لماذا الفتايات تختار الشاب الوسيم ؟؟؟!!! ( موضوع للتقاش)

السلام عليكم ورحمة الله وبركاته

قد يكون ما اطرحه جرىء بعض الشىء ولكنه اصبح من احد الظواهر المتفشيه في هذا المجتمع ...


من الطبيعي أن يحرص الشاب أن تكون الفتاة التي يتقدم لخطبتها على قدر كبير من الجمال

ولكن ...... الغريب خصوصاً في السنوات الأخيرة حرص الفتاة أن يكون خطيبها يملك من

الوسامة الشيئ الكثير... بغض النظر عن رجولته وشهامته لدرجة أن بعض الفتيات يخترن شاباً

وسيماً لايملك من مقومات...الرجولة شيئ ويفضلنه ......

وبالنهايه السؤال هو...

لماذا اصبح تفكير بناتنا عقيم؟؟؟؟؟

لماذا اصبح لا يهمهم الا المظاهر؟؟؟؟

الي اعرفه أن الجمال للمرأة فقط ولكن يبدو أن الرجل بات ينافس المرأة في هذا المجال ليواكب

متطلبات العصر !!!

مارأي الأخوة والأخوات ؟؟؟

يمكن لان البنت صارت تختار شريك حياتها على اساس كيف شكله وبيملك شنو وعندو عربية ولالا؟

ومنصبة شنو؟.. وتغاضت عن النواحي الثانية المهمه مثل الدين والخلق والصلاح والعقل .

الموضوع مطروح للنقاش

الأخ مزوني .. تحياتي ..
أولاً .. ليس دفاعاً عن الأخوات ولكن لإحقاق الحق .. من وجهة نظري ..
هناك الكثير من بناتنا مازلن يحملن رفيع الأخلاق والقيم التي جبل عليها المجتمع السوداني .. ولازلن يقومن باختيار الرجل المناسب لهن ولأبناءهن في المستقبل ..

ثانياً .. إن من حق الفتاة أن تختار الرجل الوسيم مثلنا تماماً فإن الله جميل يحب الجمال .. كما أن جمال الرجل يجذب المرأة منذ بدء الخليقة وما قصة سيدنا يوسف عليه السلام ببعيدة عن أذهاننا إذ يقول المولى عز وجل في محكم تنزيله .. ( فَلَمَّا سَمِعَتْ بِمَكْرِهِنَّ أَرْسَلَتْ إِلَيْهِنَّ وَأَعْتَدَتْ لَهُنَّ مُتَّكَأً وَآتَتْ كُلَّ وَاحِدَةٍ مِنْهُنَّ سِكِّيناً وَقَالَتِ اخْرُجْ عَلَيْهِنَّ فَلَمَّا رَأَيْنَهُ أَكْبَرْنَهُ وَقَطَّعْنَ أَيْدِيَهُنَّ وَقُلْنَ حَاشَ لِلَّهِ مَا هَذَا بَشَراً إِنْ هَذَا إِلَّا مَلَكٌ كَرِيمٌ) (يوسف:31) .. وتدل هذه الآية على أن المرأة يعجبها الرجل الجميل وهذا الشيء مزروع في النفس البشرية والمرأة جزء لا يتجزأ منها ..
ثالثاً .. قد تكون بعض الثوابت قد تغيرت عند الكثير من الناس واختلت الموازين بفعل التدهور الاقتصادي الذي أثر بصورة كبيرة على المجتمع ككل .. فاختفت الطبقة الوسطى أو كادت مما أوجد نوعاً من الفروقات الاجتماعية الكبيرة .. وكل إنسان ذكر كان أم أنثى تراوده أحلام الغنى والمال إذ يقول المولى عز وجل : (الْمَالُ وَالْبَنُونَ زِينَةُ الْحَيَاةِ الدُّنْيَا وَالْبَاقِيَاتُ الصَّالِحَاتُ خَيْرٌ عِنْدَ رَبِّكَ ثَوَاباً وَخَيْرٌ أَمَلاً) (الكهف:46) .. والكثير من الناس لا يلتفت إلى الباقيات الصالحات ؟؟؟؟؟؟ .. وفي هذا الجزء أردت أن أقول علينا ألا نلوم الفتيات فقط ولكن علينا أولاً البحث عن السبب .. هل هو يا ترى التدهور الاقتصادي - وما أتبعه من انشغال الآباء والأمهات عن متابعة تربية الأبناء بطريقة صحيحة - في سبيل البحث عن تأمين الحياة المناسبة لهم أو لنكن أكثر دقة لتوفير لقمة العيش للأبناء. والمتغيرات الراهنة تجعل الإنسان يوجس خيفة مما سيأتي خاصة وأن الأمة الإسلامية تستهدف في أخلاقها ونحن جزء لا يتجزأ من هذه الأمة لذا نجد كل يوم قناة فضائية جديدة تبث لنا العري والخلاعة .. والدعوة إلى الرذيلة بصورة مباشرة أو غير مباشرة ..
وخلاصة القول أنا لا أساند الخطأ الذي تقع فيه بعض فتياتنا ولكن أردت فقط أن أوضح بعض الحقوق وبعض المخاطر التي تحيط بأخلاقنا وقيمنا وتستهدفها من كل صوب .. وفي الختام .. هذه الكلمات مجرد وجهة نظر فإن أصبت فيها فالحمد لله .. وإن أخطأت فأسأل الله المغفرة فهي من عندي .. وأخيراً أسأل الله أن يهدينا ويهدي فتياتنا وأخواتنا إلى سواء السبيل وأن يصرف عنا كيد الأعداء...

