بمناسبه تصدير الدكاتره:-
مواقف متوقعه:-
تجي مسافر واحد يسلمك دكتور يقول ليك وصلو معاك... عشان انا شايل واحد في الشنطه وداير ازوغ من الجمارك.....
تجي ماشي في السوق العربي تلقي مكتب فلان الفلاني للاستيراد والتصدير... نصدر اجود انواع الدكاتره... لدينا فرز اول وصنف ممتاز... والمفاجأه... التغليف مجانا
تكون راكب المواصلات وجنبك اتنين بيتونسوا:-
-ياخ والله عزبونا ناس الجمارك عندي دسته دكاتره داير اصدرم.. صدق قالو الا بي اورنيك صادر
-ولا يهمك ياحبه.. اهلي قايمين عمره... بقسمم ليك علي الشنط
تكون قاعد في بيتكم بتشرب شاي المغربيه... الباب يدق... يجي عسكري لي ابوك يقول ليهو:-
في زول بلغ عنك... قالو عندك بضاعه مهربه... عندك ولد دكتور؟
تكون قاعد بتحب... آمننا مطمئنا... فجأه يقيف جنبك بوكس... وينزلو اتنين عتاله يرفعوك في كرتونه... ويقولو للبت:-
معليش.... عندنا عجز في الصادرات
تكون راكب البص ماشي مدني... ناس التفتيش يطلعو...
-يلا ياشباب عندنا دكاتره مهربين.. اي زول يطلع بطاقتو الشخصيه
تكون بتاكل في نبقه... فجاه تحرقا العضه وتقول ليك:-
شوف ده... كان مامصدر معاي في كرتونه وحده!!!!
والتحيه للجمارك السودانيه
منقول
