سامباااا انت بتقول فيها نحن ذى ناس القنوات الفضائيه بنجهز لبرامج رمضان ... وابوعلا ء جاهز مويه ونور ..بس انتو اصبرو شويه. وبتشوفو العجائب
عرض للطباعة
سامباااا انت بتقول فيها نحن ذى ناس القنوات الفضائيه بنجهز لبرامج رمضان ... وابوعلا ء جاهز مويه ونور ..بس انتو اصبرو شويه. وبتشوفو العجائب
في زمّتك ما بتعرفي عكليته...كان كدي أنا وأبوعلا النفتح لينا فصل محو أميّه أقصد محو حنكشه...العكليته الزول المابنفكه من الرقبه زي الحسكنيت...قدر ما تحاول تخارجو ما داير يتخارج...توزعو برضو ما يتوزّع....كان شالوهو مابنشال وكان خلوهو حبس الدار....أها وقع ليك ولاّ نعملا مدرسة محو حنكشه عديل....اقتباس:
المشاركة الأصلية كتبت بواسطة سوار الياسمين
مشاققه...
بالله حتي الحنكشه خايله فيك ياسوار....
ود الماحي
وحاة ودحسونه كلو عندي ...اقتباس:
المشاركة الأصلية كتبت بواسطة abu_ola
وكان داير ليك ربيت حتتو عندي ...ودك أصلي بعد ما تقضي من الغنمايه الباقي مسّح بيهو الكرعين أأأبوي ...الشق يدخل ضب ...والودك الكمده بالرمده....
وبعدين أأأبوي أنا بدل ما أديك فرصه ما أخير ليك السعن ...تهز الصباحيه كلها منو فرصه ومنو رووووب...والماعارف يقول زبادي....
ود الماحي
اقتباس:
المشاركة الأصلية كتبت بواسطة sambaaa
سامبا يا اخوي كان ما استخدمت ودك و د الماحي دا شلاليفك بتشققن من الضحك شايفك تبحت في الواطة وتقرقر ساااكت ذي الموبايل المشغلنو هزاز ،،،، مبسوووووو ط تحمد سيدك و زي ما قال المثل العندو مغترب برا السودان ما زي الرفعوا عليه أسعار السكر و الجاز
الكرسي يا سامبا يا اخوي الناس بقعدوا فوقو 16 - 18 سنة مش اسبوووووع !!!!! عشان كدي أنا جني و جن الكراسي البتسوي البواسير ..و من أيام المدرسة متعود أقعد في البرش حاااااف ،،،، ماك طالبني حليفة لي يوم الليلة الحمار أنا بركب فوقو عري سااااااكت بدون سرج اخت لي بردعة و افحط اليوم كلوا
بس كان ختيت لي عنقريب هباب في ضل الشجرة و خليت البنوت روشوا الواطة بجردل موية و جبت لي جبنة بونسك بالحيل بس ما عليك مدسة الأسئلة التعسفية دي ما نا عندي ليها روووووح النعمنو أنا زول ونسة و قرقرابة ساااكت و زي ما قال ليك ود حسن اصبر علينا شوية رمضان على الأبواب و نحن مضيوفين اليومين دي و بعدين خلينا النشوف مشهاد رمضان كيف ؟؟؟ بعد داك أنا طاير منكم وين ؟؟؟
اقتباس:
المشاركة الأصلية كتبت بواسطة نزار حسن محمد
ود حسن آآآخوي خبارك بتغيب و تجي زي الشمش المغتياها التخااااية !!!!!!
