عرض للطباعة
والله العظيم ياشباب أنا ماكنت بحب القعدة في الكمبيوتر ولا الدخول للإنترنت ، لكن بعد ماعرفت موقع مدني وإشتركت فيهو بقيت مدمن رسمي وشعبي، وبقيت بستني متين القي لي طريقة وافتح النت وأدخل المنتدي عشان الأقي فيهو :( ناس طيبين فراقهم كان مبكينا).
يعني بقيتوا لي أكتر من أخوان وبشتاق ليكم عديييييييييييل كده.
ربنا يخليكم ويديم المحبة بيناتنا...
أخي ود المبارك....
تعجز الكلمات عن الشكر والكتابة عن التعبير والواحد ماعارف يجازيك كيف؟؟؟؟ لأنه مهما عملنا ماحنقدر نوفيك حقك. ربنا يوفقك دنيا وآخرة.
ودمتم...
يسلموو خالد بس دا شيء للمتعلم النت جديد وانا والله العظيم اكتر من مدمن اسال عني الي بعرفوني
والله العظيم ادمان شديد وانا كمان مع اني مشترك في منتديات كتير بس منتدى ودمدني هو المنتدى الاقرب لي جدا
ولو ما دخلته في اليوم ما بقدر اقعد بقعد افكر فيه اربع وعشرين ساعه والله
والله يعنا ويعين الجميع
فاقد حنان
يا سلام يا اخ خالد و الله الواحد يحس انك اكثر من اخ و ياريت الايام تجمعا بيك و مع الكثيرين من اخوة المنتدى الرائعين و يا اخى ما كفاية غربة خلاص نتلم و لى رايك شنو ؟
اما ود المبارك فهذا كلام آخر ربنا يقدرنا على جزاه . و يجزيه عنا كل خير
تسلم خالد على شعورك احاسيسك المرهفة و انشاء ينتم ليك المراد ،،
فخورين بك دوما
الأخ / خالد هاشم
سلام كتييييييير
هذا شعور طيب منك وحبك لنا فى الله هذا من إيمانك بحب الله ورسوله ، ربنا يجعل هذا الحب لوجهه تعالى ويحبب فيك جميع المؤمنين ، وحب ناس مدنى لبعضهم البعض هذا تميز لأبناء هذه المدنية ، بارك الله فيك يا خالد وجعلك زخرا لمدنى وكتر من أمثالك .
ياجماعة الكلام في الوضوع دا صراحة وبكل صراحة افتكر كل حروف اللغة العربية مهما تراكبت مع بعضعا لم توفي بان اتحدث عن تلك الكوكبة الرائعة بجمالياتها الفنية والادبية والثقافية وكل ماتحملة من المعاني النبيلة من عرفناهم من اخوان واعمام نعم الاخوة نسال الله ان يديم كل جميل وان يجعنل عملنا لوجهه الكريم 00 كما ذكر اخونا خالد بقول مشتاق متين عشان اقابل ناس المنتدى بالله عليك شوقتك قدر شنو يعني شوال - كرتونة - رطل - كيلو لك التحية ولك البوتقة النيرة مما سطرنه من حديث لهم التحية 000
مشكووووووووووووور اخوي خالد بس هووووووووووووووووووووووووي بغض النظر على المساكين رحمة في نااااااااااااااااااااااااااااس تاني شتتتتتتتتتتتتتتتتتتات
مشكور اقين
مع تحياتي ابو احمد
والله ياخالد انا اول مااوصل المكتب بكون متشوق للمنتديات وقبل كل شىء تلقانى فتحت موقع مدنى واتصفح المنتديات ابتداءاً بمنتدى ودمدنيات باعتباره البيت الكبير وبعدو بمشى على المنتدى العام واشوف ردود ضيف الكرسى الساخن وبعدها بمشى على المنتدى الثقافى ، وخط السير ده ما اتغير حتى بعد تعيينى مشرفاً على المنتدى الثقافى ، على فكرة اعجبت جداً بى ردودك للأخت صقريه وبديت أردد بينى وبين نفسى والله خالد ده راجل رجاله تذكرك مدنى واياما الخوالى ، عموماً المنتدى بقى لينا الفة ودار وربنا يحفظوا من العين ، وما ننسى نزجى التحية لكل أعضاء المنتدى من حارج مدنى لأنهم سر الروعه وبيهم ازدان المنتدى فشكراً لأبو أحمد وعشوشه وطه ووهيب وكل الناس الحلوين وبيتنا نور وكلو زينه.
