قريباً جداً
ترقبــــــــــــ<غداً الافتتاح>ـــــــــــونا
ويوم الافتتاح مجاني
وجائزة لحامل الإعلان
عرض للطباعة
قريباً جداً
ترقبــــــــــــ<غداً الافتتاح>ـــــــــــونا
ويوم الافتتاح مجاني
وجائزة لحامل الإعلان
يلا نحنا راجييين الافتتاح .....................
مرحباً بأول زبونhttp://www.cafe-monteverde.com/images/window_lrg.jpg
جاهزين يا مان بس انت تعال ومعك آخرون
شعـــــــــــــــــــــارنا:لسنا الوحيدون ولكننا الافضل
وليك على يا حسون فنجان قهوة من الصحن الفي النص
نبثقت الفكرة من البوست بتاع سيدة بتاع امسك يدي وفيك يدي والموضوع اتشعب وجاب ليهو دوبيت ومسادير وكلام دقاق وكلام كبار ودردشة عن النحت في الابدية والوجد الخرافي وفلسفات تكييفية .. واقترح لينا ابو علا نعمل انفصال من سيدة ويا سيدة يا اختى دي فكرة تقومي تطالبي بتعويض من رئيس مجلس الشيوخ اقصد الادارة وتقولي ليهم ابو علا استغل فكرة موضوعك في موضوع تاني وبقى انفصالي عامل فيها سلفاكير ..
وانا ماليش دعوة غايتو انا هنا رئيس مجلس ادارة القهوة دي ..
عندنا ضمنة، كتشينة ، شطرنج ، طاولة ، سحلب وقهوة وشاي
واجمل ما في القهوة دي حيكون في مطارحات شعرية لحظية
ويوجد موبايل لزوم اتصالات ..
فكرة خطيرة ومنتظرين الجديد والشديد
الإنترنت ما تنسوهو يا إبراهيم أهم حاجة ولازم يكون عندكم صالة رومانسية لزوم الجكس وراعونا في الأسعار عشان القعده تحلوه
كدي اول شي ناولني كباية الجبنه دي ...واجدع لي الكشتينه داير العب حريق الخاشي معاي منو
اقتباس:
المشاركة الأصلية كتبت بواسطة zoolfrda
الشغلانة مقسمة بالاجنحة
جناح خاص لعجايز المنتدى
وجناح خاص للشباب
وجناح خاص للجكس كلو في يا فردة .. جناح وجناح الجكس مكندش كندشة مركزية ومفروش كلو احمر في احمر زايد اضاءة خافتة وخلفية موسيقية من بتاعة زانفير ديك
وجناح خاص لمجلس الشيوخ:D دة غايتو البجي جنبو انا مش مسؤول.
ابراهيم ..
يعني كوفي شوب بالكلام الحديث
منتظرين الافتتاح
وبعدها نقرر اذا كان فعلا الكوفي شوب بتاعكم تمام ولا العكس
والميه تكذب الغطاس
دمـــــــــــت ،،
هوي يا حسون .. هو شنو ناولني الجبنة والكتشينة... ده كوفي شوب راقي مش كهوة حبش .. ليسه ما فتحوا ودايرين تملوهو لينا كتشينة وركلسه.... إنت داير تطفش الجكس من أول يوماقتباس:
المشاركة الأصلية كتبت بواسطة HaSsOoN
منتظرين الافتتاح الكبير
حالتكـــــــــــــــم صعبه لكن
كوفي شوب ولا كابريه
ابراهيم خسر خساير شديده ولابد من العائد المادي
انا طبعت التذاكر حقت الدخول
الدفع عندي وبعدين بحاسب اخوي ابراهيم:p
ومابين الاخوان حساب:D
,,,,,,,,,,,,,,
بعدين يا هيمه ماوريتني الزول داك غطست حجره وين؟؟
قطع مره وحده.
والله حيرتنا ابراهيم ... نحن تعبانين بنفتش لك فى العروس وانت ياك انت مرمى الله.. تجى ترفعه ارميك .. يعنى ياابراهيم انا اكلام الجماعه عشان نمشى نخطب لك وعمك ود الماحى ...جرينا جر من الفريق الفوق قال الجو الحلوه دا مابتاع خطوبه .. نقط المطر..ده.. داير ليه حاجه تانيه!!! لقايت ماحلف عليه ودالماذون و قلع ليه عمته ... ومشى بالطقيه بس وانت جارى لى وراء الجكس والكافيهات ...الحل الوحيد نجيبك الاستاد ونعرس لك عرس مع ناس العرس الجماعى... نحن منتظرنك فوق الدكان تعال بسرعه.