والله منطقتني يا ابة عمار
مشاركه حلوة منك وربنا يديك الصحة والعافية

مزوني اشكرك
وياسر اشكرك ولكن في شي فات عليكم وانا اضم صوتي لمزوني بناتنا ما شغالات فقط بكلام ياسر فقيري ولكن بشذووووووووووووذ
يعني لازم يكون كدى وكدى وكدى وكدى شروط يا خوانا اي نعم ان الله جميلا يحب الجمال واي نعم نحن الرجال ما نريد إلا الجميله ولكن عمرنا ما اتشرطنا لاننا فاهمين انو ما كل الرجال يبحثو عن الوسامه فقط بل انا شخصيا ابحث عن صاحبه القلب الكبير قبل كل شي البنات يا خوانا صراحه مع احترامي لي جميع اخواتنا دايرين زي ناس راغب علامه ووائل كافوري ههههههههههههههههههه
بناتنا بشيلوها شديده وبشرووووووووووووط خرافيه
لمن تجيب حزن خرافي انا صراحه اضم صوتي لمزوني وياسر اشكرك ولكن يا ياسر البنات بقو بيطلعو من حقوقهم ويتشرطووووووووووووووووو وده معنى الغلط


اخوكم العابر الوفي

عزيزي امير المنتدي مزوني اشكرك جزيل الشكر علي الطرح المفيد وفعلا

اصبح اختيار الزوج الوسيم في حياة الفتاة ضروري لاكنننننننننننننن نسيت

الدين +الخلق +الرجوله +معرفة الحقوق الزوجيه


هذه الاشيا ء اهم من الوسامه وممكن تكون الوسامه اخر شرط من شروط

الفتاة . اتمني من كل فتاة او كل انسانه سودانيه تفكر بالزواج اولا


تنظر الي دين الرجل واخلاقه واهم صفاته الحميده اما الوسامه


لاتثمن ولا تغني من جوووووووع وسوف يمر عليها الزمن ويغير شكلها



واشكر مزوني علي طرحك الجيد والي الامااااااااااااااااااااام

اخى العزيز اسألك سؤال ارجو الاجابه علية انت مثلاً حتتزوج بنت شينه فى شكلها بالرقم من انها ست بيت ممتازه وتجيد عمل اى شى ده ما معناه انو انا بايد كلام البنات فى الشكل الخارجى للزوج ولكن شوية حلاوه مطلوبه ان الله جميل يحب الجمال يعنى ما يكون شين شديد بالرقم من ان الجمال المطلوب جمال الروح وليس جمال الشكل لكن زى ما قلت ليك شويه كده ((حاجه من بيت الكلاوى))

الاخ ياسر فقيرى احيييييييييييييييييييييييييييييييييييييييييييييييي يييييك على كلامك العسل ده والله انا لما جاوبت ما قريت كلامك استفزانى كلام مزونى شديد خلانى ما الاحظ اراء الناس بالرقم من انك ولد ولكن قلت الحق زى ماانتو بتحبوا الجمال نحن برضوا بنحبوا مرات جمال الخلق بيخفى جمال الشكل ولكن ده نادر جداً .

