عرض للطباعة
السلام عليكم ورحمة الله تعالي وبركاته
يا أخوانا بالمنتدى .. حالولوا بالله ركزوا لينا شوية على حكاية القبول بالجامعات أصلوا عندنا شهادة عربية (الإمارات) علمي 77% هل في امكانية للقبول الخاص في جامعة الجزيرة ( هندسة الكرونيات - هندسة مدنية - هندسة حاسوب ).
أفيدونا جزاكم الله خيرا
محمد
سنقوم بالاستفسار وافادتك ان شاء الله
بس سؤال مهم 77% دي بعد المعادلة من السودان ولا قبلها ؟
السلام عليكم ورحمة الله تعالي وبركاته
أولا مشكور على الاهتمام
77% قبل المعادلة
مع تحياتي
محمد
بعد المعادله حتنقص وامكن توصل كم وستين والله أعلم ..
هل مهم جامعة الجزيرة واي كلية لو ديل بقوا ما متاحات ؟
في كمان خيار هندسة معمار ودمدني الاهليه ..
أعتقد بعد المعادلة النسبة بتكون كالاتي:
77.7*89÷100=68.8%
بعد كده بتضاف نسبة (ما) للقبول الخاص
بافتراض أنها كانت 12% أعتقد حسبما حدث في العام السابق
بالتالي نسبة التنافس حتكون 68.8 + 12 = 80.8%
السؤال : بالنسبة جامعة الجزيرة بالكليات ( هندسة الكترونيات + مدنية + نظم معلومات ) في امكانية للمنافسة ؟
واللا نبقي ناس (أعد) راسنا عديل !!!!
تحياتي
محمد