صابحة والذات الشقي

(بليت جناح الكلمة في بحر الفهم
واتحزمت راكز لى وضوح المعني ..
صوب في ضمير العتمة ضو
مديلي يا سليلة الشوف مدارك ...
حبل للصاري ...
صفر في مداري النو )


مساء الخير يا صابحة ...
يا ريق الشعر والنيل
احبك ولو بينا العوارض سور
احبك بقدرة الخلاك تبتقي في الحزن بسمة ..
وتشقشقي في المداين نور
ولو غنيتي يا صابحة ... تلومك في الشجر نسمة ..
ويعاتبك في البلاد عصفور
سألتك يا رفيقة الروح ... من وين جلبتي الحن ؟
وكيف طيبتي خاطر الليل وحصنتي الوطن شمعات
الوطن ............. دمعات !
ايا صابحة .... الوطن .................. قد مات
فلا ماتت غنيواتك .. ولا جاك الوجع من جوف ..
بعيدة المرقة يا صابحة
شديدة الريح ورا الابواب ...
فدلكي من برد حسي .. واحلمي بي وطن دافي
فجر صافي وشمس لبلاب
ولو جافى الخريف بيتنا ... او وعد الغمام قد خاب ..
ابسمي لي فصول جايات ...
فرحا قصاد حزنك ... فرحا يدق الباب
وايدك يلا يا صابحة ...
نسالم ايد مراكبية
غنو ا البحر غنوات
فرشوا البياض نية
وعمالا رهاف طيبين ..
لونوا بالعرق شارع ...
هتفوا الصفق لو مات ...
روح الجذور حية
معاهم يلا يا صابحة ...
تعالي نغني وياهم .. ونقسم بينا وردية
لكن برغم الكان ...
بعدت رؤاك يا بت ...
بعدت عليك بلدك ... قطر العسس داسك
داس المحنة الفيك ... ضاراكِ من ناسك
والبينا سبعة بحور
ساجور ورا ساجور
منع الغمام الجاي .. من تالا احساسك
وفاتوني يا صابحة ...
القسموا المسافة معاي
فاتوني وين راحوا .. حزنا عليهمم موج ..
خوفا سكن جواي
حلقوا في المدى وقعدوا ...
عزموا الوطن على ريد ... عزموا الحمام على شاي
فاتوني رغم الكان .. يا ريتني كنت هناك
قابلتهم ماشين ... هاشين كما النسمة
قالولي : نستناك
قلت الطريق اطول
قالوا الرفاقة معاك
قلت الافق احمر .. ذي دم صديق طيب
قالوا الجروح شباك
فاتح على الشارع
وطنا جميل شاسع
وطنا نبيل حياك
لوحوا في المشارق لي ..
قالوا الرحيل انسان
وانا قلت ما بحمل .. دربا مشيتو بلاك
يا صابحة وين كنا ... ساعة البحر نادى ..
واليابسة فرسخ شوف
وين كنا ساعة الليل ... خيم على نورس ..
نايم على شجنو ... نايم غتاهو الخوف
هل في الشروق واقفين ؟ ام كنا في الشيمة ؟
دلي البلاد على ضو ...
يا صابحة صعب الشوف
ومن اخر حشاشة الروح ... شفت الخيول هجعت
قبل الميعاد ما يحين .. حرس الهجير مرقوا
والناس غصن يابس .. متاكي وحدو نزيف
اصفر كما صفقو
واتلمو ناس تانيين .. شايلين على الاكتاف نعشا من الياسمين
حسيت بانو حزين
هذا الذي قد نام .. ما نادى لى رفقو
نايم سمعت الريح بتصلي في صدرو
ميت جلال الموت ضيق على قبرو
يا واسع الجبة ... هل في عبايتك رب ؟
ام كل هادي الخلق .. ماشين على شاهد ..
ودر ملامح الدرب
او كل هذا الطير ادمن فصول الجدب
ايا ود نوح ... تعال ... مين الحماك تركب ؟
ايا ود نوح ... تعال ... وريني طعم الموج ..
وكت السفن تبعد .. او لهفة الغرقان ... كان الجذر لاحت
والشط خلاص قرب
انا برضو جد غرقان زيك فكيف نطلع ؟
واطلعي من حزن وناس ...حزنا جميل انسان
كل ما طردتو بجيك
حزنا رفيق ... فنان .. دايمو بوالفو مشيك
وارجيني في شارع ... طيب ... وريف .. واسع
يمكن ابيعو غناي
وابرى المسافة ............. اجيك

الرائع دوما كاظم

شكل(( صابحه)) حينما تغزله شعراً ،،يجئ رائعاً كروعة الخرافه على قراءات الزمن ،، وحينما تقول دونت فانت تدنو قاب

قوسين او ادنى من مراتب اللفظ حين صياغة الرؤيه واتضاحها فى الاشكال الموغله فى العدميه لتجارى النص حين يكون سهلاً ممتنعاً

عن ذهن المطالع ،،،، اشياء البوح ليست للكل ،،، فنم غريراً فى غيب المعني.