الأخت نهلة تحياتي وشكراً على كلامك الرقيق .. وعوداً حميداً

الاخ مزونى اشكرك على طرح هذا الموضوع الهام
ولكن ماكل الفتيات يردن الرجل الوسيم
دائما الفتاة تريد فارس الاحلام مقبول الشكل
واين الان الزواج يااخى فى عزوف كبير جدا
عن الزواج من الجانبين نتمنى ان تزول اسبابه
والرجل الى ان يتزوج يكون قد مر على اكثر من فتاة
يلعب بعواطف الفتيات ويواعد هذى
ويرتحل قلبه عن هذه
الى اخرى

انــا ما دايرة شب ، سمح ووجية ( كاربة )ء

يامازن شوف المنطق ده هنا كيف واديني رايك

والله يا خالد شاذ عديييييييييييييييل كدا .. والله يا مزوني الموضوع طلع أوت .. خصوصاً شبه الضب أكل السوق على الشاب الوسيم

سلام أخي مزوني وشكرا لك علي الموضوع:
سؤال محيرني من زمان من ما انا كنتا في الروضة بتذكر يوم جيت ببكي لي ناس البيت وحاسة بي حقارة شديدة والسبب انو المعلمة قالت البنات اقعدو ورة والاولاد قدام!!!!!!سبحان الله.من الازل والحاجة الدايما بلاحظ ليها انو لمن اكون في شكر يشكر الرجل وعند الذم تذم المرأة لماذا والي متي؟؟؟؟؟ لا أدري ! بالنسبة للموضوع دة وعن تجربة شخصية من ناس قريبين لي الي هم صحباتي بنات علي قدر كبير من الجمال بالاضافة الي الاخلاق والدين والعلم جميعهم يدرسون هندسة او طب عند اختيارهم الي (خطابهن)بالج اي واحدة فيهم مستوي الوسامة عندها مايسوي شي يعني مافي حسابتا معليش انا خايفة اعبر غلط بس المهم شكلهم كان اكتر من عادي بس علي خلق ودين عالي جدا وكان دة الاختيار الصاح ودة مثل انا عايشته عدد من المرات والحمدلله ناجحين جدا لانهم عملو الصاح .ومثل تاني عندي واح قريبي مغترب رسل لي اهلو قال ليهم عايز واحدة بيضا وسمحة شديد وفعلا خطبوليهو وعرس وحسي منفصل .تاني قال عايز واحدة بنفس المواصفات وفعلا عرس وحسي منفصل وهو رجل!!!!!!!!!!!!!!لماذا لانو معظم الرجال وليس جميعهم هدفهم الاول والاخير الجمال ثم تاتي في النهاية العيلة وبعداك الدين والخلق ودة المجتمع السوداني اي واح اجي يعرس بفتش للجمال اول شي ودة من اهم الاسباب للطلاق الذي اصبح ظاهرة تهدد مجتمعنا السوداني انا مابقول الجمال مامهم هو مهم ولكن ليس الاهم انما ياتي اخيرا فجمال الروح ولاخلاق هو الجوهر الحقيقي للانسان وليس مظهره الخارجي .فما اود ان اقوله ان الرجال هم الذين يقعون في مثل هذا الخطأ بنسبة كبيرة جدا واذا قارنااهم مع الفتيات لنا الرجال حصة الاسد ولكن عموما الخواء الفكري تسرب الي مجتمعنا بصورة ملحوظة وكبيرة واصبح الجميع يهتمون بالمظاهر والمباهر ابتداء من الاباء والامهات الي الابناء فاصبحت الماديات هي السن الذي يتكئون عليه ولايعلمون انهازائلةلامحالة
ولكم جزيل الشكر ولنحاول محاربة هذه الظواهر ابتداء من اقرب المقربين لدينا وان نكون عادلين في احكامنا لافرق بين امرأة أو رجل

