نواعم منتديات ود مدني

مبررررررررررررررررررررررررررررررررك الاسم والتثبيت عقبال مايبقى قسم اها رائكم شنو نحتفل تعالوا نعمل مع بعض عصير لذيذ وبسيط كده
عزيزتى حواء ضعى عدد من حبات المنقة والسكر والثلج المجروش فى الخلاط ولازم يكون القوام ثقيل
ثم احضرى عصير الكركدى المثلج الذى اعددناه سوياً مسبقاً وضعى عصير المانجو فى قاعدة الكاس حتى ربع الكاس او كما تحبين ثم صبيى عليه بالتدريج عصير المانجو
طبعاً انت براك شايفة عزيزتى حواء قد ايه طعموا لذبذ وشكلوا رهييب بنات ماتنسو تزيين الكاسات نلطش طريقة منال العالم الطبيعية فى التزيين بس اذا سمحتوا لازم تجوا وانتوا فى قمة الشياكة والاناقة عشان النفسيات تكون حلوة ، اها بعد مازحيت المكرفون امشى اجيب وصفات الاقنعة والبشرة

اقتباس:

---

المشاركة الأصلية كتبت بواسطة مايسة

مدناوية حاشاك انتي من الغتاتة - علا طلبك دا صعب شوية على ممكن تصبري يا هناية :rolleyes:

:)

---

أي ممكن تصبري يا هناية ...

لكن ناس النويري والجماعة التيبين ديل نسوي ليهم شنو؟؟؟

نهاركم سعيد يا نواعم ..

اقتباس:

---

المشاركة الأصلية كتبت بواسطة مدناوية

أي ممكن تصبري يا هناية ...

لكن ناس النويري والجماعة التيبين ديل نسوي ليهم شنو؟؟؟

---

والله يا مدناوية أخلي البوست دا إلا تقفولوهو أنت لاقين أكون معاكم كمان أقوم أمشي أخليكم تبقو من غير جنس خشن ولا رأيك شنو

بنوت صباحكم وردي

ود المطامير - وين البت جيبه - (قال بتي قال) :mad:

حنونة تسلمي على الوصفة الجميلة زيك

مدناوية اكتبي بكل انواع الحبر السري - برضو حا يفهمو - ديل صعبين اساليني انا منهم :cool: (كيف ماما بقت)

عبير الورد وين يا بت باقي الوصفات :)

النويري - تشرب شنو - شاي ولا قهوة ولا كابتشينو :o

صباح النعومة والأنوثة والجمال ...

صباحكم ورد يا نواعم ...

اقتباس:

---

المشاركة الأصلية كتبت بواسطة مايسة

مدناوية اكتبي بكل انواع الحبر السري - برضو حا يفهمو - ديل صعبين اساليني انا منهم :cool: (كيف ماما بقت)
:o

---

ميسو يا ستنا ... صباحك عبيرو فايح ...

والله الجماعة ديل حيرونا ...

يعني نلبس نضارات شمسية ونعمل فيها ماشايفنهم وناخد راحتنا في الونسة .. ولا كيف؟؟؟


ماما تمام التمام الحمدلله ..

حيوصلو السودان يوم السبت بإذن الله ..

من هسي معزومة للكرامة ..

يا ريت يا مدناوية

على العموم يصلو بالسلامة يا رب - وخلي لي حقي بالجنبه :cool:

http://cdn.content.sweetim.com/sim/c...s/000203EB.gif

بنوت

الصيف جا

غايتو عليكم

بالفاصوليا
الكوسة
البطيخ

عشان تحافظو على رطوبة الجسم :)

اقتباس:

---

المشاركة الأصلية كتبت بواسطة ahmed algam

http://cdn.content.sweetim.com/sim/c...s/000203EB.gif

---

علقم ما شاء الله - تمام

فضل بس الجرتق :mad:

كو كو كو كو
دستووووووووووور
اي واحدة تلبس طرحتها وتخت ليها حاجة في رأسها
عايز أتكلم معاكن شوية لو سمحتن يعني

صباح الفل والياسمين ليكم يا غاليييييييييييييييييييييين كيفك يامدناوية انشاء ناس ماما يصلوا بالسلامة اها ياميسو ياعسل عرفنا البطيخ لكن الفاصوليا والكوسة فوائدهم شنو فى الصيف مارنجو لسع ماجاءت

اقتباس:

---

المشاركة الأصلية كتبت بواسطة المسافر

كو كو كو كو
دستووووووووووور
اي واحدة تلبس طرحتها وتخت ليها حاجة في رأسها
عايز أتكلم معاكن شوية لو سمحتن يعني

---

ههههههههه

غايتو - لا بريدك ولا بحمل بلاك :mad::p

اقتباس:

---

المشاركة الأصلية كتبت بواسطة مايسة

علقم ما شاء الله - تمام

فضل بس الجرتق :mad:

---

ههههههههههههه

حلللللللوة

اقتباس:

---

المشاركة الأصلية كتبت بواسطة حنونة.

