اتمددت جواي

اتمددت جواي حرف وقصيده اجمل من سكات العاشقين
غلبت طيوف الاغتراب وزيف المدن
كل ما تقول انك تعيش
من دونها ترجف وتضطرب
تحلف تقول انساك محال
ترجع تشاور زحمة البلد الغريب
وهناك في نص الدرب
وهناك واحد مغترب
بتذكرك .......
وأنساك أنا
ولما طيوفك تجتمع
تغشاني لحظات من نعاس
واحلم معاك
وانسى الحزن
واغرق عشان طيفك رحل
خلاني في نص الدرب
لا قادر امشي عليك براي
لا انتي فاتحاهو الضراع
شان ألحقك
وأتوكا بيك لما الشمس تغرب
تغيب
والناس هناك بتجمعوا
وماشين عليك
شدوا الرحال
وبقيت براي
والهم وراي
حزنان عشان لي طرب
لكن اكيد
والوعد ليك
أنسف عهود الاغتراب
وأجيك كما الايام سعيد
والعهد فيك
دايما يكون
ولقا الحبايب والاهل
والناس جميع
حتى الشوارع ليها شوق
يارب اجيك

الغربة موره ومؤلمه دي الغربه موره مؤلمه

حمام الوادي يا راحل ما خلاص كملت رحيل العمر شن باقي منو لتضيعه في بلاد الغربة ولاك لاحق غير فتات فلوس ما يعوضن سنينك الضيعتها
هنا في ناس يعاينو يك زي هلال رمضان دايرنك تكون قريب تراعيهم وتواسيهم
قعادك معاهم بالدنيا
(خذوا الدنيا باجمعها حبيب واحد ذخر اذا ضاءت مطالعه فكل الدنيا بدر)