بعدين يا عشاي رمضان قرب كدي املص جلابيتك دي علقها في المسمار و اقد معانا في الواطة دي النشوف رمضان دا بنسوي فيه شنو النعمينو ات زولاً متعلم و فااااهم انت وجهنا تب اللعوج قول لينا اعوج و العديل قول لينا عديل و انا و عمك ود الماحي دا بنتم الباقي بي ضراعنا ساااكت
اقتباس:
المشاركة الأصلية كتبت بواسطة Jamal Elmahi
ود الماحي آآخوي عدم الشغلة قالوا بعلم المشاط
خلاص بطلت الزراعة و بقيت تعلم في البنيات آآآ الخزين ،،، بعدين خت في بالك التعليم دا بخرب الجنوي وما بنلقي زول يحش معانا البلدات ،، المعني أنا ما ضد التعليم بس الحقيقة المدرسة دي كان لابد منها خليها باالليل بعد ما نجي من الضهرية سامعني آآآعشاي ؟؟؟؟
اقتباس:
المشاركة الأصلية كتبت بواسطة Jamal Elmahi
استرنا يا ود الماحي الله يستر فوق الأرض و تحت الأرض و يوم العرض ( قول آآمين ) الباتا انقطعت زمااااان آآآالخزين و الشقيانة بقت أصغر مني السفنجة يسألني ما يسألك رابط نخرتها بالحبل الحالة يعلم بها رب العباد بس ابشرك العيد قرب بننكســــي تب و كان داير لك سروال دمورية كلمني من هسع
سعنك دا يااخوي جلد نتاية و لا ضكر باقي يا عشاي أنا عندي قربة اللي لت نعجة بعدين يا اخوي انا كنت مستحي منك بس وقت جبت طاري السعن البقطع لي شعبة من الغابة أعلق فيها السعن منو ؟؟؟ بالمرة كمان النستاذنك تخلي سوار بت أخوك دي تجي كل يوم المغربية تحلب لينا الغنماية
ود الماحي آآآخوي انا عارف نفسي كترتها معاك بس قالوا في المثل الجار الما بدين و لا بتشحد منو قوات الأمم المتحدة أحسن منو كدي أخوي داير لي قرض ادبغ بيه القربة دي ليها 3 أيام باليها في الهبود و الولية دايرة الطشتي تعلق فيه للحمار
غايتو يا اخوي لي بكرة العصر كان القربة دي ما شريتها قطع شك رمضان لا بنصومه و لا شتين المعني شيخ الجامع قال من السنة تفطر على موية و لا بلح قلت ليه يا شيخنا الله يطراك بالخير البلح دا شوفتنا ليه طهور الوليدات قام قالي لي انت يا أبو علا تفطر على موية زرقا سااااكت ،،، الشيخ دا باين عليهو أدور النعمنو كان ما سويت القربة دي الموية اجيبها من وين ؟؟؟؟
الزول الضكر .. ابو البنيات .. ابوعلاء والله اليومين ديل انا ذى ام العروس مضيوف يابوى معاى ناس تلفزيون الجزيره وبنحضر لى تسجيل حلقه لى اهلنا فى ودمدنى عشان نشرح ليهم عن المنتدى واهل المنتدى وليلة ودمدنى الثقافيهاقتباس:
المشاركة الأصلية كتبت بواسطة abu_ola
لكن .. ياالدخرى واثق فيك وعارفك بسدها وتقدها . وكمان معاك عمك ودالماحى..انا راقد قفاااااا ه. آه لقايت ماانتهى من ضيوفى ديل بجيك بالباب السرى عشان نشوف برامج رمضان ..وليالى الحلميه اقصد ليالى الكوفى.. اه شوفته الخمه دى كيف.أاااابوى... ابقى عشره على العقاب .. ودعتك الله
ود حسن أها ناس تلفزيون الجزيره معاهم مزيعات ولاّ جت ضكور...النعمنو الجكس بحلي القعده...
جيبن لينا في الكوفي نحن راجينكم في الكريبه...
أبو علا النسعلك أأأعشاي دحين الجكس بجرّح الصيام...غايتو كان بجرّحو أنا صيامي من أول يوم بودوهو الانعاش ...أها عاد أطير وين من الخواجيات ..وحاتك أتا التقول الهدوم بتسوي ليهن الحساسيه والدبس...والشطور أشكال وألوان شئ نيدو وشئ حليب المراعي وشئ موشئ...محل ماتقبّل هن في وشك...وكمان أأأأجنا في مقالده ومحنّه شديده بالله يخلن الواحد يتضاير جيهه جيهه وبرضو ما جايب مريسة تامزينو...أها الرأي شنو أصوم بالليل وأنا نائم ولاّ أخير بجروحو ...القحه ولا صمة الجشم...
ود الماحي
كوفى رهيب جدا
لكن الظاهر ماعندنا نصيب فيه
لأن هناك أعلان يفيد بأن الدخول للأعضاء فقط ؟؟؟؟؟؟!!!!!!!
