عرض للطباعة
سلام وسلام ومليون سلام
لدى اقتراح واتمنى المشاركه من الجميع ولنعمل من اجل الاخرة لانه الحياة فانيه
ببساطه شديده والكلام للاخوة المشرفين على المنتدى لعمل حساب وذلك لبناء مسجد
او صيانة مسجد من مساجد مدنى والفكرة بسيطه وكل بفكره حتى تتبلور الفكرة ومنى
انا مبلغ ....... وجزاكم الله الف خير واحسان
اتمنى اشوف رقم حساب واتمنى ان تنجح الفكره حتى نشوف فكره اخرى
اخي مرتضي ..
الدال علي الخير كفاعله ..
الاقتراح جميل ونشوف راي باقي الاخوة كمان
دمــــــــــــــت ،،
والله اخى مرتضى نحن جاهزين ودى حاجة ما دايرة استشارة دا عمل خير ومافى واحد ببخل على مدنى بحاجة نهائيا نحن تحت امركم
مكتول مدنى وسواح شكرا ومنتظر ادارة المنتدى
مشرفيين المنتدى مافى حد عبرنى وين رقم الحساب
علشان نعمل شى عملى وما يكون كلامنا فى الهواء رجاء
الرد من اي مشرف
ياجماعة يامشرفين ليه كده انا عايز رد مقنع موضوعى ده
انساه ولا الناس عندها قناعه بان اهل المنتدى يابسين او جلود
وده ما اظن موجود فى اهل مدنى السنى
والله اقتراحك ما فيهو ولا كلمة وياريت الناس تباشر فيهو طوالي ويا ود ساتي ياها دي ود مدني وناسا وربنا يقدر الجميع علي فعل الخير وباذن الله المشروع ناجح وتأكد انو اعمال الخير ربنا كلها بيسهلها وعموما المساجد بيوت الله وكلنا محتاجين نعمل للاخرة وجزاك الله الف الف خير ومتعك بالخير والعافية يا ود ساتي
يا مشرفين المنتدى لا تجهلوا هذا البوست إنه مهم جداً جداً جداً
أرجو كتابة رقم حساب متفق عليه بينكم وعمل اللازم من تحديد المسجد الذي سوف
تتم صيانته أو بنائه وتعيين شخص موجود في ودمدني ليقوم بهذا العمل
آسف للتأخر فى الرد ...... الإقتراح جيد أخى مرتضى وننتظر بقية الآراء ، وأقترح فتح حساب لأعمال البر بشكل عام.
رقم الحساب سريع
يامشرفين نقطة نظام 00000000000000000
كل الاعضاء تفاعلوا ربنا يعطيكم العافيه
رقم الحساب لانه الدنيا ايامه قليله خلونا نبدا
وهو الرازق الكريم الرحمن
اشكر الكل على المرور والاستجابه وهذه شيمة اهل مدنى الخير الكرم بدون حدود
ياجندي يامجهول انا بقترح انك تتولى الموضوع ده
لانى عارفك جمل شيل وسيد وجعه يلا ماتفشلنى
لانى فقدت الامل للاسف فى المشرفين
والله كلامك جميل وثقة اعتز بها كثيرا يا ابو الرضا ولكن في وجود العمالقة بابكر حامد والبقية اكون تلميذا في بحر مدني والاخ بابكر بصفته قانوني وحكيم هذا المنتدي انا اوليه هذه الثقة وهو قدرها بس نتمني انو ما يكون مشغول وربنا يساعد الجميع لما فيه الخير والتحية مني الي الجميع وسلامي بلا حدود