عرض للطباعة
سوال ساااى .. اتحكر فى فى الصفحه الاولى من خربشااات هذا الصباااح
وبعد احساس بالانتماء لاناس كانو ملء السمع والنظر .. وبعدين اصبح شوف
***
مابين 2009 وحتى تاريخ هذا الاعلان الداخلى .. كانت لنا ايام .. لن نبكى عليها كثيرا
كعادتنا نحن السودانين عند اجترار الذكريات .. وتدخين لفافه المواقف .. عند محطات التلاقى
الكانت غريبه .. مانلقى يافطه بعينها تحذر من عدم التدخين
بوصفى احد الذين (كانت ) لاعلاقه لهم بمدنى .. لامن قريب .. ولامن بعيد حتى
حتى زياره الترخيص اياها .. فى زمن ما اجبرتنى عليها تلك (الكيلك ) وكتبت لى
وقتها بطاقه (مخالفه ) من بتاع المرور وانا ابرطع بدون وعى داخلى وبسيارتى فى شارع
اتجاه واااحد ... بطلعك من السوق الشعبى .. وليس العكس
خربشه :
اول زياره لمدنى كان عنوانها بطاقه (مخالفه )
كلمه السر اهدتنى اياها .. المرحومه تيسير .. بعد ايام رحل فيه احساسنا مع النوارس
وهى تبيض فراخها بين السفائن
اصعب شىء انو تعيش غربه الذات والاحساس فى جواااك
فكانت كلماتها تشبه رحيلها الذى خلف غصه فى الحلق .. وفى العين دمع لايكفكف
كانت كلماتها الضوء ..
- ادخل منتدى ودمدنى ... لعلك تجد ذاتك بعد فراااق
وقد كان
اقتباس:
المشاركة الأصلية كتبت بواسطة عبدالرحمن مدثر
يا جمال ذكاء ذلك العسكري الوليف ...
فقد عرف كيف ولمن يعطي المخالفة
ومثلك لا أبكي على الأيام الماضيات
فأكيد معكم وبكم الايام أحلى دوماً ..
صــوت مشاركة لهذا الإندياح العذب
تقبلني كمان أنا في عشقي لحرفكم
لمبه قلووووز
اذا كنت من مدنى .. فانك ستاخذ كل الصفحه هنا ..
واذا كنت من غير مدنى ... فيكفيك الهاااامش
ابوميزاب .. صديقى
على غير العاده سياتى اندياحى هنا (نازفا )
يكفى اننا وجدنا مانبحث عنهم بينكم
عارفنى برييييييدك
يا حبيب واصل بدون فواصل
اقتباس:
المشاركة الأصلية كتبت بواسطة عبدالرحمن مدثر
صديق الحرف الشجي أبومُـزن... لا أنزف الله لك إندياحاً هنا
ولو كات لابد منه ... فدعنـي ألقي عليه ماعــون عطشي وحبي
فالذي يـنزف هنا أكيد هو أكسير نبـض حياة يـنير لنا قارعة طريق
حروف السطر الأخير لا شكك يدخل على قلبي منها ... وبالمثل لكم
ونحن كان لنا شرف التلاقى
وحسن الاخاء
جميله حته انك ماحبيت المكان بقدر حبك لمن يعطرون المكان .. واصبح العطر زخات زخات
ملا الدواخل .. وواصل مسيره للمكان ... زى حصه التعبير والانشاء زمان لما تبدا فى
وصف الشخوص والامكنه ... بكون عندك خيارين يمكن تبدا باى واااحد فيهم
البداية بوصف الشخصية ثم الانتقال إلى وصف المكان
او
البداية بالمكان ثم الانتقال إلى وصف الشخص
اها نحن (وانا هنا بمثل تنظيم ماعندو رقم وطنى )
كانت البدايه من خلال الخيار الاول الاكثر عمقا اكيد بدليل عمك دااااك لمن جااات ساعه الفراااق وقالها بكل احساس
ودع هريره ان الركب مرتحل ... وهل تطيق وداعا ايها الرجل
انت مامن مدنى ............!!
عباره دقشت اضانى فى زمن ما .. فى مكان ما .. الجميل بس انو الرااابط بتاع التلاقى كان عنوانو الخير
***
والخير لما يندفق سااااى بدون لجان منبثقه .. واجتماعات بكون جميل ...
