عتاب اخ لأخوانه من العابر الوفي للجميع,,,,

السلام عليكم ورحمة من الله تعالى وبركاته ...................
للأسف ارسل لكم رساله عتبى او شكوى يا ريت تتفهمو معناها قبال الحكم علي اخوكم لو هو فعلا اخوكم
ما بتهمل مواضيعو او تنبذ او يهان في شخصو انو شارك وكتب موضوع محاول انو يفيدكم بيه ويستفيد كل الهو عاوزه رضى الله ثم رضاكم
حقيقه الأمر انو انا كتبت او شاركت بعدة مواضيع جديده وقمت بإنزالها في المنتدى العام وخرجت من المنتدى وجيت راجع تاني يوم لاجد مواضيعي اختفت من المنتدى العام وذهبت كلها للمنتدى الكمبيوتر والألعاب مواضيعي كانت
صور لنهر الأمزون وصور لشلالات نياجارا وعجائب الدنيا السبع

يعني انا معاكم انو تنقل المواضيع الى انا نزلتها في غير مكانها او مواضيع غير لائقه او اصلا اكون نزلتا موضوع بشكل غير صحيح او غير مكتمل ممكن يتم نقله او مسحه ولكن دايرين اليوم تقنعوني انو مواضيع زي دي ليها علاقه قويه جدا جدا جدا بالكمبيوتر والإتصلات والألعاب والله اشكركم من اعماق قلبي لو نقلتوها للمنتدى الثقافي كان ارحم يلا انا الاعتذر ولكن انا في رأي الشخصي انو مواضيعي مكانها العام او اي شي انا عارف اميز بين موضوع ثقافي بحت او موضوع عام جميل يشوفوه الناس كلهم انا ما بطالب بانو المواضيع ترجع للمنتدى العام ولكن بطالب بعذر مقنع يقنعني انو انا ما استاهل انزل مواضيع زي دي في العام ومنو الي يقولو لي الكلام ده اخوانا وناسي الهم انتو سواء مراقبين او مشرفين او ادارين حتى واسمحو لي انا بهديكم كل احترامي رغم هذا العمل الي اهاني واهان مواضيعي بشكل مجرح وغير جميل نهائيا واذا كان الوضع كدى فانا لا استحق رايكم شنو تكتبو الوفي عضو وجـــــــــــــــــــــــوده زي عدمه صدقوني حرضى بيها اخير من هذا التعامل مع مواضيعي واهمالها وهندا مثال قدامكم مع كامل الإحترام لباقي الأعضاء في مواضيع ثقافيه قاعدة تنشر في العام وعمرها ما نقلت فوجئت من هذا التصرف الغير لائق في زولا انتو قلتو في يوم من الايام انو اخوكم انا ما بهمني اي شي كل الهماني اكون واحد بينكم والليله وريتوني معنى اكون واحد منكم

أشـــــــــــــــــــــــــــكركم ....................... من الأعماق

اخوكم الراحل بحول الله تعالى ................ الوفي

اليوم وصلت للأسم التشجيعي انو انا عضو فعال وانا ارى انو انا مازلت عضو عادي جدا وما بهمني غير تصلكم دعواتي بالخير والتوفيق لكم الحب والتحيه

بعد التحيه والسلام
في البدايه وبي صراحه انا استغربت من حتة انو القى مواضيعك في الثقافي
وقلت الزول دا مواضيعوا ماليها دخل بالثقافي
لكن طبعا يا دوب فهمت الحاصل وفعلا كلام عجيييييييييييييييييييييييييب
لأنو فعلا زي ما قلت المواضيع الزي دي مكانا على أضعف الايمان لو ما العام
الثقافي دا من وجهة نظري الضعيفة ولا رايكم شنو يا ناس الاختصاص
وبعدين يا حبيبنا ماف داعي للزعل وأكيد لو هم عندهم وجهة نظر ما حيبخلو بيها عليك وهم دايما عودونا على كدا
ولا شنو يا ناس الاختصاص
أتمنى انو المسأله دي تعدي على خير وربنا يديكم الصحه والعافيه

الاخ الغالي الوفي
اولا الزعل مرفوض
وتاني شئ انت منا وفينا وما في داعي لانك تزعل كده لاننا جميعا اخوان وولاد مدينه واحده ، وكان علي الشئ اللي حصل يا سيدي معليش احتمال تكون سهوة غير مقصودة وطبعا زي ما انت عارف اي موضوع انزل في منتدي غير منتداهو يقوم المشرفون بتحويلو للمنتدي المناسب اما من ناحية موضوعك زي ما قال اخوي مزوني حيكون للمشرفين وذوي الاختصاص وجهة نظر وانشاءالله خير يا حبيبنا

بس حكاية انك زعلان دي انساها نهائي لانك انت عارف نحن بنعزك كيف .
وارجو ان لا تتاثر باللحصل لانك انت فعلا اخونا وحبيبنا .. اوكي..

ويلا خلينا نشوف مواضيعك الحلوة ...

وايديكم العافية.