سلام أخي مزوني وشكرا لك علي الموضوع:
سؤال محيرني من زمان من ما انا كنتا في الروضة بتذكر يوم جيت ببكي لي ناس البيت وحاسة بي حقارة شديدة والسبب انو المعلمة قالت البنات اقعدو ورة والاولاد قدام!!!!!!سبحان الله.من الازل والحاجة الدايما بلاحظ ليها انو لمن اكون في شكر يشكر الرجل وعند الذم تذم المرأة لماذا والي متي؟؟؟؟؟ لا أدري ! بالنسبة للموضوع دة وعن تجربة شخصية من ناس قريبين لي الي هم صحباتي بنات علي قدر كبير من الجمال بالاضافة الي الاخلاق والدين والعلم جميعهم يدرسون هندسة او طب عند اختيارهم الي (خطابهن)بالجد اي واحدة فيهم مستوي الوسامة عندها مايسوي شي يعني مافي حسابتا معليش انا خايفة اعبر غلط بس المهم شكلهم كان اكتر من عادي بس علي خلق ودين عالي جدا وكان دة الاختيار الصاح ودة مثل انا عايشته عدد من المرات والحمدلله ناجحين جدا لانهم عملو الصاح .ومثل تاني عندي واحد قريبي مغترب رسل لي اهلو قال ليهم عايز واحدة بيضا وسمحة شديد وفعلا خطبوليهو وعرس وحسي منفصل .تاني قال عايز واحدة بنفس المواصفات وفعلا عرس وحسي منفصل وهو رجل!!!!!!!!!!!!!!لماذا لانو معظم الرجال وليس جميعهم هدفهم الاول والاخير الجمال ثم تاتي في النهاية العيلة وبعداك الدين والخلق ودة المجتمع السوداني اي واحد اجي يعرس بفتش للجمال اول شي ودة من اهم الاسباب للطلاق الذي اصبح ظاهرة تهدد مجتمعنا السوداني انا مابقول الجمال مامهم هو مهم ولكن ليس الاهم انما ياتي اخيرا فجمال الروح والاخلاق هو الجوهر الحقيقي للانسان وليس مظهره الخارجي .فما اود ان اقوله ان الرجال هم الذين يقعون في مثل هذا الخطأ بنسبة كبيرة جدا واذا قارنااهم مع الفتيات لنال الرجال حصة الاسد ولكن عموما الخواء الفكري تسرب الي مجتمعنا بصورة ملحوظة وكبيرة واصبح الجميع يهتمون بالمظاهر والمباهر ابتداء من الاباء والامهات الي الابناء فاصبحت الماديات هي السند الذي يتكئون عليه ولايعلمون انهازائلةلامحالة
ولكم جزيل الشكر ولنحاول محاربة هذه الظواهر ابتداء من اقرب المقربين لدينا وان نكون عادلين في احكامنا لافرق بين امرأة أو رجل

والله يا شباب ما قصرتو
ويا خلودي والله أبدعت عديييييييييييييييييييل
وما قصرت تب والظاهر انو حيكون دا حال بنات العرب !!!!!!!!!
ههههههههههههههههههههههههههههههههه
المهم يا شباب زي ما قالت أختنا ولويه
الناس بقو عايشين على المظاهر ودا هو فعلا اللي بضيع الناس وانا بتفق معاك يا ولويه انو أكتر من
أكثر من يقع في المشاكل الزي دي هم المغتربين اللي بيجوا ساكين الحلاه
و في النهايه حلاة وش وبشتنه في الاخلاق ودي
الكارثه
لكن يالله المانع شنو داير أشوف رأي أكبر عدد ممكن من الاعضاء ونتفاكر في الموضوع دا
ولا شنو؟
تسلمو على مشاركتكم يا شباب وربنا يديكم الصحه والعافية

يامزوني بعد الكلام دة يبقي مافي حاجه اسمها وسامه

بقت المادة عندك فلوس الناس تقيمك يعني شوف حته بناتنه بقو اغنوه

اذا ماعندك وين اودك ولارايك شنو؟؟؟؟

والله فعلا دا الحاصل
غايتو احنا الله يدينا ساااااااااااااااااااااااي
ولا شنو؟
ههههههههههههههههههههههههه
تسلم يا خالد وربنا يديك الصحه والعافيه

الاخ مزوني كلامك صح بنسبه 88% لانو ما كل البنات كده طبعا وانا شايفه وزي ما قلت الناس اتعودت على انو الجمال من البت فحسب تفكيرها شنو البخلي الشاب عايز الشابه الجميله وما يخليها تختار الشاب الوسيم/////////////والتفكير ده طبعا بسبب وسائل الاعلام والا نفتاح خلى الناس تبعد كل البعد عن المقياس الحقيقي للجمال 0000جمال الروح0000رنده

الاخ مزوني زي مانت بتكون عاوز واحده حلوه و بت ناس البنت برضو بتكون عاوزة واحد و سيم وجنتل مان و ابن ناس لكن القرق انو البنت بتختار من الر جال البتقدمو لي خطوبتها لكن الرجل هو الذي يختار المراه المناسبه فاعزرهم

كلامك صحيح لكنه ليس غريب يا مزوني فقد سمعنا كلنا بقصة الصحابية التي ذهبت للرسول عليه الصلاة والسلام طالبة ان تخلع نفسها من زوجها وقد اثنت على زوجها وقالت انه طيب وحسن الاخلاق وملتزم بتعاليم الدين الاسلامي الحنيف الا انها لا تطيقه (أي شكله) فخلعت نفسها ...