وعلى حسب تداعيات تلك الذاااكره الخربه ... لان الحاااضر ليس من مدنى ...!!
وجب على الانبثاقات (اللجانيه ) ان تستعين بصديق (مدناوى ) غائب عن ان يغبر قدميه من اجل هذا الخير
**
دى كانت اولى الانكسارات الداخليه
يا الله يا خرباشاقتباس:
المشاركة الأصلية كتبت بواسطة عبدالرحمن مدثر
من مدة وأنا أحاول الخربشة علي دفتر روان
عن مطلع بعنوان
تيسير التي عرفت
يا سلام يا خرباش
العسكري جابك صاااااااااااح ما غلت
وانت ما غلت صاااااااااااااح لمن أنت ومانجو
دايرين تشيلوني القفة في حوار الكلمات بين هؤلا القامات
وأنت تدعو بالقاب وكنيات
وكانت تسير الباقية فينا أبدآ هي المقصودة
العسكري جابك مدني وأنتي وديتني تيسير
ولك السؤال اللغز
زول ما من مدن يحب مدني
ويعالج واحد قرييييييييييييييب من مدني بدخول مدني
أحبك يا مدني واموت في البحبك يا مدني
مدني تجمع ولا تفرق
تزيد ولا تنقص
والسويتي فينا يا مدني
ما سوتوا ليلي في قيس
يقال ان اهل مدنى اكثر تحيزا لمدينتهم .. فنحن نراها اجمل مدن العالم ..
هذا الجمال لاتجده (سااااى ) على قارعه الطريق .. انما هو صناعه احساس بشرى تراكمى
وتاريخى .. جعل منها كذلك ..
وعندما يذكر اسم مدنى .. اكيد بتظهر من غير قيوووود .. بتكون فى عموميه فى اللفظ والاحساس بتجمعنا مع القاطنين فى مدنى
يكفى ان مدنى (مانشيت كبير لكل الجزيره )
ويكفى ان منتدى مدنى وعاء جااامع لكل الاختلافات الفكريه ... والاجتماع اكيد حول دور مدنى الرائد والتاريخى
هل بطاقه الانتماء لمنتدى مدنى كااافيه لكى تبرطع على كيفك ؟؟
ام ان هنا قيود اخرى ..!!
**
منتدى مدنى منتدى قام اكيد من طوبه (فكره ) .. وطوبتى وطوبتك بلغ البنياان تمامه
واصبح وعاء جامع للكل بمختلف الامزجه .. والثقافات .. والافكار ..
**
لو انا واحد مثلا مامن مدنى .. اجتمعنا فى ضل فكره .. واختلفنا مع زول من مدنى .. يقوم يقول لى (قوم من شدرتنا )
مع انو انا يمكن اكون سقيت الشدره اكتر منو ....
داير القى اجابه
مع انو انا رديت بانو انا مابقوم من الضل والشدره ... لانو الشدره ماحقت زول (الشدره حقت الله )
تلحيقه
الشدره شدره المنتدى .. ماعندها اى علاقه بشدره تانيه عشان مانلقى البوست دا فى السياسى
متابعين ايها الخرباش
هه هع هه هع ضحكت مطاميرو معدلهاقتباس:
المشاركة الأصلية كتبت بواسطة عبدالرحمن مدثر
وحات الله قبال يوم بس قربوا ناس مدني اقولوا لي قوم من شدرتنا عشان صلحت غلط في مسابقة المنتدى
ممكن اقولوا ليك لكن الشجره حقت الله ما بقوم
اقتباس:
المشاركة الأصلية كتبت بواسطة عبدالرحمن مدثر
الوريف النورس - عبدوش - الخرباش
وشتان ما بين كل اسم
ولكن الحنية والشوق الشفيف
قاسم مشترك بينهم أكيد
نفس كلماتها أهدتني لها صاحبة دعوة فرح
لها الرحمة والمغفرة
أصبح تعلقي بالمكان يجسد ذكريات أبت أن تندثر
داخلى
فالشدرة فرعت وأصبح لديها اغصان
ومهما قيل لنا قومو الشدرة شدرتنا
والزارعنا غير الله يجي يقلعنا :o
