فاض الكيل !!

فاض الكيل
*****************************
يا عموم أهل السودان
يا أهل التقوى والايمان
معروف من غابر الازمان
زمن الحبوبات و الخلان
الناس عموم سودان
الناس عموم أخوان
ومتعاشرين بما شرع القرآن
ووصية الرسول في الجيران
لان القلب بالطيبة عمران
والضمير الصاحي باليقين مليان
نحن ما محتاجين للتقسيم والكيمان
والتصنيف والتمييز بين السكان
ده مسلم ومن زمرة الكيزان
وداك مرتد و ناقص الايمان
************************
حكامنا عكس التيار بتسبح
والمظالم فينا تمرح وتسرح
يا حكام ليلكم ما أظن إصبح
لان الجرح بنزف والورم بنتح
والله فاض الكيل علينا طفح
ما بنوم بالمغصة وبالغبينة نصبح
والكلب المسعور ليلو ونهارو ينبح
والعمر وقتين يزيد من حسابو يطرح
*************************
أرفعوا الطوارىء كفاية تحريش
كفايه مرمطة وتلطيش
ولعب بالدقون وتهميش
ده ممنوع وداك مافيش
وده ما بطولو بدون بقشيش
نحن داخرنك للعدو يا جيش
أرجع ثكناتك خلي أولادنا تعيش
*************************
مما قمنا عرفنا السوداني حر
في الدرب العديل مافي أخوه البر
حبل صبرو الطويل بي قفاه يجر
وسماحة روحو وقلبو الحنين بتسر
لكن وقتين يزعل وتنفض ونتر
يخلي عليها واطيها ويايمه كر

****8*******************
الكنزي
الخرطوم