http://www.asacorner.com/pix/mama.jpg
http://www.asacorner.com/vcard/create.php?card_id=36
عرض للطباعة
لك كل الود يا اخ / علي ..
فالأم أعظم ما نملك ... وأعظم هدية من الخالق لعباده ..
وستظل دوما معنىً لا يقدر بثمن ..
أخي علي ...
أقدم لك هذا الفلاش .. وهو إحدى أعمالك الغالية جداً ..
اهديته لكل أمهات العالم .. كما أهديته لنا ...
كيف نشكرك يا رائد الفن الحديث ..
لك خالص ودي .. وإمتناني ..:)
شكرا ليك تعبت وانا افتش كود الفي بي حق الفلاش شكرا ليك لعرض الفلاش;)
..
اقتباس:
المشاركة الأصلية كتبت بواسطة Ali_Saad_Ali
الحبايب ...أولاد أمي ..علي وسامبا
يعني في داعي تجهجونا وتخلّو عويناتنا يرقرقن و دميعاتنا المتحايلات ما يصدقن يلقن ليهن فرقه ذي دي..في داعي لي شحتفت الروح دي...
أستغفر الله...ياحليلك يا أمّي...وكر علي أنا الطوّلته منّك... والله روحي مارقه فيك يا أمّي...الغربه تطير يايمّه... وأنا ذاتي أطير واقع في البير الفتّك وباريت الغربه...
ود الماحي
الاخ علي سعيد،
أهلا ومرحب بيك بين أخوانك وأخواتك يا راجل يا فنان،
مهما قلنا من كلام في الأم لن نفيها حقها..
أححح.. الله يرحمك يا أمي..
ربنا يخلي ليكم أماتكم ويطول في عمرهن.
الأم مدرسة.. إذا أعددتها..
أعددت شعبا طيب الأعراق
الآخ سامبا،
ما تورينا الحركات الحلوة دي بتسوها كيف بالبرامج العربية.
أكون شاكر لو أرسلت لي علي الخاص:
عزيز عيسى
اخي العزيز ..
عزيز عيسى ..
تحياتي يا غالي ..
انا رسلت ليك رسالة على الخاص ..
وكمان انشاءالله قريب ارسل رسالة تانية بخصوص الأغاني ..
بس رضاك يا غالي ..
الله يجازيكم ..... دي حركة تسوها فينا هسي ... ما تخلونا في حالنا يا أخوانا .. الفينا مكفينا ...
ود أميّ يا حبيب روحي علي سعد علي
الموضوع ده نكتوا لينا من وين ...
المبدع سااااامبا
ياخي ربنا يديك ألف ألف عافية وعليك الله رسِّل لي أنا ذاتي الطريقة على الخاص
الرائع جمال الماحي
عليك الله كدي تعال أزرف معاك الدمعات دي .... ياخي إنت والله خليتني أجعِّر عديل كده.... ياحليلك يا أمي ... يا أمي أنا قصّرت في حقك كثير ... يا يمّا عفوك ورضاك يا يمّا .... ملعون أبو الغربة .... يا حليلك يا يمّا ...
عزيز عيسى
يا ود أبوي .. الله يرحمها يا رب ... ويجعل الجنة مثواها .. اللهم اغفر ليها وأحسن ليها ... يا رب نقها من الذنوب والخطايا كما ينقى الثوب الأبيض من الدنس ... اللهم نوِّر لها قبرها واجعله روضه من رياض الجنة ... اللهم ثبتها عند السؤال وعلى الصراط .. اللهم ظلها بظلك يوم لا ظل إلا ظلك ... اللهم شفّع حبيبك محمد فيها .. اللهم أدخلها الفردوس من الجنة ... اللهم لا تفتنّا بعدها ولا تحرمنا أجرها .. أصدق التعازي ليك يا عزيز عيسى وربنا يجمعك بيها في أعلى جناته .. اللهم آمين...
لا لا لا .. يا أخوانا والله ما قادر ... أنا صراحة داير أتفشى ... فرجاء خاص لازم كل زول في المنتدى يدينا كلمة ...
الاخوة على سعد وسامبا لقد فتحتم موضوعا حساسا خاصة ان معظم الاعضاء ان لم يكن كلهم مغتربين بعيدا عن امهاتهم والله العظيم كادت الادمع ان تطفر من العيون وعموما هذه السيرة حساسة حتى عندما تكون مرتميا فى حضن الام وانت تقبل ايديها الطاهرة
وانا من هنا اقول لامى لقد قصرت فى حقك كثيرا وارجو ان تكونى راضية عنى واسال الله ان يعيدنى اليك كما تشتهين واجدك فى اتم الصحة والعافية امدك الله بهما واطال عمرك
اللهم آمين
مشكوريين اخوتى على سعد وسامبا
والله يا امين بعد كلامك ده بالذات .. انا جري مشيت اتصلت على امي
مع إني كلمتها الليلة مرتين ..