أخوي خالد .. أحبك الله لما أحببتنا له .. وربنا يديم الود بين الجميع
اقتباس:
كاتب الرسالة الأصلية ياسر فقيري
أخوي خالد .. أحبك الله لما أحببتنا له .. وربنا يديم الود بين الجميع
أخي فاقد....
تسلم ياحبيب علي المرور....
لكن تعرف يافاقد أنا متعلم النت من زمان جداً بس ماكنت شايف إنه يستاهل أقعد فيهو بالساعات، وقعدتي حالياً ما لأني بحب النت وبستمتع بيهو ، لأني بقابل احبتي وأخوتي الكرام بالمنتدي ، وصدقني حتي لو كان اللقاء باي طريقة اخري برضو حاأكون مدمن علي تلك الطريقة لأنه حب وإدمان لأشخاصكم وليس للنت....
ودمت لي ...
الزمن المريح....
والله نفسي ألاقي كل ناس المنتدي فردا فرد وأسلم عليهم بالاحضان، وياريت غربتنا تقصر ونرجع نتلم مع الاحبة. ونسعد بلقياكم....
ربنا يديم المحبة ومايفرقنا من بعض....
الاخ ودهاشم
لك الف تحيه والله لوالموضوع علي المنتدي النت مليان منتديات لكن هنا في روعه ؛روعه مدني روعه اولادها الحلوين
والله من اشتركت في المنتدي بطلت افتح والاشتراك في منتديات اخري نفسي بتنقبض اتو الحب كلو احبائي
اقتباس:
كاتب الرسالة الأصلية الزمن المريح
يا سلام يا اخ خالد و الله الواحد يحس انك اكثر من اخ و ياريت الايام تجمعا بيك و مع الكثيرين من اخوة المنتدى الرائعين و يا اخى ما كفاية غربة خلاص نتلم و لى رايك شنو ؟
اما ود المبارك فهذا كلام آخر ربنا يقدرنا على جزاه . و يجزيه عنا كل خير
تسلم خالد على شعورك احاسيسك المرهفة و انشاء ينتم ليك المراد ،،
فخورين بك دوما
أخي ياسر....
تسلم عزيزي علي مرورك الكريم....
وزي ماقال الخالدي :
إتعلمنا من ريدها ( مدني ) نحب الدنيا ونريدها.
ونمرح في قلوب الناس نشيل لي كل زول ريده.
أدامكم ذخرا لي ولمدني ولكل من عرفكم....
الغالي أبو مرام...
مشكووور علي المرور وزي ماقلت :
كل الحروف الفي الخيال بي لهفة جادوا وماغلوا
حتي القمر حولوا النجوم إتلفوا فيك يتغزلوا
قالوا الجمال يا ( موقعنا ) بيك كانت نهايته وأولو
ونحنا في هواك ياغالي لا بنطيق بعاد لا بنحملوا
أصلوا المحبين الحنان لا بنسوا لا بتحولوا.
أما عن أشواقي فهي ما بالكيلو ولا بالشوال ولا بالكراتين، أشواقي مطر عدييييييييك كده.
ودمت...
الغالي أبو أحمد...
مشكووووور مليون مرة.
عصام محمد نور في سهرة بالتلفزيون قال إنو مدني هي المدينة الوحيدة اللي مابتسأل فيها جارك إنت جنسك شنو ؟؟؟ والناس فيها بنصهروا في الكيان اللي جمعهم ويتعايشوا ويصبحوا أكثر من أسرة .
وهكذا نحن في المنتدي يعني من مدني من بورتسودان من اي مكان تاني فنحن ساكنيين في بيت وااااحد وهو هذا المنتدي الرائع الذي جمعنا.
وبالمناسبة عندي اخوي تم نقله إلي بورتسودان ( مدير الشرطة الأمنية) يعني فتحنا فرع لأسرة هاشم علي بمدينتكم العامرة بكم.
يحب الذي أحببتنا من أجله آمين
اخي بكري حامد...
سلام كتيييييييييير...
أول حاجة دعني اسجل غعجابي بكل ماتكتب في المنتدي فأنت كسب حقيقي للمنتديات واستمتع جدا بمتابعة مواضيعك. وقد إتصلت بالآدمن تلفونياً وإستفسرت عنك وعرفت منه أنك متواجد بالبحرين، ربنا يجمعنا في أرض المحنة.
