الضرائب والحق الغائب .. !

الضرائب والحق الغائب
=============
لا نقاش ولا جدال
المســــــــئول قال
في كل الظروف والاحوال
الحكومة لازم تجمع الاموال
ضرائب وعوائد قطاعي وإجمال
من ست الشاي والبقال
من الشحات والزبال
ومن الشغال والما شغال
وبرضو تقول لي بنصلح الحال
والله ده محال
والعشم الفي الخيال
كيفن نعيش ونربي العيال
قفة الملاح ما بتنطال
والتعليم ذي حمل الاثقال
أما العلاج مافي ليه مجال
غير دعواتنا بالصحة للاجيال
أصلنا بنعيش في زمن الاهوال
وحبل الصبر مهما اتمدد وطال
الحال البطال ياهو ده الحال
الضمير غربال
والاعلام طبال
أكاذيب وإستهبال
البترول للفقر ما أزال
وتغير العملة زاد الاشكال
المواطن ديمة مشغول البال
بعاني المرض والنكد والإهمال
وبرضو تقول لي بنصلح الحال
لو الحياة نضال
الموت سترة حال
واخير من البهدلة والاذلا
===============
الخرطوم (ابريل 2003

والعبد ساكت
وعايش فى ازلال
والحكومه كل ما تلقانا
ما بنسأل بتسوق فى الاستهبال
يا نبقى ناس حاره ودواس وقتال
يا نخنع وبرضو ننزل ونتهان