ربنا يصبرنا يا غالي
الرائع جمال الماحي
عليك الله كدي تعال أزرف معاك الدمعات دي .... ياخي إنت والله خليتني أجعِّر عديل كده.... ياحليلك يا أمي ... يا أمي أنا قصّرت في حقك كثير ... يا يمّا عفوك ورضاك يا يمّا .... ملعون أبو الغربة .... يا حليلك يا يمّا ...
فردا الحبيب ...أنفرد بيك وين يا فردا عشان نجعّر سوّي...نجعّر بي طول حسّنا...كر علينا يا فردا الهمّلنا أمّاتنا...ياحليل أمّاتنا يا فردا..كر علينا الجدعنا أمّاتنا...المغتربنلها شنو يا فردا...خلاص يافرده كفاك أأأبوي كطّعته مصاريني...وفقعته مرارتي ...أستغفر أأأبوي ...والله الجعّير لو بجيب فايده أأبوي نجعّر لي باكر...أستغفر أأبوي ما تنخجّ لي قدر دا...مالك داير تندمني علي جعّيري معاك...خلاص خلاص أأأبوي امسك أشرب المويه..نزّل بيها العبره دي....يعني يا فرده أنتي هسه حالتك كدا أمّك تكون حالتا كيف..؟؟؟ أها رجعته تبكي تاني...يا ربّي دا يسكتوهو كيف؟؟
خلاص أأأبوي ورح أبو ظريفه نعبيها فتّه وأقاشيه ونطق الحنك مع الشباب ونتم باقي الجعره الاسبوع الجاي ...والجايات أكتر من الرايحات أأأبوي...
ود الماحي
أمي
--------------------------------------------------------------------------------
ضل الضحي الرامي ..... وشمس شتوية دفاية
وريحة البن ... لما يفوح في قلاية
وفروة جدي .. صورة جدي .. لمن جيت أمد يدي
وجدي ... أديني تعريفة .. (( بتقراء الحمدو يالمبروك ))
بقراها
وشأن تعريفة ألقاها ... بجود في القراية كمان
وإيه يا يمة والله زمان ...
مشتاق يا يمة لي ملاح النعيمية ...
وريحة صاجك المحروق ... لما تسوي طعمية
وغباشة روب ... وعنزة حلوب
بدور أرحل أجيكي هناك
ضاقت بيا يمة هنا
بدور أتمسي بعيونك ... وأ صابحك يا حبيبتي أنا
صباح الخير علي عيونك ... أتاري الدنيا من دونك
شينة ومرة ما بتندار
دي مرة مرارة يايمة ... دي مرة وحارة ذي النار
ولو بدوري أحكيلك عن أحوالي في البندر
من وين عايزة أحكيلك
من وين أبداء بس من وين
دة شيتا كلو شين في شين
هنا الزول العديل ونصيح ... وحاتك إنت يا الغالية
بعيش حياتو يوماتي بي وشين
وزولتي الحتة حبيتها ... لقيتها براي تحب زولين
وإيه يا يمة ... والله زمان ... وأنا والحزن متواعدين
شرابنا المر .. طعامنا المر ... ونفرش من رصيف الذل ... فراش وغطي
وقرايتي الجيت أنا عشانها ..... مرات بمشي للجامعة ... تمامة عد
مخنوق يمة داير أموت ... ناس تاكل في بعضيها ... ناس أشباها ذي الحوت
أخيرا أرجع أجيكي هناك ... ضاقت بي يا يمة هنا
بدور أتمسي بعيونك ... وأصابحك يا حبيبتي أنا
صباح الخير علي عيونك .... أتاري الدنيا من دونك شينة ومرة ما بتندار
دي مرة مرارة يا يمة ... دي مرة وحارة زي النار
وقشة عيني من النوم .... بشيلها معاي هموم باكر ... قبل ما أبداء هم اليوم
أختها خطوتي الأولي أعدي الباب ... تبداء تدق طبول الهم
خواطر تذهل الألباب ... وأقابلك يا شوارع الجن ... أشد وتر الحزن وأعزف
تموت غنواتي يا يمة ويخنقني الغنا وأنزف .... خيال بيتنا الحنين يرجف
خيال بيتنا القديم يهتف .... صور تنزاح وتتلم
وأشوفك بي خيال حالم .... تشاوري و ترقص السبحة ... ملامح العابد الصايم
تشع فوق جبهتك سمحة .... وشيبك يحاكي ضي النور ... مزدان يمة في الطرحة
وتبسم لي ... أمد إيدي ... أقول أتلافاكي يا السمحة
يتلاشي الحلم وأصحي ... ويتقطر عرق مالح ... وزي عصفورة منجرحة
فارقت الفضا البارح وإيه يا يمة .... والله زمان
وهم .... كل المدن وهم .... وهم غرقانة في زخم الحضارة الغم
حضارة بتحصد الإنسان وتزرع في مكانو الغم
وقصر القول
شايل اللوم ............ ويوما جابني للبندر وحاتك إنتي يا الغالية ... دة يوما شوم
ولابسني الخجل ... من راسي لي كرعيا ... شايلو و أحوم
وهادي الحالة في الخرطوم ... بس عايش ... شقي ومهموم
وإنت .............
