http://www.asmilies.com/smiliespic/t...a0asmilies.gif
الإخــــــــوة الأعـــــــــــــــزاء .
اليــــــــوم يحمل في طياته نكهة خاصة جداً ..
http://www.asmilies.com/smiliespic/FAWASEL/048.gif
لأن ضيفنا أخ عزيز جداً .. وخااااص جدا ..
يحمل الكثير المثير بداخله ..الجانب الآخــــــر من شخصيته ..كلنا امل في ان يكشف لنا منها ..
من هو نبيل حمدتو ؟
http://www.asmilies.com/smiliespic/FAWASEL/059.gif
يا سااامبا
أمس كنا متعشين مع النجم نبيل حمدتو فتة فول وأقاشي وكبده
لكن بالجد ده حيكون كرسي ساااخن جدا هههههه
المشرف حمدتو
الحلة بلة من القيد والزلة
وجاك الدور يا جمدتو
ارجو انك تستمتع بيهو زي ما انا كنت مستمتعة بيهو
اختك سوار الياسمين
http://www.asmilies.com/smiliespic/t...a5asmilies.gif
السلام عليكم ورحمة الله تعالى وبركاته
اولاً: اشكر اخي سامبا لاستضافتي على (الكرسي الساخن) ..
ولكنني اختلف معكم على هذا المسمى فهذا الموضوع الجميل يجعلنا نقترب من بعضنا البعض اكثر واكثر فمن خلاله تعرفت على الاعضاء وكأنني اعرفهم عن قرب ..
فاقترح تغيير اسم الموضوع من (الكرسي الساخن) إلى أي اسم آخر..
والا رأيك شنو يا سوار الياسمين ؟
ثانيا: انتهز هذه الفرصة وابارك للمشرفين الجدد واتمنى لهم التوفيق انشاء الله وكل الشكر والتقدير لاعضاء منتديات ودمدني فبهم يكون التميز والارتقاء لمنتدانا
نبيل عصام الدين عابدين حمدتو
مهندس كهرباء- بشركة هايدر الاستشارية – ابوظبي
مواليد حي المدنيين 23/4/1972
وكنت متعشي أمبارح فتة فول واقاشي وكبدة في ابوظريفة مع الزول الفرده عبدالمنعم واسامه بابو وحسن الحبر وابوجعفر
انشاء الله ارتحته يا فرده
أبو ظريفة ده ذي موقع وادمدنى ده 00 بجمع ناس مدنى كلهم 00 فتة الفول والكبدة حاجة تمام 00 لكن نصحيتى ليك حاول تقلل من أكل الأقاشى بالليـــــــــــل 00 أوعى واحد من ناس أبوظريفة يسمعنى ، يزعلوا مننا تاني نتعشى ويــن !!!
الغريبه انا امس متعشي عند ابوظريفه بس ما لاقيتكم اسأل اخونا حمتدتو كان في فكرة تكوين رابطة ابناء ودمدني في ابوظبي وكنتم متحمسين جدا للفكره انت وبعض الاخوان الاعزاء واخونا رياض يونس لماذا ماتت الفكره وهي في مهدها السؤال التاني العرس متين ياحمدتو؟
ياالله يا أبو الضاد 00 انا أول المتحمسين للفكرة ولن نألوا جهدا في سبيل أي شىء عشان مدني وأهلها
حياكم الله وشدوا الهمة !!
نبيل
ضياء الدين
زول فرده
فتة فول وأقاشي وكبده عند أبوظريفة.. أكيد دا كان عشاء مدنكل..
ولو ما ذكرتوا الكبدة كنت حأقول ليكم كنتوا في الدباغة
يا بتاعين الأقاشي..
عرفنا الكبد كمان جابت ليها أقاشي؟ الله يستر عليكم..
وبالهناء والعافية..
إنت يا نبيل أبوظبي فيها أقاشي؟
يازول يا فرده.. بصراحة أنا إرتحت لأسلوبك في الكتابة
وعايزين نعرف إسمك الحقيقي؟
أنا برضو زول فرده.. والفردات كتار في المنتدى.
يا ريت تغير اللقب للأسم الحقيقي علشان تكون لينا أقرب.
وأسمعوا نصيحة أخوي الفاتح.. بيقول ليكم قللوا من أكل الأقاشي بالليل..
