حـــــدّك قريـــــــــب
محاولات شعرية/ ياسر ود النعمة
مدني 2/5/2010م
حدّك قريب.. يا شفت لي غيرك حبيب
أوصافه أرهب من رهيب
يارضيت عذاباتك نصيب
غرّدت فيك كالعندليب
وظني فيك ما أظن يخيب
والله لو نار الهوى تخطي وتصيب
والدنيا تتزّين قناديلاً وطيب
بتحدي كل الأمكنة والأزمنة زّيك تجيب
وفضلت أشتل في الفرح من الصباح حتى المغيب
وحظي أصبح في هواك زي يا نصيب
شتلت ليك البرتكان وشتلت في قلبي العنب
وحياتنا أضحت كالذبيب
حدّك قريب
هيأت ليك كل الظروف الممكنة
مهّدت ليك أقصر طريق
فرشتو ليك باقات زهور
وسقيتو ليك من الرحيق
أوصلني فيك حد الشهيق
شوف يا عسل يا نرضى بي لغة العيون منهاجنا
وقلوبنا في حالة لهيب
يا شفت لي غيرك حبيب
يا كمان رضيت عذاباتك نصيب
تبت يداي أيقنت إن الحب مولّع في القلوب زي اللهيب
وأنا غيرك إنت ما أظن في الدنيا اختار لي حبيب
حدّك قريب