حباب الدارنا و الزارنا
حبابكم انتو في دارنا
و بيكم أنتوا يا حلوين
تتم فرحتنا تحلا لنا
ابراهيم يا حلو يا رائع اشكرك على الكوفي شوب فكرة بجد رهييييييبة و لازم تختار ليه محل ناصية يفتح على أربعة شوارع عشان كل الناس تشوفوه و البنيان و الديكور لازم يجمع بين الحداثة و الأصالة والتراث يعني أي زوول يلقي راحتوا عندنا و اعمل ليك خيمة شعر ملحق لأهل العوض و ناس النم و الدوبيت و شوف ليك غرفة صغيرة كدى للحش و القطيعة و الونسة عشان البنات ما يزعلوا منا و بعدين في واحدين تانيييين بحبوا الشغلات دي أنا بجيب معي بلي استيشن و أتاري عشان العيال و اذا دعى الأمر بنعمل فيه ( حضانة ، روضة ، تمهيدي ) المهم بنطوره و يصبح أساس لجامعة تخرج فحول الشعراء و الأدباء
ألف .... ألف ... معزرة لك أيها الرائع و لزوارك الذين تشرفنا بزيارتهم .....
اليومين دي انا مشغول شوي و بكرة إن شاء الله مسافر أنا و أم علا لآداء فريضة العمرة و برجع بعد 10 أيام أن شاء الله القي الكوفي بقي عامر و الجماعة متعاونين معاك و بدفعوا كااااااااش
برجع ليكم تاني إذا لقيت فرصة اليوم
همهمة :
يا إبراهيم نحن ما بنقدر ننفصل من سيدة لانو لازم يكون عندنا بيت بعد ما نخلص الدوام نرجع ليه نرتااااااااااااا ح و ما بنلقى أفضل من بيت سيدة
طول عمري وانا بمر بمحلات الكوفي شوب وما دخلته ودي اول مره ادخل كوفي شوب .
بس انت اعملُ اي حاجة تتناسب مع العجائز عشان بعد شوية نجاريكم .
وبعدين يافرده انت لمتين تفتش في الجكس لما عيونك الجوه العدسات تقع وما تتلحق ولما تجي للجكس الصاح تبقي ذي ود عمي عندك وجع في ...... ( بالمناسبة ده نقزه للفرده وود عمي كمان ) .
بعدين قهوة الحبش اخير من قهوة المصريين لان قهوة المصريين شدة ما عاجبنهم الحبش فتحوا قهوه جنبهم عشان الموا السودانيين الخجلانين لكن عاوزين اعاينوا سااااااااااااااااااااااااااااااااااااااااااااااااا ااااااي .
ابراهومه والله نحن نحب الحاجات الراقية ونضيفة ومعاك حتي الثمالة .
اول حاجة فنجان قهوة لكل فرد في المنتدىوسكرها انتو يا حلوينوالوسام أدناه للزبائن الاوائلزول فردة - حسون - سواح - نور العيونالمميز - نزار - ابو علا - معتز
المراد من قهوتنا يا حبايبنا الحلوين تنشيط المنتدى ..بالـ ونسة والدردشة والشمارات البريئة طبعاً عشان ما تهاجموني عشان نتقرب اكتر واكتر وتاني حاجة عشان نطلع من الجدية شوية في ناس في المنتدى دة جادين اربعة وعشرين سنة يا كافي البلا ما بضحكو كلو كلو المهم هنا للفرفشة والخروج من الروتين يعني ممكن الواحد لو اتعصر في بوست يجي يرتاح هنا بنديهو حق اللجوء وما بيناتنا ...
الموضوع هو للراحة والفائدة والمعلومة والسؤال والاستفسار والتعارف والتقارب بعيداً عن الرتابة المملة .. والأسلوب ذو النمط الواحد دون البحث عن البديل ..
وهي تجربة فكرتها مستوردة ورؤيتها مختلفة ..