أكيد الراجل دا عارف سر في الأقاشي.. ما تنورنا ؟؟
الفاتح الضو
اهلا وسهلا بك في منتديات ودمدني ونتمنى لك قضاء امتع الاوقات انشاء الله
زي ما قال ليك عزيز عيسى السر شنو؟
لانو وبصراحة اصبح ادمان ابوظريفه والاقاشي والسبب كله الزول الفرده
http://www.asmilies.com/smiliespic/FAWASEL/ff141.gif
ضياء الدين
والله فكرة الرابطة مازالت موجوده بس الشباب هنا زي ما انت عارف جري شديد وصعب يتجمعوا وكان آخر تجمع الدورة الرمضانية بالنادي السوداني ...
وأمل انشاء الله أن تقوم بشكل فعلي وليس للمناسبات فقط ..
بس همتكم معانا انت والفاتح وباقي الشباب ...
العرس قرب انشاء الله ياضياء الدين
http://www.asmilies.com/smiliespic/FAWASEL/ff141.gif
عزيزنا
والله عشوه مدنكله شديد كانت والاحلى منها لمة الشباب...
الزول الفرده يا عزيز اسمه عبد المنعم ذانون يعمل بوزارة الاعلام بابوظبي ..
أبو ظريفه والقعدات طريفه...
العشي فتة فول ما رهيفه...
والفردات مركلسه بهناك صيفا وخريفه...
عشان تتم الناقصه الاقاشيه لازم معاهو النيفه...
وأنا علي الشربوت والبقنيّه أم ذبد ما خفيفه...
مشاققه...نطالب بتحويل الكرسي الساخن الي أبو ظريفه ... أقاشيه ساخن ..فته ساخنه...كبده ساخنه..شطّه ساخنه مولعه نار...والجو يبقي ملهلب...والرهيفه التنقد...
ود الماحي
غايتو يا حمدتو قلبتو الكرسي الساخن مطعم عليييكم الله كان من علقتو المنيو هاهاهاها
سعيده جدا بوجودك هنا لتجعلنا اقرب اليك من اي وقت مضي ,, خلينا ننسي شويه حكايه الالفه الواقفه فوق راسنا طوالي دي ..
حدثنا عنك وعن غربتك... وعن كل ما تريد منا ان نعرفه دون عناء الاسئله قص علينا من انت بأريحيتك المعتاده .... احنا في الانتظار
ود الماحي
والله صحي كلامك الرهيفه التنقد ... ابوظريفه ده اولاد مدني كلهم فيهو وبعدين الماسك ادراته امير حفره وانت عارف شعبيته كبيره كيف في مدني وحسي شعبيته كلها اتحولت لابوظريفه ...
http://www.asmilies.com/smiliespic/FAWASEL/052.gif
اميمة عشرية
كل ما لذا وطاب موجود في ابوظريفه من غير منيو ... انت بس اتشهي ...
والله يا اميمة اخوك الغربة دي ما واقعه لي كلو كلو ولكن ......
انشاء الله بكرة تروق وتحلى .....
نبيل عصام الدين عابدين حمدتو
تربيت ونشأة في منزل جدنا عابدين حمدتو رحمه الله (بيت العيلة) في حي المدنيين مربع 10
درست الابتدائي بمدرسة البندر واكملت دراستي بابوظبي المدرسة الاعدادية عمر بن عبد العزيز
والثانوية بمدرسة المتنبي والجامعه ام درمان الاسلامية - كلية الهندسة – كهرباء وحاسوب
وبعد التخرج سنة 99 عملت بالخرطوم وجيت أبوظبي 4/12/2002
الأعزاء 00 حمدتــو / عزيز عيسى/ ود الماحي / أميمة عشرية/ ضياءالدين/ الفرده/ مكتول مدني/ 000 وكل من فاتنى ذكرهم وهم في البال 00 صباحكم خيـــر وأهديكم أجمل التحايــا
ما أجمل الصباح حين يتنفس بذكر ( اللــــــــــه )
فصباحك جميـل 00 ووجهك سعيد 00 وطريقك ورد
صبـاح الخير والسرور لجميع المتواجديـــن
أبدأ صباحك بهذا الدعـــاء :
" اللهم يا رحمن يا رحيم إنى أسألك صحة في الإيمان 00وإيمانا في حسن الخلق 00 ونجاحا يتبعه فلاح 00 ورحمة منك وعافية
ومغفرة منك ورضوانا 00 وفرجا للهم ومخرجا فيه وقضاء للديــن 00 آميــن آميـــن آميـــن 0
ولا تنسونا من الدعـــاء
( جمعـة مبـــــــاركة )
------------------------------------
أما بالنسبة لتساؤلاتكم عن سر الأكثار من أكل الأقاشى بالليــل 00 يا جماعة الحيطان ليها آذان
وأنا زول ساكن قريب جدا جدا من مطعم أبوظريفة 00 يعنى أقل تنقاص في مبيعات (الاقاشى)
حتى وإن كانت لاسباب أخرى 00 ممكن الحرب تعلن علي من آل أبوظريفة 00
فعليكم بالاقاشى ليلا ونهارا فهو مفيد للصحة العامة وبفتح الذهن وبخلي المزاج عال العال
وتحياتي للجميع 00 الفاتح
نرحب بالاخ حمدتو علي الكرسي الساخن وبنتمني نتعرف عن قرب علي ذلك النبراس الذي يضئ منتدانا بفكره وجهده ووقته الثمين..
