من الأمس : آدمن قبل كم سنة ..
حاشاهو الادمن من الرقاد والسبته
قاعد فوق الركيزة التقول ابقرجة
اسد الكداد وقت الحارة مابعرف الرقده
مافاتو زول وقال من الزعل انشقا
بدور الناس تكون دوم في وئام ومحبة
واكان زعلت بجر فيك النم لمن ترضى
ما رديت ليك زمان لي سبب ماهي مسبة
بدور اجيب ليك المن اهلو وناسو ادسى
ناس شمال افريقيا جابهو جاري بي مسكول
وانتا بوستين واسكرتشين وحبتين بندول
لا نفعن ولا فادن ولافي زول قالك شن بتقول
العيب ما من المرسال العيب من المرسول
وكان على ودحسن الغشهو بي كلام معسول
قعدوا في القهوة وشربهوالبارد تانك محلول
وقالو لو شوف واسمع الكلام سمح يازول
اقعد معانا واركب الكامري وامسك المحمول
وانسى الناس ديل خلاص انتا منهم ما مسؤول
قالهم لا لا ديل ناسي وطلع الصارم المسلول
سفروق السواد صعب ما بجلي بالدموم مبلول
قالو لو انت يازول زعلتا دي ما كذبة ايلول