والمرأة يا زعيم حين دفء الحنايا ،، تكون عنوان التلاقى فى عروش الود ،،، هى رائعة بطعم النرجس فى شهد الالق ،،، له الله هذا

المخلوق الداااافى بكل معانى الكلام شئ ما اُخذ من اضلاعنا ما نفتأ نبحث عنه الى ان نجده ،،، وحين نجده يكون ،،، يا اااااا

للللللللللله يا لللللللللللله يا للروعه ،،،، ثم انت تخاطبها القصيدة ،، تناجى فيها اشجان الود عبقاً من كلام ،،، كيف يكون الكلام حينها

،،،، كيف يكون حين اللقاء!!!!

واصل فينا هذا الحب ،،، يا زعيم ،،،، ودمت

[COLOR=Indigo]كاظم الزعيم .. ولد أنصع من بياض النيه وأجمل من حسن الظن ...

معاني تتاوق من رقراق حروف ممشوقة معني ومتعافيه حس وملتاع الكلام

منشر .. أنت يا زول وسيم قول وحرفك ضامر .. وقيامة اللغة في النص صابحه ..

تتنهد مليان بيها وبيكم مليانه الجتة .. وفي ضلك تتحزم صابحه تلوح للرفقات ..

ووشها ما عون مواسم .. خضراء وتريانه صابحه .. صحراء وجدبانه صابحه ..

مبلوله ومطرانه صابحه .. ويندي جبينك ينز فرحه لما تكن وياك صابحه ..

وصابحه بتضحك .. ضحكت صابحه .. ضحكت صابحه بتضحك دنيا ومنك بطلع

شوق بيصافح رفاقه السكة... وكانت ونسه صابحه بخور بيثبت فيهم عطر الإلفه

... صابحه .. صابحه ... وتفضل تطلق فينا بخورها .. وتفضل صابحه تغني ..

نغني وراها .. صابحه تغني .. وصابحه تغني نغني وراها .. وإن بعت غناك تفضل

صابحه تغني براها ..

الماطر .. كاظم ..

أنيق هذا الذي أرسيته . يا سيدي مجاوزاً به إطار الاحتمال .. تدس في ذائقتي

طعم لم أعهده من قبل .. سأمضي غير بعيد ثم أعود ..

معتق تحياتي ،،،

مررت على النص مثنىً وثلاث ورباع ، وفى كل مرة ينتابنى إحساس غريب بوجود خلفية موسيقية للنص بصوت أبو عركى البخيت وهو يردد " ياصاحبة فى الزمن الصعب ".

والله يا زعيم كتابتك غير
وانا قلتها قبل كدة
عندك فلسفة مجنونة حقتك براك
بتتململ حروفك في سرير خاطرنا
وبتتوسد في زحمة الكلام الفينا والما فينا مرتاحة
وتخلينا منتظرين كلامك تاني
دة ابداع متكامل .. يا كاظم
لك الود والتقدير

تسجيل حضور ليس إلا..


كاظم
وفهمنا الشقي..

أيها الشفيف البينا ما سبعة بحور..

بجيك تاني بعد ما استف مواعيني تب..

سالي العزيزة ... بكل تلك الفخامة التي تسكن كلماتك يستعصى علي الرد
فقط اسمحي لي ان ازهو بتلك الكلمات
كوني بخير

سوباوي الصديق سلام يا زول .... اها عاد النكلمك كل فجة تمشي ليها تقول فيها كلام سمح ان ما لقيت فيها ناس يسمعوك ويحسو بيك ويفهمو انت بتقول في شنو ببقي كلامك ما فايت اضنينك ويبقى اصلا ما سمح ...
هنا تخجلون حتى الكلمات يا صديقي وكثيرا ما سبقتموني الي مفردة كنت احضرها للرد على احدكم ...
كن بخير يا صديق وكن هنا دائما

الجميل جدا ود المأزون ...
ما يحيرني حقا انني لم اصادف حتى الان قصيدة لك .. او قصة قصيرة او اي ملمح اخر من ملامح الادب هنا في هذا المكان ... وما دعاني الى ذلك انني اتابع وبشدة ردودك وموضوعاتك والتي بلا شك حملت جميعها سمات فنان مرهف ... وصدقني انتظرت كثيرا على امل ان اقرا لك انتاجا خاصا في هذا الاطار وطال انتظاري
غزير امتناني لوجودك هنا .. وعميق تقديري لذاكرة المخرج التي يبدو انها اضافة اخرى لموهبتك الفذة
اقعد عافية يا ود المازون وابقى قريب

ابراهيم وييييييييينك يا زول .. وحشتنا طلاتك يا راجل
لسة ما مات بريق تعليقاتك العذبة والنداوة التي تزركش مفرداتك .. ولا زلت ذلك الانيق الرقيق الذي يجبرك حضوره على ان تسمع
لا زالت دعوتي قائمة بان تكثر من نشر ما تكتب هنا
كن بخير وبنتلاقي كان الله هون

ودالسر قبضتتتتتتتتتك .... وماعارف سعادتي قدر كيف وانا بضغط لدخول مدونتك الفارهة ....
اسمح لي يا اشرف السر ان اعلن لاعضاء المنتدى عن قدوم هذه القامة وتربعها بيننا
لنا حديث اخر في منعطفات اخرى
سأنتظرك

يا زعيم ...

