عرض للطباعة
سلام ابناء مدنى
اقتراح من اخوكم مغترب قديم يريد الاستقرار
الاقتراح يتبلور فى عمل صفحه خاصه للمغتربيين
تكون عبارة عن عرض بعض الاستثمارات (اراضى
بيوت- دكاكين- مشاريع زراعيه- سيارات -وكل من
شانه ان
يعمل على استقرار ابناء مدنى وارجوا ان يجد اقتراحى
القبول
وشكرا
بسم الله الرحمن الرحيم
أخي مرتضى :
الف تحية ليك ومليون مرة تحية ليك
كلامك خير ماقل ودل
وأنا بضم صوتي لصوتك ايها المغترب عن بلادك ... ردك الله (متى توفقت) لذاك سالما غانما لاهلك انشاء الله
والله فكره حلوه ابوعبدالرحمن يا ريت اخوانا مشرفي المنتدى يعملوا ذلك
تشكر مرتضى على الفكرة ، والكرة بملعب أخونا أبوبكر " الآدمن " وبقية المشرفين الذين لهم باع فى التعامل مع التكنلوجيا .
فكرة حلوة ،، لكن سؤال برئ نلقاها وين البنستثمر بيها دي
رشيد جنابو صباح الخيرات
طبعا الواحد صراحه طول ما ضحك من اعماقوا
بسبب الغربه ومشاكلها وهموما ولكن ردك كان
عسل وسؤالك برئ
نؤيد وبحرارة وبشدة ... الاقتراح يحتاج للوقفة والرعاية والتكاتف.
مرتضي ساتي ليك التحية ،، لكن أنت وود المأذون مالكم يا جماعة فاضحني يعني قلت ليكم أنا بقيت ود ناس والاسماء الملحقة دي ولت كما ولى المساء ،، وإن شاء الله دائماً ضاحك يا مرتضى ويا حليل أيام الضحك بقى ،، ورييي سنون ساكت ،، وربنا يسعدك وإن شاء الله نرجع ونقعد كده كان في سوق الصاغة عشان نشوف ود المأذون بالكرفته الطائرة أو في قدر ظروفك ولا في دار الرياضة في المساء ولا صباح بنصلح في الكركعوبات بتاعتنا عند التيمان ولا غيرهم من حبايبنا المكانيكية ،، آممممممممييييييييين يا رب 00