زول بكل المعاني

كلمة (الزول) تلك اللفظة العربية التي أصبحت تعادل كلمة (سوداني ) في كل مهجر ومغترب، حتى أصبحت شعاراً للسوداني –هي والعمامة- من فصيح العريبة ولها في لسان العرب أكثر من سبعة عشر معني ، فالزول تعني :

1- الكريم الجواد ، أنشد ابن السكيت لمزرد :
لقد أروح بالكرام الأزوال **** من بين عم وابن عم أو خال

2- والزول : الخفيف الحركات قال ابو منصور الثعالبي في حديثه عن الممادح والمحاسن، حين ذكر أطوار الإنسان : فإذا كان حركاً ظريفاً متوقداص فهو : زول.

3- والزول الفتى ، قال محمد بن عبيد الله الكاتب المشهور بالمفجع يمدح عليا رضي الله عنه :
أشبه الأنبياء كهلاً وزولا ً**** وفطيماً واضعاً وغذيا ً.

4- والزول : العجب ، ألا تري أن السوداني إذا استغرب شيئاً قال : يا زول؟! يعني ياعجبي من هذا الشي . قال الشاعر في وصف سير ناقته :
مرفوعها زول وموضوعها **** كمر غيث لجب وسط ريح
فمرفوعها زول يعني سيرها إذا أسرعت عجب من العجائب .

5- والزول : الشجاع الذي يتزايل الناس من شجاعته

6- والزول : الخفيف الظريف الذي يعجب الناس من ظرفه .

7- والزول : الغلام الظريف .

8- الداهية .

9- معالجة الأمر كالمزاولة .

10- التظرف .

11 - الحركة .

12- الصقر .

13- والزولة : المرأة الظريفة ، قال الصمعي : أنشدني عشرقة المحاربية، وهي عجوز حيزبون زولة ..قال أبو علي : الحيزبون التي فيها بقية من شباب

14- المرأة البرزة( الجميلة) الفطنة الزكية قال الطرماح بن حكيم:
وأدت إلي القول منهن زولة****تلاحن أو ترنو لقول الملاحن
والملاحنة هي الفطنة.

15- والزولة : الفتية من الإبل أو النساء ، قال رؤبة بن العجاج:
قد عتق الأجدع بعد رق **** بقارح أو زولة معق

16- ووصيفة زولة : إذا كانت نافذة الرسائل

17- ويقولون فلان رامي الزوائل : إذا كان خبيراً بالنساء ، قال الشاعر:
وكنت امرأً أرمي الزوائل مرةً****فأصبحت قد ودعت رمي الزوائل
فهذا رجل كان يجتذب النساء في شبيبته بحسنه فلما أسن أنصرف عن ذلك .

فالزول والعمامة شعار سوداني- وأكرم به- ونحن نسعد ونفخر أن يكون شعارنا كلمة عربية فصيحة في قمة الفصاحة هي ( الزول) ، وسنة نبوية وعادة إسلامية عربية أصيلة هي ( العمامة) والعمامة لباس النبي صلي الله عليه وسلم وأصحابه والتابعين والأئمة والفقهاء . وقد كانت لباس العرب قبل الإسلام حتى قالوا( العمائم تيجان العرب)
ومن الشائع في كلامنا أننا نقول( فلان زول الله أو زول جنة) إذا كان طيب القلب سليم الصدر ، والسودانيون عموما معروفون بطيبة القلب –وهذا مصدر فخرنا- ولكنهم ايضأ مشهورون بأنهم كالكبريت أو البنزين في سريع الاشتعال وفي الحالتين لا يشتعلان إلا بمثير ، والطيب ايضا يبقى طيباً إلي أن تثيره وتحرك فيه ما يخدشه فيغضب ويشتعل.
قيل لأحدهم ما تقول في السوداني و...؟ وذكروا جنسية أخرى ، فقال عن الجنسية الأخرى: ( هو كالسيجارة ندري أنها تضرنا ومع ذلك نتعاطاها، أما السوداني فهو حليو زي البيبسي ، بس لا ترجو).
ولنكن أزوالاً بحق نرفع اسم السودان يشرفنا ونشرفه. منقوووووووووووووووووووول

تسلم يا زول
على المشاركة والمغزى
نحن بنقول سااااي
كلام كتير ورثناه وراثة أباً عن جد
وفي ثقة عميقة إنو الكلام ما بطلع من إطار
الصفات الكريمة اللي بتميزنا كسودانيين إن صح القول
وأجدادنا بأصالتهم كانوا اصدق وأأمن رسول لما نتداوله من مصطلحات وكلمات
لك تحياتي أخي زيكو لهذا الاثراء بالمعني

الله يديك العافيه و تمتعنا أكتر بمشاركاتك

الاخ العزيز زيكو00 الاتوافقنى بأننا نستعمل كلمة زول,, بطريقه مفرطه,, وكثيره حتى اصبح كل من هب ودب00 يتندر علينا بهذه الكلمة ((زول)) والتى صرت اكرهها كثيرا00 لان الناس يستفزونا بها فى الغربه 00 يعنى السوريون عندهم كلمة مشابهه وهى ((زلمى )) ولكنهم لايستعملونها بهذا الاسراف الذى نستعمل به كلمة زول وكأنه لاتوجد كلمه فى اللغه مرادفه لها اوكلمة تحل محلها

ياخي ما تزعل رايكم شنو نستخدم يا شخص
هاهاهاهاهاهاهاهااهاهاهاهاه كنت بهظر
معاك حق و انا كمان بقيت اكره الكلمه دي