اقتباس:
المشاركة الأصلية كتبت بواسطة نزار حسن محمد
ود حسن أخوي بعد ما تقضي من ناس التلفزيون ديل كان فضل باقي شريط فاضي ما ترسلهم لي المعني داير ارسل سلامي بمناسبة رمضان لأهل العوض جــــت عليهم و بالمرررررة تعمل حسنة في أخوك و يلقاها فرصة يطلع فوق التلفزيون .... يا كافي البلاء و حياد المحن أهل العوض ديل الواحد منهم ما ينذكر في إعلام الحكومة كلو كلو و يوم تسمع أسمو و أسمو حلتو في الرادي أعرفوا مات تب المسيكين
اقتباس:
المشاركة الأصلية كتبت بواسطة Jamal Elmahi
الجكسي يا الخزين من غير دخان شلهتة سااااكت ..... و بعدين الدخان و غبار الطاحونة و غبار الدقيق ما بفطروا و لا شتين ..... و كان خايف على صيامك من التجريح قول لي رقم تلفونك كم و أول ما يأذن الفجرعندنا بعمل ليك مس كول و من ما يجيك المس كول أبدأ الصيام ( هو في أحسن من أنك تصوم بتوقيت مكة المكرمة ) و بي الطريقة دي و الله أعلم بتكون حافظت على 9 ساعات من الصيام سالمة تامة و الباقي تمو جككككككة ....
أها نسيت أقول ليك يا الخزين كان ما جاك الآبري باقي الساعات أت ماك مسعول منها و لا شتين ،،،، أت قول لي شن طعم الجلابية بدون عراقي و سروال طوووووويل !!!!!!!!!!
تخيرمة كعبة بالحيييييييييييل
ات يا ود الماحي اللبن الداير تجيلبو لينا في رمضان نعلوا ما لبن خواجيات
اقتباس:
المشاركة الأصلية كتبت بواسطة عوض صقير
هو قالوا ليك العضوية بقروش يا ود صقير كدي املص نعلاتك و تعال لي داخل كل شئ فضلت خيرك بتلقاه عندنا و بعدين ما شاء الله جيت خاتم هلال رمضان من قدام و نورك ضوا البكان اها آآزول بمناسبة رمضان دي ما نتفق معاك تصلي بينا التراويح و لا عندك مشغوليات تانية !!!! بخصوص الصلاة دي نحن كلمنا الشريف الهندي بس لي يوم الليلة ما رد علينا و نحن قلنا أحسن نشوف لينا إمام من ضو المعني ود الماحي قال بجيب البروش و د حسن الله يجعل فوقو البركة ما قصر تب في مسعألة الأباريق دي و الفروة علي أنا دا ،،، بس ما باقي لينا إلا السواق
كدي أضرب خماسيك في سداسيك و رد علينا
حباب ود صقيراقتباس:
المشاركة الأصلية كتبت بواسطة عوض صقير
كان ما شالك الكوفي في عيونا بنشيلك..
أتا أأأبوي ماك عضو أتا سيد محل...
جمال الماحي
مساء الخير عليكم
بما انكم قررتو تشغلوني في الكوفي
فامبارح كنت بدرب على طبخ الاكل السوداني
اتخيلو عملتى شنو
ملاح ويكة حمر باللحمة الهبر والقراصة
حاجة كدا طلعت رهيبة والحلة نضفت زي الما طبختى فيها
والعجب القراصة حعملتى ديك يا القراصة الماخمج
وده كله بس لعيون الكوفي وناس الكوفي بالزات عمي الماحي
ارجوني في رمضان
مالك أأأعشاي داير تجرّج لي صيامي قبّال ما يبدأ...اللبن أأأبوي خشم بيوت شئ بي نكهة الفانيلا وشئ بي نكهة الفراوله وبالشكولاته ولاّ أخير ليكم لبن البقر...مرمي الله مابنرفع...لبن الخواجات عيبو بنقطع لما تسخنو ...علا بيني وبينك صحّي لما تشربو من حلاّبو لي شرّابو...أها أجيبو ولاّ أخليو بعد رمضان...اللهم أني عايز أصوم...اقتباس:
المشاركة الأصلية كتبت بواسطة abu_ola
مشاققه...
مسعول من الخير ود حسن لقي ناس تلفزيون الجزيره ومن لقي أحبابو نسي أصحابو...غايتو قال ليك جكس صاح...المزيعه لما تسبل ليك عيوناتا تخلي قلبك يضرب زي الهبابه..بب بب بب بب بب بب..
جمال الماحي
ودالماحى .. جهز اسعلتك ساكت أبوى..بعد مانزلت سوار الياسمين من الكرسى لا احرى ولاندره نط لينا.. عود الكتير..اقصد شجر الحميض ..فى الكرسى ..لكن يأااابوى حميض حلوه بالحيل احلى من الحمبوك..