1/ لكل انسان حلم يسعي لتحقيقه وهدف يصبو اليه حدثنا عن طموحاتك ...
2/ ما هو تقيمك لمنتدي ود مدني حتي الان ؟ ( المواضيع تعليق الاعضاء عليها مدي فاعليه العاعضاء عموما)
مرحبا بالاخ نبيل حمدتو علي الكرسي الساخن
ودايرين نتعرف عليك اكتر وشايف الشباب ماسكنك فقط من ناحية العشاء بالاقاشي والكبدوياريت نتعرف عن حياتك اكتر متزوج عازب ولا
خــــــــــــــــــــــــــــــــــــاطب
ولازم تكون صريح علي (الكرسي الساخن).؟
اولا الشكر موصول لسامبا ... والله من كثرة ابداعك مفروض تكون البرازيل كلها . وبشكرك لاستضافة بن عمي نبيل ولي مداخله ربما لا يقدر نبيل ان يقولها عبر المنتدي وهي فرصة لتعرفوا مكنون هذا الانسان من دون مجاملات
ترعرعنا انا ونبيل منذ نعومة الاظافر معا منذ الروضة وحتي السنه الخامسة الابتدائية في مدرسة البندر ذلك الصرح العملاق والذي كلما مررت بقربه في كل اجازه اشعر بالمفخرة والحنين ، ثم تقاسمنا السكن في المرحلة الجامعية طيلت سنوات الدراسة الجامعية .
وكما قال ابو عركي البخيت عن حبيبتي انا بحكي ليكم فانا احكي عن تؤم الروح إن جاز التعبير
رجلا يتحلا بكل صفات النبل والاخلاص ( اسما علي مسما ) دمث الاخلاق ، طيب المعشر ، طويل البال ، صبور في النوائب ،
طويل العماد رفيع النجاد اذا ماشتا .... من دون مبالغة
بدور علي الحبيب عن عروس ومن كثرة ما بكلم فيه عن هذا الموضوع هو والاخ ايهاب تعبت وذي مابقولوا تعب حماري لدرجة اني لا كثر من 3 اسابيع من شهادتهم ذي ما قيل قبل ذلك البقنع الدجاجة شنو بالزواج الان البقنع الديك شنو بالعرس بس هو ما داير اجي علي طوعي كنت بتمني اتزوج اختي لكن هو شكلُ ماعاوز اتزوج من الاهل ذي ود عمو ابو العيال .
اما بالنسبة للعشاء في ابوظريفة مع زنون ، وبابو فنبيل ملك اكتشافات الاكلات السودانية المحندقة وبالرقم من ذلك لا يتعدي وزنه خفيف الريشه .( طبعا كان نفسي اكون باكل في الاقشي والكوارع لكن لا تعليق )
الوجيه حمدتو سلالالالالالالالالالالام
أطرف موقف مر بيك يا حمدتو؟
وأحرج موقف مر بيك ؟
العزيز معتز حمدتو...والله أشهد انك راجل ود رجال...كون تتمني انو يتزوج أختك والله مافي رجاله أكتر من كدا...واهلنا العرب بقولوا أخطب لاَختك قبّال تخطب لاخوك...أنا بعجبوني الرجال المتلك أأأبوي....الله يخدّر ضراعك ويكتّر نفاعك...اقتباس:
المشاركة الأصلية كتبت بواسطة معتز- حمدتو
ود الماحي
الزول الرائع حمدتو
التحايا و الاجلال
مقترحات في الخاطر لتطوير المنتدى
مقترحات و افكار حبيسة الادارج
اقتراح الاخوه سواح و سامبا و ابو بكر حامد
باقامة تجمع كبير للاخوه اعضاء المنتدىيتخلله كرنفال ثقافي :
امكانية تحقيق الفكرة و ما يواجهها من مصاعب المسافات و ظروف الاعضاء المختلفة .