تحياتي ليك كتير
لتكن الشدرة ، هي شدرة سدرة المنتهى ،،
لنكن جميعنا تحت ظلالها ،،
لتكن هي الأم الحنون الرؤوم التي جمعتنا ،،
من بين المتواجدين تحت ظلها الكثيرين الذين تجمعني بهم
أنواع العلاقات والمسميات للروابط الأنسانية بين البشر ،،
ولما نقبت بينهم وجدتني بين أحبه لا عنوان لهم سوى الحب ،،
وجدتني أنهل من معينهم نضرة الحرف ووسامة الكلم ،،
أتنقل فرحة بين ضلوعهم التي تغطي كوامنهم الحبلى بالوفاء والأخلاص ،،
ورشفت من الوعاء الكبير الملون بألوان الحياة المتناسقة داخلك يامدني ،،
رشفة تغلغلت داخلي ،، لا بل سرت ،،، لا بل انسابت بين حنايا أضلاعي لأجدهم
أحبتي الذين شربوا معنا من معين الحب والوفاء ،، وهم ما من مدني ،،،
أجمل الحرف هنا لكم ،، وأحلى الحروف منكم ،،، فتلاقى الأثنان ،،
مع من وهبهم العزيز برقيق القول ،،،
وكما قالت أمي : تبقى الصداقة قرابة ونكسب الودين ،،
ودالامين .. جندينا المعلوم جدا .. بقرأ فى سطوركم حياتى ... وانتو تشيلوا مننا صحن الفته ... هاها
تحياتى ياانيق .. ليتنا نستطيع ان نواااصل بدون فواااصل .. السكه طويله .. يكفى انك حاضرا
اللذيذ عصام زكى ...
واللقيا ذاتها سبب فى البحث عن احساس انتماء حقيقى
لان الذى يجمعنا اكبر من ان تستوعبه مساحه (اضف الرد السريع ) هنا
او (موضوع جديد ) ....
عشانا
وعشان احساسنا
وعشان نتعلم كيف بكون شكل الدنيا
لمن نجيب احساسنا
ونزرع شتله
وبدل المويه نجيب انفاسنا
ابوميزاب
انه فعل (المقاومه ) لاحساس دخيل .. قد ياتى فى لحظه امسك (الغضب ) بالريموت
وتحكم فى الدواخل .. مرات ياعمك .. كلمه عابره .. ادقت فى كيبورد ممكن تلسعك بنارها
تعليق مشاتر .. بشيل من جواك الهدوء ... ويزرع فيها شوك .. وانت بداخلك كل الشوق
خربشه
واحد مره قال لى .. شفت (الامل ) دا بخخخجه احساس غريب بصبح بعمل بعثره حروف لتتحول المفرده الى (الالم )
ابوروان
سعيد انا بمعرفتك الكنز ..
واكيد برااااك عارف كيف لما يكون
هجره عصافير الخريف فى موسم الشوق الحلو
علقم ياصفوه .. ليك حق تتابع بعد مافرتقتو الخيط الرااابط بيناتنا
وضربتو الرااابطه نص دسته بفضل جهود اولادنا
تسلم ياانيق
هاهاها ياباشا منور والله
انت معانا يعنى ... نحن بتلقانا فى طرف الشدره .. عينا قويه .. ومفرجخيييين
ياخ ماتجى راااجع
تتم لينا باااقى الشمار
ام ريم تحياتى
الهدف الاساسى كان انو تلقى نفسك .. من خلال احساسك بالاخرين
واحساس الاخرين تجاهك ... لما تصل مرحله (تماهى ) وذوبان كدا بتنتهى معاها
كلمه (اخرين ) ... وبنصل لحته
كنت انا .... وانا
كنت انااااااى
وآآآآآسف جدا انى نسيتك فى جواااااااااااااااى
***
واسف لاسف يفرق
زى نسيان ... وتناسى
بنسى لانو مفروض انسى هكذا هى النفس البشيريه
وبتناسى دا شىء مشاتر ضدها .. لكن الانا الجواااك مرااات بتعاااند
**
يعنى نقعد سااااى
مفروض يكون عندنا (حق لجوء ) .. ويصرفوا لينا بالدولار
ويمنعوا مننا غبار بعد التعليقات العاااكله