اليقظه،،، (هاشم صديق)

تعالي ودقي باب دنياي
أقوم من يأسي للدنيا
ويرن صوتي وينادي غناي
بلاك لا بِتعَرف دربي
وغيرك شن بكون معناي
***
بدون الحب حياتنا فضا
وسنينا فضا
عمرنا بيمشي بدون ما نحس
وفجأه نحس قطارو مضى..
صوابعك في يباس ايدي
يرشن في مسامها ندى
حديثك ما في غيرو حديث
يفجر في سمايا صدى
حنانك لوَّن الايام
شروق روحي وعصرني هوى
وهمسك لي حروف اسمي
بطوف بي بلاد ومدى
وحضنك في الزمان المر
صبح مرساي وبحري هدا..
***
صباحك زين
رجع بيك
الصباح شمسين
صبح بيك العمر عمرين
اقيفي معاي واعرفي شقاي
ندق باب الزمن ايدين
نخط فوق الصعب اسمين
معاك بلقى التعب خفَّ
شفايفك بسمتين ضفه
سبايبك في الجبين زفه
كلامك مره جرسو يضوع
ومرات بترسم في العين..
***
تعالي ودقي باب دنياي
أقوم من سجني في جلدي
واضمك واغرسك جواي
تتفتح كل مسام روحي
ويرن صوتي وينادي غناي
**
تعاي معاي
اقيفي معاي
أقيفي معاي
اقيفي معاي..

شعر هاشم صديق

يا مبدع
يا رائع
يا خلاق
اتحفنا جعلك الله تحفة هذا المنتدى

اخي وهيب ..

لك الشكر ..

دمـــــــــــــت ،،

تكنك مان
الروعه مروركم هنا
لا تحرمنا من طلتك البهيه..

سواح
الف شكر علي مرورك يا غالي..

عزيزنا الرائع بلا حدود وهيب
لك التحية والتجلي
ومشكور يا غالي