كدى تعال بهناك وشوف المعلق فى الكرسى ده منوا... وبعدين ماانسى المذيعه بتاعت التلفزيون مصنقر للصباح تقراء بس فى كلام ود الماحى وتقول قرررررر بضحك.. اجازى محنك فى داعى لذكر جكسى الخوجات ديل... بجيكم بس النفضاء..ودحسن
الله .... الله ... الله
يا سوار الياسمين
جبتيها على الجرح زي ما بقولوا
أنا بمووووت في القراصة و رمضان كله قراصة بالدمعة و اللحمة الهبر الكبار ... كبار
كان كدي انا صينيتك بحرسها من صلاة الضهر و ما بخليها لعمك و د الماحي براه
وأنا أشم في ريحة الكشنه من الشارع وهو تاريك دي أتي ياسوار الياسمين...لكن الكشنه ماعندكم ...ما تحرجيني وتقولي لي كشنه يعني شنو؟!!اقتباس:
المشاركة الأصلية كتبت بواسطة سوار الياسمين
رمضان كشنه يابت أمي ومن غير كشنه في رمضان بنكوفر وكان مابتعرفي الكشنه نادي سلوي ...سلوي أأأأي جات ما شامّه ريحة الابري والبصل المحمّر ...سلوي كشنتا جاهزه...ومدنيّه حتها حريفه كان ماتقوم تتحنكش علينا وتعملا لينا من غير بصل...أها العصايد كيف ياسوار؟
جمال الماحي
بس سؤال في الاول
كشنة يعني شنو :D :p
خخخخخخخخخ
والعصيدو من زمان ما عندي فيها عوجة
طلباتك اوامر
اقتباس:
المشاركة الأصلية كتبت بواسطة Jamal Elmahi
ود الماحي آآخوي لبن الحبان ليهو فريقة ... جيب ساااكت آآخوي البتلقي قدامك كلو جيبو و كان لقيت لبن الطير جيبو معاك بس آآآخوي أختا لبن المرة المحبوسة و لا المرة الكبارية لانه بكون حامض و ما بنفع في السحور بسوي ليك أبو الشهيق المعني إلا تسويه روب ،،،، و كان نوعت لينا يبقي بارك الله فيك ترا من سنة حفروا البحر بنشرب في آبري السجم دا على الزرقة العلينا زادنا زرقة وكت الله لمانا فيك كدي زينة صلاة النبي النغير ساااكت في رمضان دا كان الواحد لونو يفتح ساااكت بس لبن البقر ما بنفع معايا آآآالخزين قالوا بسوي الإندراوة .....
ما أوصيك كان لقيتني مافي يا عشاي اللبن شققو شرموط و شروو فوق رأس الكوفي عشان ما يقطع بس اعمل حسابك كان جات مطرة خلي سوار تطلع تنزل الصينية المعني اللبن دا كان صبت فوقو الأمطار المدارية دي ببقي مفعولو أقوي من اليورانيوم المخصب
اقتباس:
المشاركة الأصلية كتبت بواسطة سوار الياسمين
والله يا ود الماحي عندك بعد نظر ما شاء الله عليك و كان و من هذا المنبر ضم صوتي لصوت عمنا ود الماحي و من بكرة العصر بنفتح مدرسة محو الحنكشة
و هادي بعض المقررات المقترحة
تاريخ دخول الحنكشة في السودان
التراث و آثاره في بناء شخصية الفرد السوداني
أثر الحبوبات في تقويم سلوك الحنكوشات
الحنكشة من منظور أهل العوض
تعريب مصطلحات الحنشكة
مستقبل الصراع الفكري بين الحناكيش و الغبش
الإغتراب و أثاره في تغير معالم الشخصية
و كان لقيت أي كتاب آخر مفيد بضيفو للمقرر
ود الماحي آآخوي عندك مطلق الحق في التنقيح و تصحيح المقرر
أخونا ود حسن أها يا أخوي دورك جاء بالحيل و يا ها المحرية فيك
ياخوانا البت دي بتجامل فيكم
سااااااااااااااااااااي
:rolleyes:
هي بتاعت بيتـــــــزا وسمبوكســــه
وسلطت الفواكه والبسبوسه;)
ماتحرجوها اكتر من كده:p
هههههههههههههههه
:D:D:D
*************
اقتباس:
المشاركة الأصلية كتبت بواسطة abu_ola
كمان ازيد على كلامك لو سمحت لي اخوي ابوعلا
يستضيفو لينا وحده كمان في الحنكشه زاااااااااااتها
حنكوووووووووووووووشه ;)
عشان من خلال استفساراتها واسئلتها يستفيدو
حناكيشنا الطيبين :D
وكمان ده كلللللللللللللللللله يكون منقول فقــــــط وحصريا
عبر الكوفي شــــــوب ;)
:D :D :D
*************