بتاع الحركة !

بتاع الحركه
-----------------------
سيك ,, سيك معق فيك
بتاع الحركة يمين ما بخليك
لابس ابيض وقاشر شيك
واقف منفوخ ذي طائر البطريك
في الكبري راجيك
وفي الشارع حيلاقيك
وفي الصينية لابد ليك
و قطعا حيأذيك
وقت صفارتو تقول عيك
ينهرك ويملاك كواريك
ويشيل قروشك وللوصل ما بديك
مسكين غلبان وعشمان فيك
وقافل على اكرامياتك ورشاويك
عشان مرتبو هزيل و فري ويك
وعايز يعيش علي وعليك
ما تتجرجر معاهو ادفع ارحم ليك
عشان ما يطبق فيك الهاتريك
و يغرمك بالفيك و الما فيك
----------------------------------
الكنزي

الخرطوم بحري 2004

مداعبه ظريفة
وكشف وتعريه
لرجال الحركة
ويا ويلك كان ما دفعته

في كل الاحوال طبعاً إنت دافع !

زى ما قالوا فى الحالتين انا ضايع
بقى الواحد لو خش اى دائرة حكوميه
وقال السلام عليكم لازم يدفع