لك وافر الاحترام
شنو يا نبيلو .. الأقاشي سخّن معاك ولا شنو ... ما ترد على النجوم ديل ...
تحية كبير لأخونا معتز حمدتو .. وأنا بآزرك في عملية زواج نجمنا .. لأنو ما في أي معنى لتأخره عن الزواج أكثر من كده ولا شنو يا نبيلو..
غايتو د كرسي ساخن و لا مطعم و كان مطعم(( البياكل لوحده بيزور ))
لكن كان كرسي ساخن أرجو انو مايحرق زول و الا حنفقد المنتدى
فأنى مع أخوي حمدتو في تغير الاسم ولا شنو
http://www.asmilies.com/smiliespic/FAWASEL/000.gif http://www.asmilies.com/smiliespic/FAWASEL/000.gif
اخواني واخواتي الاعزاء آسف جدا للتأخير بالرد على اسألتكم ولكن هذه الايام ظروف عملي اختلفت ومشيت مشروع جديد بعيد عن ابوظبي المدينة يا دوب الزول يجي ويتغدا المغرب يأذن فلكم العتبى حتى الرضى
http://www.asmilies.com/smiliespic/FAWASEL/000.gif http://www.asmilies.com/smiliespic/FAWASEL/000.gif
الفاتح الضو
شايفك رجعته في كلامك يعني ... لكن برضو انا بكلم امير حفره ...
لك كل التحايا يا غالي
http://www.asmilies.com/smiliespic/FAWASEL/008.GIF
وهيب
شكرا على هذه الكلمات الجميلة وأمل أن اكون عند حسن ظنكم دوما
كما أحيك على هذه الاسئلة الجميلة ... بالنسبة لطموحاتي وأحلامي كثيرة وربنا يقدرنا على تحقيقها بس دعواتكم لينا
وبالنسبة لتقيمي للمنتدى ...
بطبيعة الحال لا استطيع أن أقول بأن منتدى ودمدني وصل إلى الكمال ولا يمكن أن أظهر إيجابيات المنتدى وأهمل السلبيات الموجوده به ... فالزول لما يذكر سلبياته قبل إيجابياته يكون وضع قدمه على الطريق الصحيح .
وحتى نضع منتدانا على الطريق الصحيح لابد من ذكر السلبيات التالية :
أولا: هناك الكثير من المواضيع المنقولة التي لا تخدم أو تفيد الأعضاء في شئ فيجب الكف عنها والتركيز على الاعمال والمحاولات الشخصية للعضو حتى يصبح لمنتدانا هويته الخاصة ...
وفي حالة نقل موضوع مفيد للاعضاء لابد من اعطاء صاحب الموضوع الاصلي حقه الأدبي.
ثانيا: هناك خلافات داخلية تحدث بين الاعضاء يتم طرحها على المنتدى وهذا يضر بالمنتدى.
ثالثا: بعض الاعضاء يرد على موضوع عضو آخر برأي أو نقد جارح يحطمه من المواصلة ... أو لا يجد العضو رداً على موضوعه فيشعر بالغربة ... وهذا تقصير مننا نحن كمشرفين فالردود والتعليق على الاعضاء واجب المشرفين قبل الاعضاء.
رابعا: كما أن هناك بعض الاعضاء يضع صور لا تتناسب مع اعرافنا وتقاليدنا ومنافية للذوق العام ... وهناك من يضع صورة كبيرة او عدة صور في التوقيع تبطئ فتح الموضوع وخاصة بالنسبة للأعضاء الذين يستخدمون الدايل أب.
ولكن ليس كل ما بالمنتدى سيئاً فهناك الجيد ...