العزيز الغالى العابر الوفى

لك منا اجمل التحايا والاشواق .. ورغم عتبك علينا إلا أننا نعتب عليك ايضا فمهما حدث داخل بيتنا الواحد فالاحرى بك أن تحاسب قبل أن تعاقب ولك الحق فى أن تحصل على تبرير لما حدث من قبل الإدارين والمشرفين فإن كان مقنعا فالحمد لله وإن لم يكن كذلك عندها لك القرار . ولكن ثق تماما مهما حدث فإننا لا نفرط فى أى واحد مننا ومبدانا ( الواحد للكل والكل للواحد) وهذا عتبنا عليك ورجاءنا ان تترك الزعل جانبا حتى ينجلى الامــر فربما يكون قد حدث ماحدث عن طريق الخطاء .. والخطاء مردود ... ولك العتبى حتى ترضى..

رسالة الى الاخوة الإدارين والمشرفين الرجاء التدخل عاجلا وتوضيح ما ذكر فأنتم أدرى منا بالأسباب...

رسالة الى كل الاخوه والاخوات بالمنتدى كلنا بيت واحد واسرة واحدة فمهما حدث فلا فكاك فلا بأس أن نعتب على بعضنا من اجل المصلحة العامة ولكن لا للمغادرة .....

نزار

اشــــــــــــــــــــــــكرك يا اخواني والله يديكم العافيه على مشاركاتكم
وانا ما بنكر اني كنت ( فعل ماضي ) زعلان شويه وماخذ في خاطري ولكن انا بس اتحسست جدا من هذا الفعل ولكن الحمد الله سامحوني اذا غلطت في زول ولكن ما زلت اطالب بتفسير لما حدث رجاءا وليس ا مــــــــــــــــــرا وانا لو ما متأكد انو احنا هنا ناس بيت واحد واخوان مع بعض ما كنت عاتبت زول ولا كان ممكن يهمني ولكن همني انو اخواني يكونو راضين علي
صدقوني يا اخوانا ويشـــــــــــــــــــــــــــــهد ربي على كلامي ده انو قدركم عندي ما هين اشكركم ومازلت في انتظار الردوووووووووووود والاراء



اخوكم الوفي مع كل حبي لهذا المنتدى

سلام من الله عليك اخي الكريم الوفي يا وفي
تاكد تماما اننا هنا في المنتديات كاليد الواحدة والحمد لله من ابرز سمات المنتدى هي روح التآلف والتوادد بين الاعضاء فيما بينهم

اما بالنسبة لمواضيعك اخي الكريم فقد تم تحويلها الى منتدى الاتصالات والالعاب والصور وقد تم تحويل كل المشاركات التي تحتوي على صور من المنتدى العام الى منتدى الاتصالات وقد تم التنويه على ذلك
الم تلاحظ وجود مواضيع بالصور في منتدى الاتصالات غير مواضيعك؟؟؟

يعني يا غالي مواضيعك دي ما اتحولت عشان الناس قاصداك او شايفين انها مواضيع ما كويسة على حسب كلامك لانو بالعكس مواضيعك ممتازة جدا ومافيها اى غبار
بس اتحولت لمنتدى الكمبيوتر لانو اصبح يشمل الالعاب والصور لفترة مؤقتة حتى يتم افتتاح قسم خاص بالصور والالعاب

تقبل اعتذاري الشديد وكل شئ ولا زعلك في حين اني عاتب عليك جدا لانو كتبت كلام ما مفروض تكتبو مهما حصل يعني حكاية الزعل واني حا اخلي المنتدى دي ما كان في ليها اى داعي لانو مهما حصل احنا في النهاية اخوان وما اعتقد الاخ يقول ليه اخوهو خلاص علاقتي بيك انتهت وتاكد اني طالع من حياتك نهائي ولا رايك شنو اخوي الوفي عموما ما علينا ونقول حصل خير واكرر اسفي تاني مرة باسمي ونيابة عن كل المشرفين والاداريين في المنتدى

حبي ومودتي لشخصك

حبيبي وتاج راسي ابو روان الأخوه عمرها ما بتتنسي وعشان انا من مدني عمري ما بنسى زول استضافني وانتو فتحتو لي مجال اني اكون واحد بينكم وانا زعلتى لاني بعترف يا ابو روان لو زعلت من اخو وعاتبتو اخير من ازعل من الغريب وادعي عليه انتو جميعا اخواني والله العظيم ويشهد علي رب العالمين ما بقدر اخسركم ولو ساويتكم بعمري برضو اكون مقصر عزيزي ابو روان لو اخواني ما اتحملو زعلي منو الي يتحمل زعلي وانتو تاج راسي والله يديكم العافيه وبالنسبه لمواضيعي انا فعلا ما كنت عارف الشي ده انو مواضيع الصور لا تنشر في العام وانا كأقتراح اعتقد انو تعيدو النظر في الموضوع ده لانو ما جميع الصور تقدر تضمها في ساحه واحده وكذلك ما جميع المواضيع التي فيها صور تستطيع ضمها يعني بالله عليك يا ابو روان لو نشرت صورتي انا في العام حتقوم توديها للألعاب والصور ترضاها لي هههههههههههههههههههههههههههههههههههههههههه

عزيزي ابو روان مازال الموضوع مفتوح للنقاش انتظر مبادلتك الأمور والحوار عشان الناس تفهم توضيح المواضيع واماكنها