والتواجد وصنع روح المحبة والدعابة والتعاون ..
فلذلك هو موضوع لمن لا موضوع له ..
والفكرة تحت التجربة
http://www.asharqalawsat.com/2006/06...vel.368124.jpg
لكن يا باشا قهوتك تشهّي
الكابتشينو عندك
صب لي معاك
,,,,,,,,,,
ابراهيم ... هوى انا بعد ماشفته فنجان القهو المظبط دى ... انا داير ادخل معك شريك .. يازول العرس ملحوق .. وهم العرسو ديل عمله شنوه .. يازول هوى انا معك تب من الليله...
أنا غايتو ما بحب الاضواء بس وروني الحتات الرومانسيه وضوها بمبي خافت زي اللمبه الهبوبيه بي وين...أأأأي محل الكلام الدقاقه...بالله حتي ريحتو فرق من دكان ود الصول....هو العمر كلو كم عشان يبعزقوهو في دكان ود الصول....جيب الجكسه أقصد القهوه أأأأجنا...أها الصعوط كيف أأأناس ...سفتي أبزغا وين...أبلعا....
ود الماحي
اقتباس:
المشاركة الأصلية كتبت بواسطة ابراهيم
وينها الجائزة ؟؟؟ يلا بسرررررررررررعة ياخوي مافي وقت ودا كلامك انت
وبعدين ياخوي مسئول من الخير اسمك ابراهيم سمح ابوعلاء دي شنو ؟؟؟ مع العلم اني من خلال البوست عرفت انك عزابي وكد اعشان الجماعة بفتشوا ليك علي عروس ;)
المميز المميزاقتباس:
المشاركة الأصلية كتبت بواسطة المميز
ازيك يا زبون ..
دة للعرض فقط
ابقى داخل لا جوة وما بنقصر معاك
اقتباس:
المشاركة الأصلية كتبت بواسطة نزار حسن محمد
مية مية يا نزار على قولك اصلو العرس ملحوقومحسوبكم كاشير وتحت الخدمة ...
لكن القهوة دي كان فاتت لحقانها صعب تاني
وبالنسبة للشراكة ما عندك اي مشكلة وعندك الباشا الكبير صاحب القهوة ابو علا زولاً حبوب والشراكة معاه عندها طعم تاني ...
مالنا ومال الشكواكيش يا عم:D
اقتباس:
المشاركة الأصلية كتبت بواسطة جالوص
يا جالوص ياخ انا بفتش ليك من متين ...ابقى تعال في اسرع وقت اصلو اي حاجة جاهزة بس راجنك وماشاء الله المايك قصبة
وبعدين عاملين سفرة خاصة للفنان والفرقة ..
وعايزين نتعاقد معاك حفلة كل خميس
اقتباس:
المشاركة الأصلية كتبت بواسطة Jamal Elmahi
يا ود الماحي ياخوى انت عايز تجي الحتات الرومانسية بي سفتك ودي تيجي ازاي يا عم الحج .. عموماً الف مرحبتين بيك وانت مكانك محجوز في صالة مجلس الشيوخ اما ان جيتنا في صالة الضو البمبي دي خلى كيسك في البيت وبنجيب ليك تمباك هندي مغلف ومقصدر حفاظاً على الجو الرومانسي.
اقتباس:
المشاركة الأصلية كتبت بواسطة مدنيّة
وبعدين انتي مستعجلة للجائزة سريع كدة مالك الصبر الببل الآبرى مافي؟
ما عندك مشكلة بس ورينا الاعلان وجايزتك بتجيك في محلك..
ابو علا يا ستي دة صاحب القهوة يعني الباشا الكبير وانا هنا كاشير
آي عزابى وتاني عزابي عندك لي عروس؟ كان عندك قولي لي المواصفات والمعايير والموازين عشان انا بعد شغل القهوة دي عملت تعديل لفكرة العرس وكدة وانا منتظرك في ركن قصى من القهوة عشان نتناقش في الموضوع.
اقتباس:
المشاركة الأصلية كتبت بواسطة ابراهيم
انت لما قلت الجائزة كتبت بين قوسين مع الصبر !!! :mad:
ورينا الجايزة هي شنو عشان مانتعب ساااااااااااااي
وشايفة نزار ماقصر في العروس كدي خت الرحمن في قلبك وكثف جهودك في مكان وحد وماتشتت جهدك ساااااااااااي ;)
إبراهومة :
إينما تكون يكون التفرد .
