الدراسة ماليزيا؟؟

هل ترغب في الدراسة الجامعية فى ماليزيا؟؟
اذا فالمسرود ادناه يهمك

ماليزيا:
أصبحت ماليزيا إحدى الدول المتقدمة جدا في مجال(صناعة التعليم),لمجاراة تحديات العصر وتهيئة أجيال جديدة تلبي ما وصلت إليه من تقدم تقني وصناعي يوازي ثورة المعلومات وتقنيتها في مختلف التخصصات العلمية مثل مجال الكمبيوتر ومشتقاته والهندسية بفروعها وتعزيز مهارات الإدارة المالية والتسويقية والمحاسبية بالإضافية إلى العديد من التخصصات ذات البعد الإبداعي في البحث عن المعلومة وتوظيفها .

ابرز مميزات الدارسة في ماليزيا:

1_نظام الدراسة في الجامعات الماليزية طبقاً للنظام العالمي وبكفاءة عالية ...وخاصع لرقابة وزارة التعليم الماليزية

2_رسوم الدراسة مناسبة

3-وجود كم هائل من البرامج الدراسية المتنوعة ..

4_مراكز فروع لجامعات أجنبية تعمل في ماليزيا تمكن الطالب من الدراسة فيها وباجور مناسبة

5_استخدام اللغة الإنجليزية بصورة واسعة وهذه فرصة للطلبة الذين يودون أتقانها من خلال الممارسة

6_ماليزيا تاريخ جميل وحاضر رائع في التعايش السلمي بين مختلف الأديان والأعراق

7_هناك الكثير من الطلبة من مختلف انحاء العالم مما يسهل الدراسة والتأقلم

8-دولة إسلامية شعائر الإسلام فيها واضحة ظاهرة..وشعب مسلم ودود ومسالم

9_تكاليف المعيشة المنخفضة والمناسبة

10_ دولة مستقرةاقتصادياً

11_ ..دولة آمنة ..ونسبة الجريمة فيها قليلة جداً

12_دولة مستقرة ..ولا يوجد فيها اضطرا بات سياسية

13-نظام وسائل النقل جيد مما يجعل التنقل من مكان إلى آخر سهل جدا

14_توفر الأماكن الترفيهية والمناطق السياحية...


------------------اسئلة شائعة----------------------

فترة دراسة
فترة دراسة البكالوريوس في هذه الجامعات تتراوح بين3-4 سنوات

لغة الدراسة
و لغة الدراسة هي الإنجليزية عدا بعض التخصصات في الجامعة الإسلامية فيمكن أن تستخدم العربية

ماذا عن السكن في ماليزيا
أنت مخير بين السكن الجامعي (برسوم منخفضة ورمزية50-100 دولارشهريا) أو السكن في مجمع خارج الجامعة وأسعاره تتراوحبين150- 200دولار شهريا(للفرد في غرفة مفردة مكيفة وبها سائر الخدمات بما فيها الانترنت المجاني)

كيف وضع الأكل هناك

المأكولات الماليزية والعربية والغربية منتشرة هناك بالإضافة إلى مطاعم الوجبات السريعة العالمية وأسعار المأكولات كالفاست فود رخيصة مقارنة )

المصاريف الشخصية ؟كم تكلف تقريباً؟
أنت وصرفيتك لكن في الغالب والمتوسط تحتاج إلى 150-200 دولار
في الشهر(هذه مصاريف المواصلات والأكل والمستلزمات الخاصة..ولا تشمل السكن طبعاً)


لغتي الإنجليزية ضعيفة ..ماذا أفعل لأحسنها قبل الدراسة الجامعية؟

الدراسة هناك باللغة الإنجليزية وهذا يعني أنك تجيدها لفهم الدروس الملقاة...لذا يتوجب عليك دراستها
وأنت مخير بين أمرين:
1-الدراسة في الجامعة نفسها_إذا كانت تعطي سنة تحضيرية في اللغة-
2-الدراسة في معهد معترف به في الجامعات الماليزيةTOEFL

