عرض للطباعة
مريخنا عيد زادنا فرحه
بالهلال الليلة ضحى
مريخنا نحو القمة زاحف
بينو بين القمة شبحه
مضروب ضفر مسكين يهلوس
يا اخوانا ودوه المصحة
الموج يحنن انحساروا
حتى من شاطيوه زحا
الله يا المريخ معاكا
والجماهير الصوتا بحا
غنوا لسكواها غنو
عندو ليكم حاجة سمحة
اوعوا من مريخنا اوعوا
من تعدو لقاهو فسحه
يلا ترجموا لو قدرتوا
لما يلعب كوره فصحى
سودانا عيد مرتين
يا اخوانا عيد مريخ واضحى
ويبقن الاعياد تلاته
والكاس يجمل احلى لوحهِ
قهر الزعيم فى القلعة بدرى وصيفوا
تلاته اقوان حلال زادولوا تانى نزيفوا
سكواها البطل بالملى كان تهديفوا
نطحة ضفر لى راسنا عدلت كيفوا
اخدوها الصحاب اخوات تلاته بلابل
ليه يا ضفر قون فى الصميم بالعاجل
احلى شيه مظبوطه خل وتوابل
لو ما ربك لطف كان الغلب بجلاجل
اندك الوصيف بالدانه والبازوكا
صوقر يا كلس اعرض على الدلوكا
بى عرقك صدارة حاشا ما لزوكا
ما فاتوك رجال زى الوصيف خلوكا
التحكيم نضيف سيبو الجرس والدوشه
نحن ما الناس البتكرم الذمم بى قروشا
نحن القبانيت جوه العيون مدروشه
شن جاب لجاب تفرق كتيرياروبش
العيد دخل ونحن بالوصيف ضحينا
غير صمة خشم جوه الشبك قحينا
غافلكم غصب من نومكم صحينا
فى كرسى الصداره اتوهطنا ما زحينا
ابشر والله يا مولانا
نمات حلوة بلحيل
ساكواها بالغ ياخ ;)
لك يا مريخ فى العزلة ترويح بذكراك لنفسى
اسعد الاوقات عندى اذ اناجيك بهمس
واخال النجم فى العليا يستعذب انسىِ
يا المريخ سلام وصلنى سمح اخبارك
قالوا لى انفعلت واهنت صحابك
ياخى الدنيا عيد ... والعيد عليك يتبارك
واحد كان كفاية ... جايب تلاته خبارك