وزي ماقلت أول حاجة بعملها من ما أوصل المكتب هي إني أفتح الموقع وأدخل علي المنتديات وياسبحان الله بنفس الترتيب الذي ذكرته.
ومشكووور علي تعليقك بخصوص موضوع صقراية ودي حاجة عادية وأنا متأكد إنو كل واحد مننا في المنتدي تفاعل مع مشكلة أختنا صقراية، وفوضنا بتنا عشوشة لمتابعة الموضوع وإفادتنا بالمستجدات ، إلا أنني لا زلت قلق بخصوص هذا الموضوع وربنا يعمل الفيهو الخير...
وتسلم مرة تانية ...
احبتي ود فقيري ، أبو شوارب ، أبو روان ، طه، امير
مشكوريييين كتير علي المرور.
وربنا يديم المحبة ويجمعنا بيكم في القريب العاجل بإذن الله.
ودمتم لمن يحبكم.....
tslaaaaaaaaam wallahy
(حببهم في الخير وحبب الخير إليهم أولئك الأمنون من عذاب يوم القيامة ) ، جعلك الله وأخوانا جميعاً في المنتديات من الذين يحببهم في الخير ويحبب الخير إليهم وذلك بهذه الخوة الصادقة الهادفة المفيدة التي ننهل منها قدر ما نستطيع ولكننا لا نرتوي فنعود الكرة مرة ومرات ومرات عديدة وأيضاً لا نرتوي فنظل نعود الكرة تلو الأخرى ونحن نستمتع بهذا الظمأ الأخوي الذي نتمنى ألا نرتوي به أبداً ما دمت أنت فيه أخي الخالد خالد ،، ولك كل الشكر على هذا الشعور والأحاسيس النبيلة الصادقة الوفية المخلصة التي تجذبنا إلى أعلى عكس النظرية لتبقي منتديات ودمدني لكل قاعدة شواذ فترتفع بنا للعلا وهي تجذبنا ,,
الاخ الحبيب الغالي خالد،
يا فرده يا عجيب،
والله أنا برضو واحد من الناس سعيد جدا بمعرفتي بيك وباقي الاخوان في هذا المنتدى الرائع ..
ونبادلك نفس الشعور.. وكلنا بنحبك ونقدرك كأخ عزيز علينا ..
وتجدني دائما أبحث في هذا المنتدى كل مره عن كل شيء تكتبه.. لأني بشعر بأن كلماتك دائما من القلب والى القلب ..
وتدل على حسن ذوقك و مستوى ثقافتك وتفكيرك الرفيع.. وعلى أصالتك وشهامتك وعمق حبك للجميع ..
والظاهر كلنا اصبحنا مدمنين على المنتدى.. غايتو أنا بقيت كلما أجد فرصة اجري
افتح المنتدى في البيت أو في العمل .. وبطلت كل حاجة بس عايز اتونس مع اخواني ..
والله اصبحت زي الكأني في مدني .. وكل يوم اتعرف على معلومة جديدة ..
وربنا يديم الالفة والمحبة بين الجميع ..
وكله علشان مدني ..
مع فائق حبي وودي للجميع،
عزيز
الغالي جداً رشيد....
يحسبون ايامهم بشروق الشمس وغروبها ، أما أنا فبرؤيتكم تشرق شمس ايامي ، وبغيابكم يأفل قمري ، ويطول ليلي وتصير كل الصباحات ليالي ممتدة تجرر خيوطها في ملل في إنتظار الإشراق. ومشكور كتير علي الكلمات الرقيقة..
عزيز.
يا أعزيز عزيز في دنياي أنا طامع أبقي عزيز دنياك....
عندما يتوارث الناس روائع الأشياء أباً عن جد تكون الخصال بمعاني الأصالة وألق التهذيب الشفيف ، هكذا عرفتكم وهكذا أحببتكم حتي الإرتواء وتبوأتم في دواخلي أماكن لا يدخلها إلا الملوك.
لك الود أيها الملك الرقيق العزيز.
ودمتم...
اخى خالد لك تحية والف سلام
واللة العظيم اليوم الما بجى فية وادخل موقعنا دة زى االناقصانى حاجة
وانا كمان مش مدمن وبس انا بنهار لو ماجيت وشفتكم