الحَتْ

لمتين ساكتين وصَبُرنا نَفدْ
ده الحكم الظالم ليهو أمدْ
الحَت الحَتْ الحَتْ الحَتْ
الحَت الحَتْ الحَتْ الحَتْ

أحمد عباس يا أخوي خلي الرئيس بنسط ياخ
يعني ما يرقص ولا شنو ؟
خليهو يفرح في الدنيا وما أظن تاني حيفرح

حتاهو قرض
ونحنا حالنا انقرض
الحت الحت الحت