عرض للطباعة
والله العظيم هذا ليس استهزاء بالشعار الجميل الموجود عند مدخل المدينة ولكن نحن الذين دعتنا ظروف العيش بالعمل خارجها نقول ذاك الشعار الجديد لاننا فى اخر نحمل الغالى و النفيس الى اهالينا فنتحصل على الاموال بعد كد وتعب وعناء اسبوع بحاله و لكن بمجر دخولنا اليها يهم الشخص فينا فى الرجوع الى مكان عمله لان الاهل يكونوا قد قضوا على كل ما فى الجيب من امال لذلك بمجرد العبور ببوابة المدينة يكشر الواحد فى وجه هذا الشعار المرفوع اليس معى حق يا اصدقائى
اول شئ يا السلامي الفي الصورة ديل صوماليين ما سودانيين ما تخلعنا ساكت
ثاني شئ كلامك صاح في انو الواحد بيصرف الكثير من المال عند زيارته السودان .. لكن هذا لايؤثر على ابتسامتنا ابدا ونحن ندخل الى ودمدني .. فما نجمعه من مال في الغربة ما جمعناه الا لكي نصرفه في ودمدني .. وفي النهاية يبقى الحنين الذي ياخذنا الا مدني ويكسونا بالفرح لاعلاقة له بالمال.
ورغم ده يا السلامي برضك تستنى نهاية الأسبوع بفارغ الصبر عشان تمشي لمدني تاني (الملصت جيوبك)، اتحداك تزعل وما تمشي اسبوعين تلاته، ما حتقدر، مش كده
وبعدين الحمد لله انك بتنفض جيوبك في أهلك، اهل مدني الطيبين، مش زي ناس واحدين، يصرفو قروشهم في حاجات تمرضهم وتمرض المجتمع،
يعني في النهاية ما خساره فيهم، وربنا يخلف عليك ، ويعوضك، ويرزقك من نعيمو
انت بتصرف قروشك في اهلك فده ما بتسمى خسارة نهائيا بل ربح بالنسبة ليك يعني تتعب وتشقى عشان تعمل قروش وتصرف القروش دي في ناسك وفي اهلك انت كده ربحان 100% ويديك الف عافية وتجيب ليهم كمان وكمان تحياتي عزيزي
والله رد admin زعلنى شديد لانى استخدمة اسلوب التعبير المجازى فى موضوعى بالصورة و التى اعنى بها فقط التعبير عن المعاناة قام صاحبنا ضربنى بالتقيل وحيييييي انا منك
كـــــــــــــــــــــــــــــــــــــــــــشر
تعرف يا السلامي .......
أنا بقيت كلما أجي داخل البيت بخش بطريق جديد.
مرات أخش بالليل وأدس القروش ولما الجماعة الصباح يسألوني من القروش أعمل فيها أعمي وأطرش.
ومرات فبل ما أدخل البيت أسلم القروش لي زول وأمش ليهو بعد كم يوم.
حقك علي يالسلامي والله ما قصدتا حاجة
ليس معك حق يا صديقي السلامي ....
فمدني هي الابتسامه والابتسامه هي مدني ........
والقروش رايحه رايحه وقمة المتعه ان تروح القروش في اهلك واخوانك ..
فابتسم يا السلامي ....
الأخ/ السلامى
لك تحياتى وأشواقى ،،، وياأخوى دى نصيحة أقولها لك :
( خيركم خيرا لأهله )
( ويمضى أخوك ولا تلقى له خلفا والمال بعد ذهاب المال مكتسب )
( ولن تنالوا البر حتى تنفقوا مما تحبون )
وهذه مدنى أدخلوها بسلم آمنين
وعووضة موطنى وأهلى وإن ضنوا على كرام ،،،،
مع فائق تحياتى ،،،،
أخوك / أنور محمد عبد رب الرسول / عووضة / شركة مصفاة الخرطوم
والله ياالسلامي اجمل شي وامتعها ان ادخل مدني مبتسم
وان اصرف مالي وحياتي علي اهلي لانهم هم انفقو عليك الغالي والنفيس في سبيل تربيتنا وتعليمنا ورغم ذلك ابتسم
لك تحياتي
الأخ سلامى ...............
أرجو أن تكون مداخلتى هذى مختلفةً بعض الشىء عن مداخلات بقية الإخوان ،
لا من قبيل خالف تذكر بل سعياً لقراءة مابين السطور .
بدايةً أقدر لك هذه الصراحة والتطرق للتفاصيل بمنتهى الصدق دونما نزوع
للتجمل مما يعنى لى أنك شخص متوازن نفسياً .
أما عن الموضوع المثار فقد فهمت أن الأموال التى تحملها معك لمدنى تقصر
عن تحقيق الآمال المبنية عليها وهى فى تقديرى تهدف لمساعدة بعض
المحتاجين من أفراد الأسرة الممتدة - أعمام وأخوال والأصول والفروع ، وهذا
بحد ذاته يؤكد سلامة قصدك من جهة ، كما يشتمل على إشارة خفية للمشكلات
الإقتصادية التى تعانى منها المدينة من تفشى للبطالة وعدم وجود فرص للتكسب
مما يعنى إثقال كاهل شخص واحد من أفراد الأسرة بكل المنصرفات مع وجود
أشخاص قادرين على العمل غير أنه لم تتوافر لهم فرص عمل ليسهموا فى تحمل
مسئوليات أهليهم .
أرجو أن أكون قد أدركت المعنى الخفى فى رسالة الأخ سلامى ، فقط أسمح
لى بالإختلاف معك بشأن الإبتسام عند الوصول لمدنى ، وحبذا لو تطالع مداخلتى
فى موضوع " إبتسم فأنت فى مدنى " .
مع مودتى
ود الماذون