أولاًَ مبروك إفتتاح الكوفي الجميل وبالتأكيد سيكون حافلاً بالروائع ومن هنا أعلن تواجدي معكم وفي كل الأركان وبمختلف الإضاءات ...
كدي خلى الناس تعرف المحل ..
وراجع ليكم ..
يابراهومه
ياخوي جيب لينا تربيزة بلياردو نتسلى بيها
حاجه كده عالماشي
وممكن نختها في الحته الفاضيه
ديييييييييك>>>>>>>>>>
مبروووووووووك الافتتاح
وين الكروكي يا ابراهومة
وانا داير الركن الهادئ دااااااااااااك
بس الحساااااب آخر الشهر يا عم
تشكرات اخوي ابراهيم على الكوفي شوب
بس رائي حيكون بعد الافتتاح
ولك ودي ’’’
شلعتونا أبراهيم وقربنا نقفل الدكان والغريبه الكوفى شوب بتاعكم غير الشمارات وحكاوى الافلام الهنديه مافيه شئ
الحلوين و الرائعين زوارنا الكرام الجونا و الجايين حبابكم 100000000000
يا دبوي جيت من بعد غيبة لمدة 10 أيام كنت في زيارة الى الأراضي المقدسة لآداء العمرة و زيارة مدينة الرسول صلي الله عليه و سلم و وصلت باليل و يا دوبي فتحت عيني من النوم و قلت اروح الكوفي شوب اشرب قهوة و اشوف اخباركم يا حلوين
برجع ليكم بعدين يا روائــــع
زبائن الكوفي الحلوين
صباحكم ورد و فل و ياسمين
القاعدين في مدني و المغتربين ...
كيفكم و الله مشتاقين
بمناسبة العودة من السفر و قبل أخونا ابراهيم ما يجي الكوفي ... اليوم القهوة والكابتشينو مجاناً
و للمغتربين و محبي الدوبيت نهدي هذا المسدار
يخسي الغربه كم ذلت جني عزّام
خلت ليلو ليلين والشهر أعوام
ظروف الناس بتجبر والقدر حكّام
كتير أوضاع مريره بتفرضه الأقسام
بالله شوفو لينا ندى القلعه
خلوها تكون من الزباين حقون الكوفي
خلّو الناس تكتر
*****************
ناس الكوفي شوب كيف اخباركم وصحتكم ...
انتظرنا النسكافي ولا واحد عبرنا مع غرفكم الرائعة ومكانكم الجميل الا ان الخدمات ما بتوصل بالهين
شنو الحكاية يابراهومه وابو علا ...
مبروك العمره يابوعلا وعقبال الحج ان شاء الكريم ،،، وان شاء الله تكون دعيه لبراهيم معاك بالزواج...
جيب لينا التمر وموية زمزم يا أبو علا
معليش يا حمدتو انا كنت مشغول شوية وديت الطلبات للجكس بجوه إبراهيم الله يجزيه خير ليه كم يوم غائب و جنو إجازات طارئة ما عرفت قصتو شنو تفضل يا معلم نسكافيه بالحليب عليه سكر زيااادة
زول فردة اهلا بيك في الكوفي شوب
موية زمزم و التمر جبتهم معاااي بس بنوزعهم بعد الصلاة و لا أقول ليك احسن تشيل حقك توزعه في إجتماعات الإدارة زي ما الجماعة بوزعو الفول و التمر في اجتماعتهم ... ما في زول احسن من التاني و كلنا يانا سودانيين
يا إبراهيم واحد شاي ساده سكر خفييييييييييف ،، و جيب معاك الضومنة للشباب و شيل البلي استيشن دا من العيال ما يكسرو
المميز ندي القلعة ما غالية عليك بس كان جبناها خايفين المرة الجاية تقول داير نانسي عجرم و تفتح لينا باب طلبات ما نقدر نسدوا
و ناس مدني ديل أنا عارفهم معجبين بالكاشف و دي بصراحة أنا ما بقدر عليها و لا رأيك شنو ؟؟؟