حبك حبيبتي قلبي له جذور
فهو يمتد .. ويمتد .. ليغطي فضاءات غيوم الحزن
ويرسلها بعيدا .. بعيدا .. لنبقي .. معا

صابحة ، والدموع ، والوطن ...
ميلاد لغد زاهي

مشكور كاظم

الجميل / كاظم

ما اصدق دموع الكلمة حين تنساب بتلك الشفافية ، و ما اروع انين القوافي حينما

تهمس جهراً بذاك النقاء ، سبحت كثيراً في خضم النص ، و كنت اغرق في تيارات

القوافي التي جرفت خيري و هاشم صديق و محجوب شريف في قلب المعاني

استدعيت كل خواطري و حشدتها بين عوالم صابحة تمعنت مخاض الذات الشقي

كون المعاناة ، ايها الرائع فينا الروعة هي ما تكتب ،،،،،،،،،،،،،،،،،،،،،

ودالباشا الصديق ..سلامات يا راجل ..
هذا الاطراء وبكل هذه الحميمية المفرطة ومن شخص يجيد القراءة كاجادته لما يكتب يضع على صدري وساما جميلا سأصرف وقتا لا بأس به في تأمله والزهو به ..
هاطل الشكر ودمت

ما قلنا ليكم يا جماعة رسلو لينا إبداعاتكم دي نزين بيها محراب الآداب والفنون!!!!!!!

الاخ كاظم

حينما يكون الحضور بهيا

وينشر فيما حوله الضياء نقيا

حتما يكون الكلام قد اغتسل

وتعطر ليكون بقامة من ألقى

حينها فقط اقف لاحيك علي ما كتبت

هم آتون نحوك .....
أستيغظ ...
هم آتون من خلف الشفق ...
من وراء الكون آتون .....
من بعد المسار ...
وحقيقة الخوف ...
والألم ..
والأمل ...
والصراع .....
هم آتون قبل التكوين .....
هم آتون ....
ليقتالوك في دواخلى .....
أو لاتسمع صدى صوت خطواتهم نحوى ....
هم آتون ليقتالونى ....
لانهم عرفوا أنك ...
بدواخلى ......
أسيغظ وأحمينى ....

كاظم .......

كما ذكرت سلفا ً لاتعليق على الأشياء الواضحة ....
وحتي لا نفقد حيوية مانشر من قبلك فحاجاتك لايجب
ان نعلق عليها بل نحتضنها في دواخلنا ونرددها لكل من لايعرفك ......
ونتغنى بها بين جميع الناس .....

لك الله فى كل أوقاتك

العزيزة جدا فوزية ...
تحياتي وفائق الود واهلا بحضورك الزاهي ...
وكوني دائما بخير

استاذنا عمر .. سلامي وكثير والاحترام
شكرا جميلا لدعوتك الكريمة ونرجو ان نوفق في طرح منتوجنا الادبي في ساحة المحراب ..
تقبل احترامي مرة اخرى

ودبدر الجميل .. مساءاتك بنكهة القرنفل ...
قلمي وقلمك واقلامهم .. لكل طعمه ونكهته .. لكل فكرة .. وبيدي ويدك وايديهم بذرة .. ولنا جميعا ذات الحلم ..
ممنون حد الزهو بوجودك هنا ..
ودعوة قائمة الى الابد بان تزين نواصي هذا المكان بما تكتب
اكتب يا ودبدر وثق انك ستجد من يقرا .. في الحد الادنى ستجدني دائما اقرأ ما تكتب
كن بخير

الزعيم

الفجر يمتنع البزوغ ، و الصبح آثر الاختباء

و الحرف قد سأم ليالي بعدك ،،،،،،،،،

و اتيناها صابحة لتعلن الشروق ،،،،،،،،

اسقنا شيئاً من صباحاتك

زعيمنا الكاظم
اين انت و الناي قد ملَّ الصمت.

اخى كاظم اللونيه الشديدت التعبير عن ما يخالج الذلت أهم ما يميز رائعتك
لك التحية والتقدير ولكنى مازلت انتظر بشغق أن ارتوى ن جديدك العذب
تحياتى

الرهيف .. كاظم

في اعادة القراءة مرة ومرات

يعظم الاحساس بواقع حالنا اليوم

لا حلا يسر

ولا ..

غدا يطمن

واصبحنا لا نعرف

الي اين نمضي

واين هو اتجاه الابحار

كن دوما صديق .. كما اعرفك

دمــــــــــــــــــت ،،

يا سواح :
كاظم ده وين ....اقصد اين هذا الاديب الاريب ... تحفة خطاها وراح ... شحتفة زرعها من غير ما يكمل .. والله يا كاظم يحلو معك المشوار سيما ورتابة الاشياء تحيطنا من كل حدب وصوب هل انجدتنا ... يقيني بانك فاعل .