ماهي أفضل الجامعات هناك

التفضيل المطلق صعب لكن نقدر نقول أفضل لجامعة من حيث دراسة القانون الجامعة الإسلامية
ومن حيث دراسة الكمبيوتر والتقنية الحديثة
هناك جامعةمالتميديا Multimedia University .
هذا بحسب ما اشتهر عن الطلبة هناك


مرحب باي استفسار عن الدراسة في ماليزيا :)

والله يا أنمار الله يديك العافيه

ما قصرت عدييييييييييييييييييييييييييييييل

لكن يا حبيبي وينك قبل سته شهور

انا طبعا حاليا في الهند وما ادراك ما الهند

بالجد كدا بلد في قمة التعاسه من كلللللللللللللللل النواحي

ونمسكها ليكم وحده وحده

أنا طبعا في مدينه اسمها حيدر أباد هي مدينه بحد ذاتها جميله ورائعه والأغلبيه فيها مسلمين

طبعا لحد قريبات كانت البلد رخيصه وكانت ممشيه أمور الناس ( حسب ما يحكو لينا السناير طبعا )

يعني لي درجة انو 100 دولا كافيه وشامله لي سكنك ومواصلاتك وأي شي

لكن تعال شوف حسه؟؟؟؟؟

طبعا بعد انتشار الطلاب الأجانب وأصبح عددهم هاااااااااائل بقى في فرق في المعامله بين الهندي والأجنبي

أول حاجه السكن

الهندي لو داير يسكن في أرقى بيت لو كسر رقبتو ما ياخدوا باكتر من 1000 روبيه (25دولار)

لكن لما تجي انت الاجنبي وتشوف ليك بيت والله العظيم لو ربطو فيه الحمار ما بقعد وبكون غرفه واااااااحده و الله يكرمكم حمام وصاله ما محسوبه صاله

لو حنو عليك بدوك ليه بي 1500 روبيه(37.5 دولار) فما بالك لو داير تسكن في بيت محترم وبي حاله جيده ( طبعا في دي بديكم مساحه تفردوا خيالكم زي مادايرين)

الخضروات و مستلزمات البيت عااااااااااااااادي تاخد فيها مراوح

وطبعا السودانيين حاليا كلللللللللللللهم أو بنسبة 80% منهم بجوا هنا على جامعه اسمها سكيم منيبال ( sikkem manipal)

وانا واحد من ضحايا الجامعه اللعينه دي

طبعا نظام البكلاريوس فيها تلاته سنين عندك خيار انك تشيل أول سمسترين ( اللي هم الأول والتاني ) والباقي تواصل عادي

يعني بتخلص في سنتين ونص والماستر نفس الطريقه أربعه سمسترات وعندك خيار تشيل أول سمسترين يعني بتخلص في سنه ونص

لكن الحاجه الحلوه انو لو عندك دبلوم تلاته سنين تجي هنا بتحضر ماستر على طول

أما مشكلة الجامعه بالنسبه لي فتتلخص في الأتي:-

1- طبعا نظام الإمتحانات ( دور) مافي أسئله وأجوبه ودا بشجع الطلبه وخاصه السودانيين انو ما يصلح الانجليزي حقو

وطبعا المراقبه في الامتحانات حدث ولا حرج انت اجنبي انقل زي ماداير ما عندهم معاك شغله كدا بقولوا عليها وفي النهايه بتنجح حتى لو ماقريت حرف

لكن الهندي لو فكر سااااااااااي انو يغش منظروا استحما

2- ماعندهم أي اهتمام بالطلبه خاصه في الفروع ( مع العلم انو الغالبيه تنزل في الفروع) ولابات تعبانه

3- لو قلت تحل المشكله وتمشي تقرا في المركز الرئيسي فحدث ولا حرج أول حاجه حتكون ملزم انك تسكن في السكن الجامعي وطبعا عليه رسوم

شبه مبالغه اللي هي تقريبا 25000 روبيه (تقريبا 600دولار) أما لو لقيت واسطه وسكنت بره السكن الجامعي فدا بقى كلام براااااااااااااااااااااااااااااه

الأدفانص ( اللي هو المقدم ) بتراوح ما بين ( 40,000 - 60,000 ) اللي هي ( 1000 - 1500 دولار )

وطبعا نظام المقدم هنا ما زي السودان تدقع ولما تتم الفتره حقت الايجار الدفعتو تبدأ تدفع!!! انت تدفع المقدم وبعد داك تدفع معاه حق الشهر

