وين أختنا المشرفة مهيرة ؟؟؟

يا أخوان مسؤولين من الخير .. وين أختفت أختنا مهيرة .. والله نفتدها في ساحة المنتدى الثقافي وبقية المنتديات ..

:confused:

والله ياود فقيري

ما بعرف عنها اي اخبار وفعلا بفتقدها وبفتقد العنصر النسائي عموما في المنتدي

انشاء الله بس تكون كويسه واي حد يجي يطمنا عليها

وأنا برضو أسأل عن الزميله النشيطه، وبافتقدها كمان في منتدى ودمدنيات وطوابع وعملات زمان

هلي علينا يا مهيره بت عبود

وشكرا ليك يا ياسر فقيري على تفقدك لللإخوة والأخوات
وشكرا سالي على تمنياتك بأن تكون كويسه، وبرضو أؤيدك على ان العنصر النسائي غايب عن المنتدى

بسم الله الرحمن الرحيم

لاننا افتقدنا عالما رائعا من الصدق والشفافية في طرح المواضيع العامة والادبية ...

فلابد انها في عالم ما .....

والغايب عذرو معاه

وفي غيابك ياما .............................. كملوا انتوا

ياسر فقيري
وياسر فقيري
وسالي
ولدنا 114 شلوخ عدييل :D
الأمين

إخوة بحق وما سألت منكم شينة
وأخجلتم شعوري عديل
وبين سطوركم دايما
صدقوني

لكم المحبة والمعزة

أختكم دايما مهيرة

البركة بالشوفة أختنا مهيرة ، الشكر لودفقيرى الأصيل وهو يتفقد الجميع شوقاً وتلهفاً .
أكثر مالفت انتباهى ذاك الحضور الماكر لأستاذنا عمر غلام الله وهو " يتلبد " خلف مهيرة ويسأل عنها رغماً عن ظهوره المتقطع ، نأمل أن نراكم على الدوام أعزائنا مشرفى المنتدى الثقافى الذى استقطب بحمد الله خيرة شبابنا الشعراء والكتاب ونطمح ليكون بيتاً للثقافة مثلما كان " محراب الآداب والفنون " مكان إحتفاء قبيلة الثقافة .
تم نقلى مؤخراً للبيت الكبير " ودمدنيات " ونأمل أن نسهم جميعاً فى تنشيط هذا المنتدى الذى يعانى من أنيميا المشاركات وربما يتخوف البعض من اسم المنتدى خصوصاً الأعضاء من خارج مدنى وهنا أحيى الرائعين ناصر الباشا وود بدر لإطلالهما على منتدى ودمدنيات أولاً وهاهم ينثرون الرياحين فى كل منتديات ودمدنى فلهم منا عاطر الود والثناء .

:D
غايتو ياو حامد عليك جنس حسادة
أسع الزول ده ماكنت مشتاق ليهو شديد
وإنت عارف غلام يحب التنقل والتخفي
ويكفي 114 ومنها الي عووضة ومنها الي مارنجان واسع في حي المطار ده لو ما مشي حنتوب
والخبر الأكيد من الماجستير الي الدكتوراة

وده كله ياود حامد ما بعفيهو من أن يكون بيننا في المنتدي الثقافي

دمتم أيها الأصدقاء

كود HTML:

---

ونطمح ليكون بيتاً للثقافة مثلما كان " محراب الآداب والفنون " مكان إحتفاء قبيلة الثقافة

---

ده بقى مطروق اكتر من المحراب بكتير، والشباب ما شاء الله عليهم؛ آخر نشاط وحيوية، ربنا يديم عليهم نعمة الشباب، ونشكرك كتير على مداخلتك القيمة، وفقدناك في الثقافي كمشرف، لكن بنلقاك دائما في بيتك القديم، وسنساهم معك في بناء ود مدنيات، وربنا يدينا الوقت لكل مدني..

والله يا مهيره قربت ابقى زي ابو روان وانحسب من المنتديات من شدة ما حاسس اني مقصر في حقها، خاصة المنتدى الثقافي، لكن ظروف الشغل ضاغطه شويه، وكلما القى فرقه بنط ليكم، بس ما نغيب نحن الاتنين يا مهيره بت عبود مره واحده، لازم واحد يكون موجود على الأقل، وشكرا على الكلام الحلو ده في حقي يا جيد بت الجيد سلالة الأجاويد

الأعذبين بنكهة مدنى : عمر ... مهيرة
امنياتى لكم ولمنتديات ودمدنى بدوام الرفعة والإزدهار ، سنبقى معاً للوفاء ببعض ماندين به لمدنى والمنتدى " على سبيل التضامن - على قول القانونيين ومضابط المحاكم " ، رجاء الإطلال على البيت الكبير " ودمدنيات " .