صباح الفل والياسمين ليكم يا غاليييييييييييييييييييييين كيفك يامدناوية انشاء ناس ماما يصلوا بالسلامة اها ياميسو ياعسل عرفنا البطيخ لكن الفاصوليا والكوسة فوائدهم شنو فى الصيف مارنجو لسع ماجاءت

---

للكوسة تركيب متميز يجعلها أفضل خضروات الصيف، لما تحتويه من ماء ومعادن ومواد تعويضية، ولاشك في وجود الفيتامينات بها مثل باقي الخضروات وبكميات مناسبة، وهي تحتوي كذلك على الألياف بوفرة، وبخاصة عندما يكتمل نمو الثمرة، لكنها لا تحتوي على مكونات مانحة للطاقة، السكريات تعطي الجسم ما يلزمه من السعرات وأغلبها من السكر البسيط (فركتوز، وجلوكوز، بنسب متساوية)، غالباً ما تصاحبها كميات قليلة من السكريات الثنائية والسكر المتعدد، أما ما تحتويه الكوسة من هيوليات فلا يتجاوز 1.6 جرام لكل 100جرام. والشحوم قليلة جداً، وبناء على ذلك فإن الكوسة لا تعطي سوى 15سعراً حرارياً لكل 100جرام، وهي تعد من أقل الخضروات في منح السعرات مثل البندورة (الطماطم) والباذنجان.


حنونة سلام

بتو كويسة الحمد لله - بس ظروف خالته المريضة - وبتديكم السلام كلكم - مشكورة في الافراح وما نعدمك يا رب .

اقتباس:

---

المشاركة الأصلية كتبت بواسطة عبير الورد "بت ام در"

ههههههههههههه

حلللللللوة

---

عجبتك يعني - ههههههههه

وين مختفية - ولا اوف :mad::cool:

اقتباس:

---

المشاركة الأصلية كتبت بواسطة مايسة

بنوت

الصيف جا

غايتو عليكم

بالفاصوليا
الكوسة
البطيخ

عشان تحافظو على رطوبة الجسم :)

---

هو الصيف يادوب جا عندكم
غايتو نحن اصله ما فات مننا
التقول هنا الصيف طول السنة

والفاصوليا لزيزة ما عليها كلام
لكن الكوسة دي كيف ممكن تتأكل غير تكون محشي
او تتعمل مع مكونات الشوربة
كان في ليها طريقة تانية كدي نورينا
لان انا ما بحبها طبيخ على فكرة

اقتباس:

---

المشاركة الأصلية كتبت بواسطة مايسة

عجبتك يعني - ههههههههه

وين مختفية - ولا اوف :mad::cool:

---

بس كنت مشغولة شوية والله

اي عجبتني البت التنطط دي :rolleyes:

اقتباس:

---

المشاركة الأصلية كتبت بواسطة عبير الورد "بت ام در"

هو الصيف يادوب جا عندكم
غايتو نحن اصله ما فات مننا
التقول هنا الصيف طول السنة

والفاصوليا لزيزة ما عليها كلام
لكن الكوسة دي كيف ممكن تتأكل غير تكون محشي
او تتعمل مع مكونات الشوربة
كان في ليها طريقة تانية كدي نورينا
لان انا ما بحبها طبيخ على فكرة

---

تسلمي

انا ما طباخة طبعا - لكن بتخيل ممكن تعمليها باللحمة زي القيمة يعني

او بالفرن وتلخبطيها مع خضروات تانية

او بالباشميل برضو -

عبير الورد - عندي ليك حاجات سمحة شديد

بس كدي خليني ارتبه كويس - وربنا يسهل بس

غايتو اتعلم فيكي الطبيخ بالجد :o:p

اقتباس:

---

المشاركة الأصلية كتبت بواسطة مايسة

عبير الورد - عندي ليك حاجات سمحة شديد

بس كدي خليني ارتبه كويس - وربنا يسهل بس

غايتو اتعلم فيكي الطبيخ بالجد :o:p

---

يا زولة مافي مشكلة جربي فيني
خاصة انا كمان بحب اجرب :o
وبانتظار الحاجات السمحة حقت مايسة

رايكم شنو انا اجرب فيكم حاجة جربوها فيني قبل كدا :)
بس عجبتني جدا وبقيت دائما بعملها

سلطة فواكه بالزبادي :cool:
بالمناسبة السلطة دي تنفع مع ناس الدايت
غير انها خفيفة للعشاء بالصيف
كمان العزابة يقدرو يعملوها سريع
خاصة انهم ما شاء الله داخلين مارقين على البوست :mad:

جيبي كورية وجيبي تفاحة
طبعا اي نوع تفاح اخضر احمر اصفر زي ما تحبي
وجيبي كاسة زبادي
قشري التفاحة وقطعيها مربعات صغيرة
وختيها في الكورية كبي عليها الزبادي
كبي ليها ملعقة سكر وشوية فانيليا
وضوقي واديني رايك

اقتباس:

---

المشاركة الأصلية كتبت بواسطة المسافر

كو كو كو كو
دستووووووووووور
اي واحدة تلبس طرحتها وتخت ليها حاجة في رأسها
عايز أتكلم معاكن شوية لو سمحتن يعني

---

اها قول العندك

الحاصل شنو مافي وحدة صاحية استلف منها شنطة يد اطقم بيها الليلة

http://cdn.content.sweetim.com/sim/c...s/00020309.gif

البنية دي بتكورك مالا



شكلكم كدة جربتوا فها حاجة


مانفعت معاها