عزيز عيسي ذلك الحنكوش الرائع

أحبتي في المنتدي....
سلام شديد
إسمحوا لي أحبتي أن أستميحكم عذراً لأسجل إعجابي الشديد بذلك العضو ( الجديد/ القديم ) الذي أطل علينا من بلاد العم سام ليعطر فضاءات منتدياتنا بكل ماهو جميل.
أتابع كل مواضيعه بدون إستثناء وأعجب بكل مشاركاته وتعليقاته وكتاباته الموضوعية وأسلوب سرده للذكريات . بصراحة كده إعجاب بدون تحفظ ولا تحده حدود.
فلم تشغله أمريكا وزخمها وإيقاع الحياة السريع بها فتجده كل يوم يطل عليك بالجديد المثير
طلب خاص...
عزيزي أبو روان :
خت لينا عزيز عيسي ده في الكرسي الساخن عشان نفلفله مرة واحدة.
طبعا عزيز ماحيكون فهم ( نفلفله) دي . لكن غايتو نعمل شنو الله يلزمنا الصبر عليهو ، مجبورين نثقفه ونخليهو يواكب لأنه بقي واحد مننا ومحسوب علينا ونخاف ينزل السودان مايقدر يتواكب مع التفاتيح ويفضحنا .


ونلتقي .....

الغالي خالد حبي وتحياتي لشخصك الغالي وانا كمان معاك في الراي انو ماشاء الله عزيز مكسب كبير للمنتدى وماشاء الله عليه دائماً مبدع ومتألق ( ما نقوم نشكرو بتشديد الشين كمان يطير يقول سحرتوني ) :D :D


وبقول ليك يا عزيز من هسه بل رااااااااسك سااااااااي وامشي جازف ليك كم موس عشان الصلعة وكده



:D :D

والله معاكم حق عزيز مكسب حقيقي للمنتديات .. فمواضيعه هادفه وجميلة وفيه بساطة شديدة ... بالنسبة للكرسي الساخن اظنه سيكون عليه بردا وسلاماً لما يمتاز به من دبلوماسية في الرد وباين ده في ردوده ذات النكهة والمذاق الخاص اضافة للطعم المميز لكل مشاركاته ... نتمنى له التوفيق دوما انشاء الله ...


http://www.3e6r.net/data/media/4/olhomeninosurf1.gif

احبتي اخواني الغالين الكرام خالد ، ابوروان وحمدتو،

أشكركم كثيرا على كلمات الثناء والاطراء و(التشكرات) الحلوة الشفافة في شخصي الضعيف المتواضع.. وأنا سعيد جدا بأني أتعرف على اخوان اعزاء مثلكم وكذلك على الاخوان أبوالمهتدي، بابكر، أبوبكر حامد، ابراهيم والاخت عشوشه وباقي الشلة الاوفياء في هذا المنتدى الرائع.. وعلى كل ما وجدته من ترحيب.. ورحابة صدر..

والله أنا من الاول لما شفت أنه اختي عشوشه طلبوها تجلس على الكرسي الساخن.. أنا ذاتي راسي على طول سخن..وكمان جاني احساس كبير جدا وتوقعت انه يقوم واحد من الاخوان وبالتحديد (خالد، أبوالمهتدي، بابكر، أبوبكر) ويطلب وضعي على الكرسي الساخن.. (الله يجازيك بالخير يا خالد.. لكن ما مقلبتني يا فرده) .. انتو خلصوا فلفلة عشوشة اولا وبعدين تعالوا فلفلوني.. أنا عارف انتو مش حتفلفلوني وبس.. ده انتو حتفتفتوني حته حته..

اخوي الغالي ابوروان.. على فكره.. أنا كلمت الولية انها تجهز لي (كركار أو ودك) علشان ابل بيه راسي.. الولية قالت لي أنا ما بعرف حاجة اسمها كركار ولا ودك.. قلت ليها انت الظاهر عليك حنكوشة.. طيب شوفي لي (قرض) اتبخر بيه علشان اكون جاهز للكرسي الساخن بتاعكم ده.. طبعا خربتها زياده..

وحكاية الامواس دي بخليها ليكم انتو تجازفوا بيها لانه أنا ما عندي صلعة.. ده أنا لسه شباب..

على العموم انا مستعد.. وكمان شايل شيلتي.. ومنتظركم.

انشاء الله يكون الكرسي بردا وسلاما علي.. بس عايزكم كلكم ما تنسوني من دعواتكم لي بأنه ربنا يقدرني ويوفقني في الاجابة على أسئلتكم.. والله المستعان.

مع فائق حبي وتقديري لكم،

عزيز

عزيز فعلا مكسب للمنتدى وذي ماقال ابو روان خايفين نطفشك بكترةالكلام كدي نخليك تجينا وبعدين نعرف نتكلم معاك وما تنسى انا حاتبرع ليك بالودك والطاقية وربنا يعينك ويجعل ليك الكرسي موسم شتاء في حواشة طبعا دي ماحتفهما انت عارف المزارعين في الشتاء والحواشة دايرةموية وضعك حايكون كيف
تسلم 00