وكدا تدفع كل شهر حقو وبعد داك على حسب الأونر ( اللي هو المالك سيد البيت )

وأسياد البيوت بنقسمو لي اتنين
1- أول ماترحل برجع ليك حقك
2-لما تفكر ترحل ما برجع ليك حقك ويقول ليك أقعد في البيت قدر الدفعتو وبعد داك تتفضل تفضي البيت

وطبعا يا جماعه الهنود بعبدوا الماده زي عيونهم وانت أجنبي معناها انت المال زاااااااااااااااااتو بتفننو في احتيالك

وطبعا غير كدا كتييييييييييييييييييير ولو في أي زول برضو عندو أي استفسار عن الهند أنا جاهز

لكن عن نفسي ما بنصح لي زول انو يجي البلد دي خير شر

ومعليش للإطاله

وتقبلو تحياتي

والله يا انمار الدراسة فى ماليزيا طلعت كلام ساى بس هم بتعبوك لكن دراسة مافى وانا هنا لى 3 شهور زهجت وداير ازوغ من هنا لكن ما لاقى طريقة زووغااااااااان والبلد دى اخير منها القعدة فى السودان لكن انت المعلومات دى كلها جبتها من وين انت قاعد هنا ولا شنو كان قاعد هنا لازم نتلاقى عاملين هنا رابطة ابناء مدنى اولاد وبنات فاذا انت هنا لازم تنضم للاسرة ولا رايك شنو

والله موضوعك جميل جدا يا انمار .. وشكرا للسرد الجميل يا مزوني .. ودايرينك يا مكتول مدني تحكي لينا شوية انتا كمان عن معاناتك مع الجامعات الماليزية عشان نشوف دفاع انمار عنها .. وكمان ياريت تحكي لينا عن رابطة مدني دي واعضاءها منو؟ ونشاطاتها شنو؟

يديك العافيع\ه ادمن والله انا نفسي اسافر ماليزيا واتدرس لكنلسهخليني احظر ليكالاسءله
فاقد

عزيزنا الادمن ابوبكر كيف الاحوال
بخصوص الدراسة فى ماليزيا اولا البلد مستواها المعيشى مرتفع والبلد مليئة بالهنود ومعلوم هنا فى اسيا انه حيثما حل الهنود حل الفسادكما ان البلد على الرغم من جمالها لكن الجو زى الزفت امطار شبه يومية ورطوبة عاليه جدا هذا غير مشكلة الطعام حيث انك تجد نفسك ملزما بتناول الارز مرتين او ثلاثة يوميا لانه لا يوجد البديل او هو موجود ولكنه متوفر فى اماكن محددة كما ان الاتصالات هنا غالية جدا حتى فى داخل البلد وان تميزت بكثرة شركات الاتصالات كما ان المواصلات هنا من افضل ما يكون ولكن تبقى المشكلة ان الدراسة هنا ضعيفة جدا لكن لطول اليوم الدراسى والعملى عموما فى ماليزيا من الساعة التاسعة صباحا و حتى الخامسة عصرا يظن الناس ان الدراسة هنا قوية ولكن والله انا لانى بديت ادرس فى السودان كلية الطب فى اعتقادى ان الدراسة فى السودان اقوى وافضل من هنا بكثير فقط الماليزيين يتبعون نظام التعليم الجديد او نظام الساعات فى حين اننا فى السودان نتعمل بنظام العام الدراسي
وبرضو للمزيد من الاستفسارات انا جاهز ولو واحد عاوز يقدم برضو جاهز على شرط يكون من مدنى او الجزيرة عموما وناس الخرطوم تحديدا يختونى بعيد
ودة رقم تلفونى0123400149
بخوص الرابطة هى لسة رابطه جديدة تحت الانشاء لان ناس مدنى هنا بساط جدا وهى بمبادرة كريمة من دكتور اسعد ابوسن و نشاطاتها كل ما يخدم مدنى وانسان مدنى

شكرا للمعلومات القيمة يا مكتول مدني .. وتمنياتي للجميع بالتوفيق وتحصيل الدرجات الرفيعة