متخبية والناس شايفنك
باباى ونخيل
متخفية والناس عارفنك
قرآن وإنجيل
وشقانا معاكى .. هو إنـّك
طاويك الليل
لكن واردنك .. وراويانا
لا عيون تحزن .. لا دموع بتسيل
*********
يوم بكرة جميل
ضوّاى .. ووسيم
يوم بكرة جميل
باكر .. دافـِر
يوم بكرة جميل
أبداً لا أتغرّب .. لا مسافر
باكر ضوّاى
وجميلتو الليل الما سوّاى
كان حاول يطمس أقمارو
يوم بكرة جميل
أبيض ريحو
من فالو النيل يطمح طوفان
وتخاف من موجو تماسيحو
باكر ضوّاى
كلمات وأناشيد .. وقيامة
باكر ضوّاى
وغناهو الحادى .. الهدّاى
يوم بكرة جميل
