يعني زي ما قالو مجانين ليلى كتار لاكين شقي الحال هو البيقع في القيد..
طبعاً سامعين بمكيدة ليلي العامرية الكان دبرتها لتكشف مدى نوايا قيسها و تصقل معدن حبه الحقيقي على نار خدرا.
فقالو أدت ليك خادمتها صحن طلس و سكين سنينة و قالت ليها تمشي تقيفي فوق خشم الدرب الداخل ا لحلة بي ورا ؛
و كلمايجيك راجلتظهر عليه بوادر الجن و الندراوة و يمكن يكون مشورع لمجنون ليلى ، تقومي طوالي تسعليه السعال دا:
أسمع آ لخو أنت دحين ماك قيس بن الملوح و لا يخلق من الشبه اربعين!؟ فلو قام أتشالق وجاوبكبإنو: ياني فعلاً أنا زاتي.
تقومي تقولي ليه : سمح أسمعني، أنا ستي ليلى مرسلاني ليك أتلقاك و بقريك منها السلام ، وكمان بتطلب منك بالمرة
إنك تجدع لي أنفك بالسكين دي ترميها ليفي القدح دا عشان أوديها ليها ، يعني زي ما تقول عربون غرام وكدا!أها شن قولك
. فأول واحد جا ماش عليها كان أشعث أغبر و لابسليك مرقع وحالتو بالبلا قامت الخادمة نادتو ليك و نقلت ليه نفس الرسالة.
فزولك منشم رايحةالمؤامرة تفوح من بين شفتيها و لقى الحكاية فيها كطع نخرة و سيلان دمي قام يتنحنح و يتلفتجاي جاي
و قال للخادمة: اسمعي آآلخت هوي و الله أنا مجنون ليلى و أي حاجة و جاهزين لأي حاجة و حب ستيليلى علىالعين و الراس
علا بس أم كطيع النخرين دا براه ما فينا فغايتو ممكن تعتبرينيما ياني ، جابني الدرب ضهبان! و مسك دربو عديييك شتت!!
