سر غرامك

ما تخافي من فؤادي اصلو مغرم بي هواكي

وما اظنو يوم حيقدر ينسحب الا في بوفاتي

انتي ما عرفه انو منتظر لحظة لقاكي

كيف حيقدر يحتمل يلمح خطاكي

وانتي جايه من بعيد يحسب الخطوات معاكي

هل يضمك او يلمك ولا خوفو يكون خرافي

اصلو في حضرت وصالك احتمال وصلك مماتي

لو تعرفي شوقي طامح كيف تكون لحظات لقاكي

قربي منك اغلى غايه لو دفعت كل حياتي

سر غرامك بكى روحي من بعادك ياغرامي

والاماني العذبه فيني تزدهر لحظة اراكي

قولي كلمه ورضي قلبي واقبلي حبي وحياتي

وانو حكمل حياتي لو اراد الله معاكي

وبرضو لو كنتي لسوايا اي زول حيكون مكاني

قلبي حافظ حبو ليكي يا ربيع عمري وحياتي

حبي ليكي كان نجاتي من هموم الكون وذاتي