فمنتدانا فيه عدد لا بأس به من الأعضاء المميزين وشفنا أعمالهم الخاصة على الموقع والمنتدى وكلها أعمال ممتازة سواء نصية أو شعرية أو فنية أو فكرية أو ... وهؤلاء الاعضاء أراهن على موهبتهم الفذة ومستقبلهم الواعد
كما أراهن على أن منتدانا أكثر المنتديات حميمية وترابطاً بين أعضائه .
http://www.asmilies.com/smiliespic/FAWASEL/008.GIF
مهند
مرحبا بك في المنتديات نتمنى أن تجد كل ما هو مفيد وممتع
والله يا مهند ابوظبي كلها عرفت اننا في اليوم داك مشينا اكلنا اقاشي وكبده والبركة في الزول الفرده
بالنسبة لسؤالك لا متزوج ولا خاطب لكن نويت أبدأ ادور يا داب وربنا يرزقنا ببنت الحلال ....
http://www.asmilies.com/smiliespic/FAWASEL/008.GIF
أبن عمي
شكرا على الكلمات الجميلة القلتها في حقي دي وفعلا أبومحمد اخي وابن عمي وصديقي منذ الطفولة ففي ايام الجامعة رحلنا معا من مدني إلى الخرطوم وعاش معي كل ايام الترحال من الثورة الحاره الخامسة للحارة الثامنة ومنها لداخلية جامعة الخرطوم كلية التربية وفي المسالمة كنا مع اخونا العزيز ياسر فقيري وبعدها لشقة أوماك الرياض
ايام لا تنسى حقاً.
فدوى الحسن
أختي العزيزه فدوى والله قدر ما حاولته اذكر لي موقف طريف او محرج ما لقيت حسي ولكن أعدك ارد على سؤالك اول ما اتذكر لي موقف طريف او حرج .. لك مني كل التقدير
http://www.asmilies.com/smiliespic/FAWASEL/011.gif
جمال الماحي
ما بقدر الرجال إلا الرجال ... وأنا كمان بعجبوني الرجال المتلك أنت وأبن عمي والله يخدر ضراعكم ويكتر نفاعكم
http://www.asmilies.com/smiliespic/FAWASEL/011.gif
ناصر الباشا
انت الاروع والله وحقيقة ما مجاملة أنت مكسب حقيقي للمنتدى ... إلى الامام دوما انشاء الله
بالنسبة للمقتراحات والافكار حبيسة الادراج ... فالمقترحات كثيرة والطريق طويل بس الزاد قليل ...
فهذه المقترحات صعبة التنفيذ في حالة التراخي وسهلة وبسيطة إذا تم التكاتف بين الأعضاء والأهم من ذلك الاقتناع بالفكرة ....
فمثلاً:
أن نقوم بتسجيل موقع ودمدني بالسجل التجاري ويصبح كشركة أو مؤسسة بين أبناء ودمدني وأن يصبح لهذه المؤسسة أنشطة متعددة تجارية وثقافية و... و ...
وأن تتبنى المواهب وتقوم بطباعة وترويج اعمالهم ....
وأن تدعوا هذه المؤسسة الشركات والمؤسسات والبنوك للاعلان عبرصفحات الموقع ...
وأن يتم التعاون مع حكومة الولاية حتى يصبح الموقع النافذه الرئيسية للمدينة ....
أما اقتراح الاخوة ابوبكر حامد وسامبا وسواح جميل ويمكن تنفيذه لو كل مجموعة قريبين من بعض مكاناً قاموا بتنفيذ الفكرة ... صحيح حتكون على نطاق ضيق ولكن بعد كده ممكن تحديد يوم في السنة تتجمع في كل المجموعات ..
بس نتمنى التجاوب من الاعضاء لمثل هذه الافكار .. وبالتوفيق دوما انشاء الله ياشباب ...
http://www.asmilies.com/smiliespic/FAWASEL/011.gif
الزول الفرده
شنو يا فرده المنتدى خليت لينا ريحته كلها اقاشي وكبده خف علينا شوية .... كده عرس أنت يا نجم خليني أنا ...
http://www.asmilies.com/smiliespic/FAWASEL/011.gif
نور العيون
نورتينا ... وادينا العنوان نرسل ليك الطلبات .. اقاشي .. كبده ... كوارع
واشكرك على تثنية اقتراحي ... باقي الشباب عملوا نايمين عاجباهم اسم الكرسي الساخن