الله يسلمك
أمي الله يسلمك
ويديكي لي طول العمر في الدنيا يوم ما يألمك
أمي ( دار السلام )
يا حصني لو جار الزمان
ختيتي في قلبي اليقين ... يا مطمناني بطمنك
خيرك علي بالحيل كتير ..... يا مرضعاني الطيبة بالصبر الجميل
يا سعد أيامي لو درتي قلبي أسلمك
أنا مهما أفصح عن مشاعري ... برضو بيخوني الكلام
وقولة ( بحبك ) ما بتكفي .... وكل كلمات الغرام
يا منتهي الريد و مبتدا .... إنشأ الله ليا يسلمك
ويديكي ... لي طول العمر .... في الدنيا يوم ما يألمك
( أمي الله يسلمك ) ......................... التجاني حاج موسي
مهداة لكل أمهات أعضاء هذا المنتدي .......
الأخوان الأحباااااااااء
عزيز عيسى
الفردة / عبدالمنعم
لكم خالص شكري وإمتناني .. وشكر خاص للأخ العزيز / علي سعد
وإنشاءالله ألبي لكم طلبكم عاجلاً جداً ..
يمى
يمى يمى
يمى يمى يمى
يمى يمى يمى يمى
يمى يمى يمى يمى يمى
يمى يمى يمى يمى يمى يمى
يمى يمى يمى يمى يمى يمى يمى
يمى يمى يمى يمى يمى يمى يمى يمى
يمى يمى يمى يمى يمى يمى يمى يمى يمى
يمى يمى يمى يمى يمى يمى يمى يمى يمى يمى
يمى يمى يمى يمى يمى يمى يمى يمى يمى يمى يمى
يمى يمى يمى يمى يمى يمى يمى يمى يمى يمى يمى يمى
يمى يمى يمى يمى يمى يمى يمى يمى يمى يمى يمى
يمى يمى يمى يمى يمى يمى يمى يمى يمى يمى
يمى يمى يمى يمى يمى يمى يمى يمى يمى
يمى يمى يمى يمى يمى يمى يمى يمى
يمى يمى يمى يمى يمى يمى يمى
يمى يمى يمى يمى يمى يمى
يمى يمى يمى يمى يمى
يمى يمى يمى يمى
يمى يمى يمى
يمى يمى
يمى
الله يديكم العافيه و خلي لينا امهاتنا
ماماماماماماماماماما ماماماماماماماماماما
ماماماماماماماماماماماماماماماماماماماماما
ماماماماماماماماماماماماماماماماماماما
ماماماماماماماماماماماماماماماماما
ماماماماماماماماماماماماماماما
مامامامامامامامامامامامامام
ماماماماماماماماماماماما
ماماماماماماماماماما
ماماماماماماما
ماماماماما
ماماما
ماما
ما
يخوانا ما لكم عاملين كده
كدي قولوا بسم الله وادعو لأمهاتكم انه ربنا يحفظهم ويخليهم ليكم بصحة و عافية
بالله الناس من قولت تيت جعروا
كدي سمو بالرحمن تاني
لا حول ولا قوة الا بالله
الحالة لاكن ما صعبة
وأمانة فراق الأم ماهين
اهي اهي اهي اهي اهي اهي اهي
اخ علي انت وسامبا حقيقه خليتونا نتمنى لو اننا نكون في السودان عشان الواحد صحي يقالد امه ويضمها الى حين يشبع منها وما اعتقد ان الواحد بيشبع من امه ولو العمر كلو والله يحفظ للجميع امهاتهم ويطول في عمرهن يارب وشكرا ليك على الاغنيه الحنينه دي
الله يطول عمرها ويديها الصحه يارب
الرائع علـــــــــــي ..
الام اكبر ان نعلق عليها بكلمات ..
او ،
ان نصفها في اسطر وابيات ..
او ،
ان نرسم لها لوحة فوق سحابة .. لتحملها وتذهب بها بعيدا
لتريها كل البشر ...
انها الاعجاز ..
انها الانجاز ..
انها كيان وانسان يشاطرنا كل شئ ..
الروح .. الدم .. العقل ..
انها اعلي احساس لا يخيب ،
انها دمعة فرحة علي خدها ،
قبل انها تنزل من اعيننا
انها دفء برد الشتاء في جليده
انها الوطن الاول ..
انها ...
انها ...
الا يكفينا ان الجنة تحت اقدامها ؟؟؟
دمـــــــــــــــــــتم ،،