والله يا مزوني قريت الموضوع وهو طرح جميل وهادف بس الاراء بتختلف والتناقضات بتكتر...
انا ما عارفه لكن الرجل الوسيم في رايي ليس هو كل شيء والاصل دائما هو الاهم
عندي زميلاتي برضو بيختلفوا في الارتباطات والافكار واحده بتكون بترمي بعيد لي راجل يحقق ليها احلامها وواحده همها كلو الوسامه .. وواحده كمان تقع في واحد لا جميل ولا متعلم ولا ضامن بكره حا ياكل واللا يجوع لكن لسانو الشهد بينزل منو لو كان نايم..
عرفت ان الحكايه متشعبه وما واقفه علي فرع واحد.

الخ مزوني
نحنا معشر البنات ببهرنا التعامل والشخصية البتلفت انتباهنا من الشكل وتدريجيا بنشوف الزول بي نظرة مختلفة علي حسب لطافتو وما بضرورة اكون وسيم ( سمح يعني) لكن وجاهتو وجاهة رجااااال وبرضو ما بي الضرورة تكون في الخلقة ممكن تكون شياكة وتعامل راقي ودي ما اعتقد سطحية .
وانتا قيس بي نفسك كدي فكر زولة جميييلة ولا زولة تركت بصمتة فيك دون حتي ما تذكر شكلها وقووووول لي
ودمته

الجمال كمعيار اساسي لأختيار الشريك خطأ يقع فيها آدم و حواء معاَ ولكن بخصوص حواء من حقها أن تختار الزوج الوسيم ولكن وسامة بلا دين واخلاق عوجة كبيرة. و الجمال ما حاجة ثابتة وبزول بعدة اسباب. لذلك حقو اي واحدة تسأل روحا هل حتقبل بالشاب الوسيم ده لو حصل ليه اي تشويه بحادث او مرض او غيره؟... هل حتظل صورته وسيماً وهو دوماً يهين ولايقدر ولايحترم?

مقطع اول..
سمح انت وعرباتك
سمح انت وعماراتك

مقطع ثاني..
شين ودشن
حر سيافى شين
شين ودشن كلمة مافى شين
وهظاره خشن

.
.
.

والعينو في راسو بيعرف خلاصو

والله يا جماعة الناس الشينين ديل حاسدننا عديل

الاخ الكريم لك التجله
اولا في محور حديثك انا الشباب يفضلون الجميله
واتيت وتسالت لماذا اصبح تفكير بناتنا عقيم؟؟؟؟؟
ووصفته بالعقيم وفي حالة الرجال غير عقيم
ومع اني وااااااااااا ولد وشـــــــــــــــــــــــــــــــــين
لكن من المنطق ان البنت لديها منطق وفكر وحب لكل شيئ جميل
فاحساس البنت كالرجل في مثل هذه المقارنات
لديهامشاعر ولديها رؤي مختلفه وتتفق بعضهن وتختلف عليهن
وفي نظرتي للواقع اري ان البنات في هذا الزمن لا يتمسكن بالجمال بقدر الاستطاعه
وهذه نظره قد يختلف او يتفق عليها كلا حسب وجهة نظره (يعني السماحه عند البت بقت قروش )
يعني ممكن تلقي بت او ولد يكون شين لكن الراحه وقرشو بخلي منظروا ومظهروا مقبول جدا
وده من الواقع
اما الجمال للمراة فقط فامامك قصة سيدنا يوسف عليه السلام الذي افتتنن به النساء
واما
يمكن لان البنت صارت تختار شريك حياتها على اساس كيف شكله وبيملك شنو وعندو عربية ولالا؟

ومنصبة شنو؟.. وتغاضت عن النواحي الثانية المهمه مثل الدين والخلق والصلاح والعقل .
فاثني علي رؤيتك لانها من الواقع المعاش الجمال في نظرة الناس بقي قروش
بعدين هن معزورات ما ممكن اقعن في زول شين وما عندو قروش
ولو عاوز تتاكد من ان المال اصبح هو الجمال هنالك عدد من حالات الزواج
التي صارت حديث الناس
واستغرب لها ولن المح (ان اللبيب بالاشارة...................)
ولو ما فهمت برسلا علي البريد الخاص
عموما موضوعك رائع ويجدد بعض الفكر ويناقش
بعد رؤانا لتلك الحروف
ودمت